PILOTIMUA̒TA 12:15 - KITABI HABARI MOPIOHE

¹⁵ Eeya lotahuda, “Pitu hui mola hiheolio timongoli diila mowali molamela roti u oragi. Todulahee bohulio ngoa̒amila ragi musi yinggilolo monto belemu, sababu wonu ngotilonggadu pitu hui mola boito timii̒du ngotaalio molamela roti u oragi, yi tio diilalo mowali anggapuolo pongawaa̒ lo umati-U̒.

PILOTIMUA̒TA 12:15 ပူးပေါင်းရင်းမြစ်များ

ILOOWALI 17:14

Timii̒du mongo lolai̒ tadiila tutuuna diilalo anggapuolo pongawaa̒ lo umati-U̒ kalana tio diila lotidihu to daantia boito.”

OLUO TAWARI 30:21

Pitu hui mola hiheolio, wolo wengahe daa̒ taa u hia̒mbua to Yerusalemu boito helohutu rameyangi Roti Diila Oragi. Timii̒du dulahu tau-tauwalo Lewi wau mongo iimamu helo mujimuji mola to Eeya wolo tio̒otutua.

ESRA 6:22

Pitu hui mola hiheolio timongolio wolo weengahe helo polame Potihunggu Roti Diila Oragi. Timongolio hiweengahe daa̒ sababu Eeya malohutu mao̒ oli olongia lo Asyur ilomura lohilao to limongolio tilinggula helomantu oilmongolio todelomo kalaja luli lomongu mola Bele lo Eeya, Allahu Taa̒ala lo Isirai̒lu.

PILOTIMUA̒TA 12:8

Tou̒ hui boitolo tapulio musi panggangiolo wau tameloolo wolo sayori mopaa̒to wau roti udiila oragi.

PILOTIMUA̒TA 13:3

Tei Musa loloi̒ya mao̒ ode bangusa lo Isirai̒lu, “To dulahee botie Eeya lopo lopatai olimongoli wolo kawasaa-Lio uleidaa̒, tilinggula timongoli loo̒ lualai lonto Masiri, tambati pilowatolio olimongoli. Sababu uito, poe̒ela mao̒ dulahee botie. Diila mao̒ polamela roti u oragi.

PILOTIMUA̒TA 23:15

Todelomo hulalo Abib meaalo hulalo ubohulio, towakutu utilantu mao̒, timongoli musi mopolame Potihunggu lo Roti Diila Oragi wolo pohuli u mapilo malenta-U̒ mai olemu, sababu tohulala boito timongoli helo lolaa mao̒ Masiri. Diila mao̒ polamela roti upilohutu wolo ragi ngotilonggadu lameyangi pituhui mola boito. Timii̒du timongoli monao̒ mai moi̒baadati to ola-U̒, timongoli musi modelo mai podewo.

PILOTIMUA̒TA 30:33

Taa u mohutu winulo debo odelo uito, meaalo mopomake mao̒ duo̒lo taa u diila iimamu, madiilalo anggapuolo pongawaa̒ lo umati-U̒.”

PILOTIMUA̒TA 30:38

Tatoonu tamohutu yiyii-lontaalo debo odelo uito, diilalo anggapuola pongawaa̒ lo umati-U̒.”

PILOTIMUA̒TA 31:14

Dulahu pohuheliyala boito musi hulumatia mao̒ limongoli odelo dulahu u mantali. Timongoli wohiya-U̒ mai wolomohui mola u pokalajaalo, bo todulahu opitulio yi todulahee daa̒ u pohetuwola ola-U̒. Tatoonu tadiila mohulumati mao̒ dulahee boito, bo mokalaja todulahee boito musi hukuu-maniyolo mate.

PILOTIMUA̒TA 34:18

Polamea mao̒ potihunggu lo Roti Diila Oragi. Debo odelo mapilo malenta-U̒ mai olemu, timongoli musi molamelao̒ roti udiila oragi ngotilonggadu pituhui mola todelomo hulalo Abib, sababu tohulalo boito timongoli lololaa mao̒ Masiri.

PILOTIMUA̒TA 34:25

Tou̒ timongoli mopodewo mao̒ bibiahu iloloto, diila mao̒ podewowa wolo-wolo u pilohutu mao̒ lomake ragi. Bibiahu u iloloto duo̒lo bake lo lameyangi Paska musi poo̒pulitolo tohui boito olo; diila mowali olabita tunggula loombulio mola.

