PILOTIMUA̒TA 12:23 - KITABI HABARI MOPIOHE

²³ Tou̒ Eeya molontale mota lipu botie u momate mateelo mao̒ taulo Masiri, Eeya mamoo̒onto mao̒ duhu too̒luo wolihi lohuhebu wau tobalaki ubula-bulawahu toitaato huhebu lobelemu; yi Tio mamo laodeo̒ wambao̒ wau diila mongohi Malai̒kati lo Mautu tumuwoto ode belemu u momate olimongoli mate-mateelo mao̒.

PILOTIMUA̒TA 12:23 ပူးပေါင်းရင်းမြစ်များ

OLUO LO SAMUEL 24:16

Malai̒kati lo Eeya talo podungga mai mautu boito malei dungga ode polumbetaa̒lo pale haku lei Arauna, taulo Yebus. Tou̒ Eeya loo̒onto deu̒ malai̒kati boito malei dapato u mopobinasa mao̒ Yerusalemu, Eeya lolomela putuusani-Lio, wau Eeya lohuheli lohukuumani mai bangusa boito. Tahuda lo Eeya ode malai̒kati boito, “Malotuuu̒de! Pohuhelilo!”

AYUBA 14:13

Ambunguolo tuua̒lo mai watotia todelomo dunia lotaa mate; duo̒laalo mai watotia tunggula Eeya diilalo momuluka. Bo ambunguolo tantuwalo mai wakutu u moe̒ela mola batanga lowatotia.

PILOTIMUA̒TA 11:4

Tei Musa loloi̒ya mao̒ odeli olongia, “Odi-odieelo mola tahuda mai lo Eeya, ‘Otanu to tomutaa̒a lou̒ hui Wau̒ mamo lontale mota huta lo Masiri.

PILOTIMUA̒TA 12:7

Ngoi̒di duhulio musi pomahita mao̒ too̒luo wolihi lohuhebu wau tobalaki ubala-bulawahu toitaato huhebu lobele tambati limongolio molamelao̒.

YESAYA 26:20

Tuwotolo ode delomo belemu, wuu bangusaau̒, lapatao̒ heu̒ti mao̒ huhebu. Potituuo̒lo u ngopee̒ mola tunggula omuluka lo Eeya mailoole.

YESAYA 37:36

To hui boitolo malai̒kati lo Eeya leidungga ode piloti-kemaawa taulo Asyur wau helomate yila-yilateelo mao̒ ngohetuto walu lopulaa limo lolihu lota pajule. Loombulio mola didimodupo mimii-lateyaalo limongolio bolo helo pupuulepelo mao̒.

YEHESKIEL 9:4

“Ponao̒olo ode totoonulalo tutu lokota wau pakea mao̒ tuoto totau̒ lo timii̒du taa u molaasa suukali lohilao wau suusa sababu ngoa̒amila huhutu moo̒olonuo̒ u hepilohutu tokota boito.”

YEHESKIEL 9:6

Pateaalo mate-mateelo mao̒ ngoa̒amila mongo lolai̒ wau mongobua, panggola wau muda, mongo dulaa̒ wau tau̒kekeei̒. Bo diila mao̒ dedeta penu boli ngotaa mao̒ taa otuoto totau̒lio. Tumuliilo monteea, monto Bele-U̒ botie.” Yi timongolio malo lumula tuugasi limongolio wolo lomate yila-yilateelo mao̒ mongo tau̒wa lo Isirai̒lu tadonggo hitihula to Bele lo Eeya.

1 KORINTUS 10:10

Ito olo diila mowali motihungoto; debo odelo u hepilohutu lou̒ ngotayadi mongolio muloololio mai, tilinggula timongolio pilate yila-yilateelo mao̒ lo Malai̒kati Opopate.

IBRANI 11:28

Sababu o iimani, yi tei Musa lohutu Paska wau lomalentao̒ alihu mopo mutatao̒ loduhu totimii̒du huhebu taulo Isirai̒lu alihu Malai̒kati lomautu diila momate-mateelo mao̒ tau̒ kekeei̒ mohuhula daa̒ limongolio.

IBRANI 12:24

Timongoli monao̒ mai motaalua li Isa, Potimbuludelo ode daantia u bohu boito; timongoli motaalua lo putato duhu u pongaku to susuu-aliyaalo ulebe mopiohe daa̒ lou̒ pilongakua loduhu lei Habel.

WAHI 7:3

Malai̒kati boito loloi̒ya mai “Diipo mao̒ poluusawa tudulio meaalo deheto, meaalo bubuu-ngowaalo ayu wonu ami diipo longohi tuoto seeheli tobaya lomongo wato Allahu Taa̒ala.”

WAHI 9:4

Timongolio dilini mopoluusa huo̒yoto, meaalo totoonulalo bungo lo ayu meaalo totoonulalo pilomulo wewolio. Timongolio bo mowali moluhu tau-tauwalo u tobayalio diila o tuoto seeheli monto Allahu Taa̒ala.