PILOTIMUA̒TA 12:13 - KITABI HABARI MOPIOHE

¹³ Duhu uwoluo tohuhebu lobelemu mamowali tuoto monto bebee-leyaalo tambati piloti biluloa̒amu. Wonu Wau̒ moo̒onto duhu boito, timongoli laode-U̒ mao̒ wau diila pobinasaa-U̒ tou̒ Wau̒ mohukuumani mai Masiri.

PILOTIMUA̒TA 12:13 ပူးပေါင်းရင်းမြစ်များ

ILOOWALI 17:11

Tumulalo mai botia yio̒ musi moluuna mao̒ timii̒du walao̒ unge mongo lolai̒ tao̒ umulu walu hui, tuwotuwoto mongo wato tapilotutu mai tobelemu meaalo tatilalimu. Tuuna boito mamowali tuoto lo daantia to wolota-U̒ woli mongoli.

PILOTIMUA̒TA 12:11

Tou̒ molamela timongoli musi mahipakea wolo wimu-wimumuto duo̒lo nonao̒ limongoli, wolo sandale to oa̒ato wau tunggudu to uluu̒. Timongoli musi lingga-linggabu molamelo. Ui-uitolo lameyangi lo Paska u mohulumati ola-U̒, Eeya.

PILOTIMUA̒TA 12:23

Tou̒ Eeya molontale mota lipu botie u momate mateelo mao̒ taulo Masiri, Eeya mamoo̒onto mao̒ duhu too̒luo wolihi lohuhebu wau tobalaki ubula-bulawahu toitaato huhebu lobelemu; yi Tio mamo laodeo̒ wambao̒ wau diila mongohi Malai̒kati lo Mautu tumuwoto ode belemu u momate olimongoli mate-mateelo mao̒.

PILOTIMUA̒TA 12:7

Ngoi̒di duhulio musi pomahita mao̒ too̒luo wolihi lohuhebu wau tobalaki ubala-bulawahu toitaato huhebu lobele tambati limongolio molamelao̒.

YEHESKIEL 9:4

“Ponao̒olo ode totoonulalo tutu lokota wau pakea mao̒ tuoto totau̒ lo timii̒du taa u molaasa suukali lohilao wau suusa sababu ngoa̒amila huhutu moo̒olonuo̒ u hepilohutu tokota boito.”

1 TESALONIKA 1:10

Timongolio helo bisala olo pasali woloolo mola timongoli motiwunela to podungga mai lo Walao̒ Allahu Taa̒ala monto Sologa, deu̒ito-yito ti Isa Almasi, tamaa pilotumulai lo Allahu Taa̒ala lonto opopate. Ti Isa boitolo olo tamopo aahu olanto monto muluka lo Allahu Taa̒ala u mamei dungga mai.

IBRANI 11:28

Sababu o iimani, yi tei Musa lohutu Paska wau lomalentao̒ alihu mopo mutatao̒ loduhu totimii̒du huhebu taulo Isirai̒lu alihu Malai̒kati lomautu diila momate-mateelo mao̒ tau̒ kekeei̒ mohuhula daa̒ limongolio.

YOSUA 2:12

Harapuo lowatia timongoli mohuto motadia domi tanggu-Lio deu̒ timongoli mamopohutu mao̒ ngaalaa̒ lowatia lou̒ mopiohu debo odelo u mapilohutu lowatia olimongoli. Podantilo mai deu̒ tiilo wau tiyamo lowatia, mongo wutato lowatia diila tapatee limongoli mate-mateelo mao̒, bo maduo̒la limongoli. Wau woleeto boito wohiyalo mai tuoto tuwau odelo pongaku deu̒ timongoli mowali palacaya mao̒ lowatia!”

YOSUA 2:18

Bo uti-utieelo wamabo̒ u musi pohutuwomu mao̒. Wonu ami de moluhu mai lipumu, mamusi tali meela botie pongawadumu mao̒ to tutuloa botie tambati u pilolaahumu mola olami. Tiilo wau tiyamamu, mongo wutatumu, ngoa̒amila kaumu ngaalaa̒ liyamamu mamusi ambuwomu tobelemu botie.

1 YAHYA 1:7

Bo wonu ito tumutumulo todelomo mobaango odelo woloolo mola Allahu Taa̒ala woluo todelomo mobaango, yi ito tumutumulo moa̒aita tutu, mopiohe wau dame ngota timongota, wau duhu li Isa, Wala-I̒o, mopobelesi olanto monto ngoa̒amila dusa.