IMAAMATI 17:10

Wonu ngotaalio lo Isirai̒lu meaambo ngotaalio lotau deli tadebo bilu-biluloa̒ towolota taulo Isirai̒lu molamela duhu, yi tio mahukuumanio lo Eeya wau diilalo anggapuolo pongawaa̒ umati-Lio.

IMAAMATI 17:14

Nyawa lotimii̒du mahaluku woluo todelomo duhulio, sababu uito Eeya modini bangusa lo Isirai̒lu molamela duhu. Timii̒du taa umohutu mao̒ huhutu udini-dini boito diilalo anggapuolo pongawaa̒ umati lo Allahu Taa̒ala.

MALEAKHI 2:12

Pohileaala dua̒ tau-tauwalo tahi pohutua odito yinggilo lo Eeya monto umati lo Isirai̒lu. Hileaala dua̒ timongolio diilalo modudua̒ wolo bangusaanto mopodewo babaa-keyaalo ode Eeya Taa Laba-labaalo kawasa.

YIA̒APO 28:17

To dulahu wumbutio mola, todulahu opulaa limo, matilumula Lameyangi Roti diila Oragi, wau ngotilonggadu pitu hui mola timongoli diila mowali molamela roti u pohutuwolo momake ragi.

YIA̒APO 9:13

Bolii̒o mao̒ taa udiila najisi wau diila olo todelomo nonao̒, bo momalongo mopolame mao̒ Paska, yi diilalo anggapuwo-U̒ ngotaalio lo umati-U̒, sababu tio diila lopodewo bake ode ola-U̒ towakutu utilantu mao̒. Tau boito musi momanta akiibati lo dusalio.

MATIUSI 16:12

Pulitio mao̒ tahidudua̒ li Isa boito longalati deu̒ ti Isa mei̒ podaha-dahaalo mao̒ olimongolio boito diila toragi u hepomake pohutu roti, bo to popoo-ngajaliyalo tau-tauwalo Parisi wau Saduki.

LUKASI 12:1

Hilihu-lihua tau hipo huhuuntula tunggula woluo tai̒lo dutaa̒a to oa̒atio. Tou̒ tau-tauwalo boito donggo hia̒mbua ti Isa lotahuda mao̒ ode tahidudua̒ o-Lio, “Poo̒daha-dahaalo mao̒ ragi tau-tauwalo Parisi, makusudu-U̒ omunaapiki limongolio.

LUKASI 2:43

Lopaluta mota lameyangi boito timongolio malo hualingo, boti Isa, Walao̒ boito, donggo lotitolaa to Yerusalemu, wau diila ilotaawa lomongo dulaa̒-Lio.

WUNGGULI LOMONGO RASULU 12:3

Tou̒ tei Herodes loo̒onto deu̒ huhutuulio boito loo̒sanangi hilaa lotau-tauwalo Yahudi, tio luli lohutu mao̒ udebo odelo uito; tio malo poa̒hu olo talo heu̒pa olei Petrus. Sua̒li boito lotoduo to Dulahu Buka Roti Diila Oragi.

GALATIA 5:12

Lebe mopioheo̒ tau-tauwalo tamopo ambulati pikiilangi limongoli boito hua̒a lumualo wambai̒o pee̒entalo monto jamaa̒!

TINGULI 16:3

Dewo lo Paska boito musi tameloolo wolo roti udiila oragi. Pitu hui mola hiheolio timongoli musi molamela roti udiila oragi, debo odelo tou̒ timongoli loololaa mao̒ huta lo Masiri wolo tametameo̒. Tamela mao̒ roti boito, roti u ilunte roti lo polodutolo, alihu ngotupa lo tutumuli mongoli timongoli mamoo̒ eela mola dulahio tou̒ timongoli loololaa mao̒ Masiri, tambati limongoli helo dutolo.

TINGULI 16:5

Bibiahu duo̒lo Lameyangi lo Paska musi olotolo totambati u tilulaoto Eeya Allahu Taa̒ala limongoli, wau diila mowali totambati wewo to ngoilanggubu lipu uilohi-Lio ode limongoli. Sua̒li boito musi pohutuo mao̒ limongoli tou̒ mato lodulahu tumolopaa mota, debo odelo tou̒ timongoli loololaa mao̒ huta lo Masiri.

TINGULI 16:8

Ngotilonggadu wolomohui u wumbutio mola timongoli musi molamela roti udiila oragi. Todulahee u opitulio timongoli musi motia̒mbu u molubo Eeya Allahu Taa̒ala limongoli. Diila mao̒ pokalaja todulahee boito.”