PILOTIMUA̒TA 1:20 - KITABI HABARI MOPIOHE

^20-21 Yi Allahu Taa̒ala malo balakati mai mongo hulango boito wau helongohi mao̒ wali ode limongolio, sababu timongolio mohulumati Allahu Taa̒ala. Wau taulo Isirai̒lu olo he oduhenga mola daatalio wau lotoolio.

PILOTIMUA̒TA 1:20 ပူးပေါင်းရင်းမြစ်များ

JABURU 103:11

Bo ngoilanggato hulungo toitaato dunia, ngou̒daa̒ uito ponu lo Eeya ode taa u saale.

JABURU 111:5

Eeya hemongohi mai lijiki totaa u saale, wau laito moe̒elai daantia lo Eeya.

JABURU 145:19

Eeya moposanangi hilaa lotaa u hisaalea; Eeya modungohe iibodi mongolio wau mopoa̒ahu olimongolio.

JABURU 61:5

Poluliaalo mai watotia ngotupa lo tutumulo motihangata to kema lo Eeya, alihu aamani todelomo wolungo polipio̒ lo Eeya.

JABURU 85:9

Watia ohilaa modungohe tahuda lo Eeya Allahu Taa̒ala; Eeya lodanti mai osalaamati to olanto, umati-Lio, asali ito diilalo mohutu dusa.

PILOTIMUA̒TA 1:12

Bo lebe hedeehe taulo Masiri, bo lebe he oduhenga mola jumula taulo Isirai̒lu, wau lebe hemoloo̒po timongolio ode ngoilanggubu lipu boito, tilinggula taulo Masiri mailoohe olimongolio.

PILOTIMUA̒TA 1:19

Tametao̒ limongolio, “Taabua lo Ibrani diila debo odelo taabua lo Masiri. Timongolio gambangi daa̒ mopotutu mai. Tou̒ hulango diipo meidungga, walai̒o mapilo tutulio.”

PILOTIMUA̒TA 1:7

Bo wali mai limongolio, deu̒yito-yito tau-tauwalo Isirai̒lu, lotiwala-walao̒ wau lotiwombu-wombu mola dadaata daa̒, wau jumulaa limongolio heilo duhenga mola wolo lolamemeta daa̒, tilinggula lipu lo Masiri lopolu lomola woli mongolio.

POHUMAYA 11:18

Ou̒untungi lotaa moleeto yito ou̒untungi u paaluti, ou̒untungi lotaa hipohutua u mopiohe yito ou̒untungi u tutuulio tutu.

POHUMAYA 19:17

Motulungi taa mosikini tutuuwauwa debo odelo mopobulota to Eeya; de Eeya olo tamaa momaalasi mai.

TAMOO-HUTUBAWA 8:12

Eleponu ngohetuto u moleeto pohutuo lo ngotaalio odusa, tio debo tumutumulo tumbao̒ hayahaya umululio. Tanu, tatoonu taa modungohe to Allahu Taa̒ala, tantu tutumulio gaambangi ngoa̒amilalo.

YESAYA 3:10

Eeya lotahuda mai, “Potunggula mao̒ totaa u modungohe ola-U̒ deu̒ timongolio masanangi tutu wau moa̒ahu. Timongolio mamolaasa mao̒ tilapulo tolopani lokalaja tio̒opatea limongolio.

MATIUSI 10:42

Titaalo tita tamongohi uilumolo, penu bo taluhu mohuhulo ode tala ngota lotaa hehiinawa daa̒ botie, sababu tio muri-U̒, pomalacayalo, deu̒ tio maatantu mololimo wuupalio!”

MATIUSI 25:40

Ti Olongia boito mamo lametai, ‘Ototai mao̒: tou̒ timongoli mohutu mao̒ sua̒li boito, eleponu ode tala ngota lomongo wutatu-U̒ taahina daa̒, boliilio mao̒ timongoli malohutu uito ode ola-U̒!’

LUKASI 1:50

Wali domi wali Eeya lodehu hilao totaa moohe to o-Lio.

IBRANI 6:10

Allahu Taa̒ala diila bo Allahu Taa̒ala tadiila aadili. Tio diila molipato wolo u kilalaja limongoli de o-Lio, wau tolia̒ngo upilo biloheo̒ limongoli o-Lio tou̒ lotulungi mongo wutato ngoi̒imani, omoo̒omolu wau botia.