PILOTIMUA̒TA 10:22 - KITABI HABARI MOPIOHE

²² Tei Musa malo mintaaa̒ mola uluu̒lio odeitaato, wau ngotilonggadu tolo hui mola ngoilanggubu huta lo Masiri yilanggube lo modio̒lomo tutu.

PILOTIMUA̒TA 10:22 ပူးပေါင်းရင်းမြစ်များ

AYUBA 5:14

Tou̒ dulahu mobaango timongolio odungga lou̒ diila botie mobaango, oa̒apao̒-oa̒apao̒ debo odelo tou̒ hui.

JABURU 105:28

wau timongolio helo dudua̒a palentaa-Lio. Lapatao̒ Eeya lopowali lipu boito lodio̒loma daa̒.

PILOTIMUA̒TA 20:21

Bo tau-tauwalo boito debo hitihula helo tilaminga mota, wau bo tei Musa wambao̒ talo himbideo̒ heengo modio̒lomo totambati owoluwo lo Allahu Taa̒ala.

YESAYA 8:22

ode walungo, timongolio diila tamoo̒onto wolo-wolo ngopohia ileepita wau u modio̒lomo wau usuusa u modangapo. Timongolio matapilolio ode tambati u modio̒lomo boito.

YEHESKIEL 32:7

To wakutu Wau̒ mopobinaasa mai olemu, hulungo mawanggube-U̒ wau popoo-liyamaalo mapou̒lee-U̒. Mato lodulahu matuuo̒o-U̒ to ngotuali lo heengo wau hulalo diila tamotinelo.

YEHESKIEL 32:8

Otutu, totoonulalo tilango to hulungo mapatee-U̒, wau dunia mapowaliyo-U̒ modio̒loma daa̒. Wau̒, Eeya Taa Laba-labaalo molanggato malo tahuda mai.

YOEL 2:2

Dulahee boito modio̒lomo wau diila boti mobaango, polupolu lo wumbuo̒ taluhu wau diila boti mobaango. Suludadu lobulita lonao̒ mai lamelame debo odelo heengo u bula-bulade toitaato u hihui̒-hui̒dea. Poloutiya debo odelo uito diipo pee̒enta mao̒ yiloluo mai, wau diila tamonguli mai ohiheo-hiheolo mao̒.

YOEL 2:31

Mato lodulahu mamowali modio̒lomo wau hulalo mamowali meela debo odelo duhu. Ngoa̒amila boito mamotoduo tou̒ diipo meidungga Dulahu Eeya, dulahee upolu-polutuo̒ wau moo̒tihela hapato!

AMOS 4:13

Hui̒dee wau dupoto, Eeyaalo talo powali mai; lanjanaa-Lio piloilaalo-Lio mai ode manusia. Tio lohutu mai dulahu wau hui; toitaato lo boboo-litutuo̒walo dunia Tio lolontale. Eeya Allahu Taa̒ala Taa Laba-labaalo kawasa, boitolo tanggu-Lio.

AMOS 4:7

Wau̒ tamolanggu laahio lodidi tou̒ pilomulomu momalalu daa̒ taluhu. Wau̒ mopotuhutai didi ode kota u tuwau wau diila ode kota uwewo. Halabolu u tuwau moo̒toduo didi polodu, hiambola halabolu uwewo owowoluwoa mohengu.

TINGULI 4:11

Wunggulia mao̒ ode mongo walai̒ mongoli woloolo mola timongoli lonao̒ mai wau tilimihula tobungo lohui̒dee u yilanggubei lopoloo̒ modio̒lomo debo odelo heengo mohulodu wau tululio lei̒-lei̒ita demola hulungo.

TINGULI 5:22

Ui-uitolo palenta uilohi mai lo Eeya ode limongoli tou̒ timongoli hia̒mbua tohui̒dee. Tou̒ Tio lotahuda mai wolo suala lobulonggodu lonto tulu wau heengo u mohulodu, Tio longohi mai papaa-lentawalo boito, wau diila taweewo. Lapatao̒ Tio loluladeo̒ tobotulei dulo pita wau longohi mai ode olau̒.”

WAHI 16:10

Lapatao̒ malai̒kati olimolio loluwato mola tuango tapahulalio ode tambati huhuloa̒ lo binatangi boito. Yi ngoilanggubu tambati huhuloa̒ lo binatangi boito lowali lodio̒lomo, wau manusia lodengeta dila sababu longongoto.