PILOTIMUA̒TA 10:21 - KITABI HABARI MOPIOHE

²¹ Eeya lotahuda odelei Musa, “Bintaaa̒ mola uluu̒mu odeitaato, yi huta lo Masiri mawanggube mai lo modio̒loma tutu.”

PILOTIMUA̒TA 10:21 ပူးပေါင်းရင်းမြစ်များ

AYUBA 5:14

Tou̒ dulahu mobaango timongolio odungga lou̒ diila botie mobaango, oa̒apao̒-oa̒apao̒ debo odelo tou̒ hui.

JABURU 105:28

wau timongolio helo dudua̒a palentaa-Lio. Lapatao̒ Eeya lopowali lipu boito lodio̒loma daa̒.

JABURU 35:6

Huliilo mao̒ timongolio yilapita malai̒kati lo Eeya todalalo u modio̒lomo wau modipuluto.

JABURU 78:49

Eeya lopomukaa̒i omuluka lo Eeya u wali-walihuhu wolo lolao ngopasuukani malai̒kati lomautu u lohutu olimongolio yilooli halaapani.

PILOTIMUA̒TA 7:19

Eeya lotahuda odelei Musa, “Ahulilo mao̒ tei Haruna mohama tunggudio wau momintaa̒a mola odeitaato lo ngoa̒amila dutulaa, wau u polibaya lo taluhu, kukuu-lamuwalo to Masiri. Taluhio mamowali duhu, wau to ngoilanggubu lipu mawoluo mai duhu, tumbao̒ todelomo dodoo-lomuwaalo ayu wau totoo-mbeyaalo botu.”

PILOTIMUA̒TA 9:22

Lapatao̒ Eeya lotahuda odelei Musa, “Bintaa̒ mola uluu̒mu odeitaato, wau didi esi mamo tuhutai ode ngoilanggubu huta lo Masiri. Didi boito mamei dungga ode manusia, bibiahu wau totoonulalo pilomulo to halabolu.”

TAMOO-HUTUBAWA 2:14

Taa molinepo mowali moo̒onto timantahu u patujuolio; taa mohulodu debo odelo monao̒ oa̒apao̒-oa̒apao̒.” Bo otaawau̒ olo deu̒ paladu u tutuuwauwa mamotoduo ode limongolio ngoa̒amila.

TAMOO-HUTUBAWA 6:4

Sababu duo̒lo tau̒nge boito diila mowali sua̒li, wolo tio potutuolio mai meaambo diila; tio monao̒ ode delomo modio̒lomo, tulusi hua̒a lipatolio.

YEHESKIEL 32:7

To wakutu Wau̒ mopobinaasa mai olemu, hulungo mawanggube-U̒ wau popoo-liyamaalo mapou̒lee-U̒. Mato lodulahu matuuo̒o-U̒ to ngotuali lo heengo wau hulalo diila tamotinelo.

MATIUSI 27:45

Tou̒ dulahee totau̒, ngotilonggadu tolo jamu mola, ngoilanggubu lipu boito malo dio̒lomai.

MARKUSI 15:33

Tou̒ mangoputu lodulahu, ngotilonggadu tolo jamu mola hiheolio ngoilanggubu lipu boito malo dio̒lomai.

LUKASI 23:44

Otanu dulahee totau̒, mato lodulahu diila otinelio, wau ngoilanggubu lipu boito lowali lodio̒lomo daa̒ tunggula jamu tiga lolaango.

TINGULI 1:30

Eeya Allahu Taa̒ala limongoli mamodelo olimongoli wau mohipate ode limongoli debo odelo u masilakusia limongoli to Masiri

TINGULI 28:29

Tou̒ mohuloonu tutu timongoli oa̒apao̒-oa̒apao̒ debo odelo taa pitoo̒, bo diila moo̒dungga dalalo. Ngoa̒amila tolopani limongoli diaaluo mao̒ u momata. Timongoli mololalaaita deehe wau lambatolio, wau diaaluo tamo tulungi olimongoli.

TINGULI 4:34

Wolo tingga woluo ila tuwau u buheli mohama mao̒ bangusa tuwau monto babaa-ngusawalo tawoluo tulusi mopowali mao̒ olimongolio umatilio lohihilao, debo odelo u pilohutu lo Eeya Allahu Taa̒ala limongoli ode limongoli to Masiri? Timongoli loo̒onto lohihilao woloolo mola Allahu Taa̒ala wolo olootolo uleidaa̒ lopodungga mai baala wau popaatea, helo kalaja totoonulalo moo̒linggolabe wau helohutu susuu-aliyaalo moo̒tihela hapato.

2 PETRUS 2:17

Guguu-ruwaalo paluti boito yito debo odelo butu lotaluhu u mohengu, wau debo odelo wambulo u hiliipa lodupoto huloyongo. Allahu Taa̒ala malo podapato olimongolio tambati tuwau u modio̒loma tutu.

2 PETRUS 2:4

Mamaa-lai̒katiyalo tao̒dusa olo diila poluli lo Allahu Taa̒ala molopato monto hukumani, bo debo pomahu-Lio ode delomo naraka. Timongolio potuwoto-Lio ode delomo pangato u modio̒lomo u tahangia-Lio mola teto dilumutu Dulahe Pomutoa̒lo.

YUDAS 1:13

Tutuuwauwa debo odelo buo̒olo moo̒huu̒ daa̒ todeheto mopotoodei putii̒o, odito olo timongolio mopoo̒ putio̒ totoonulalo huhutu u moo̒olito. Timongolio yito debo odelo bibii-natangiyalo u helonao̒ ode utoonulalo mao̒ udiila otatapua poti biluloa̒alo umaa pilopo dapato tambatilio lo Allahu Taa̒ala todelomo dio̒lomo ulaba-labaalo moo̒tihela hapato u ohiheo-hiheolo mao̒.

YUDAS 1:6

Eelai mola olo mamaa-lai̒katiyalo tailimbata eenggade lo okokawasa limongolio, tilinggula lonao̒ lololaa mao̒ tambati pilo tibiluloa̒ limongolio. Allahu Taa̒ala lomungu mamaa-lai̒katiyalo boito wolo lante ubakaa, todelomo tambati u modio̒lomo to walungo huta. Mola teto timongolio tataahangi tulusi dilumutu hukuumani podehuwolo odeitaati mongolio de to Dulahe upolu-polutuo̒ boito.

WAHI 8:12

Lapatao̒ malai̒kati opatio lohiipo torompetilio. Yi ilotambalia ngotayade totolu mato lodulahu, ngotayade totolu hulalo, wau ngotayade totolu popoo-liyamaalo tilinggula yiloolilo mola ngotayade totolu lonto lotolo tineli mongolio. Wau olo ngotayade totolu dulahu diila lotilangai wau odito olo ngotayade totolu lou̒ hui.