OLUO MONGO OLONGIA 9:7 - KITABI HABARI MOPIOHE

⁷ Yio̒ mamopo binasa ngaalaa̒ li tuanimu Ahab. Lou̒ odito Wau̒ mamo hukuumani mai oli Isebel tamalomate yila-yilateelo mao̒ mongo nabi-U̒ wau mongo wato-U̒ wewo.

OLUO MONGO OLONGIA 9:7 ပူးပေါင်းရင်းမြစ်များ

BOHULO MONGO OLONGIA 18:4

Tou̒ tei Ijebel helomate mongo nabi lo Eeya yila-yilateelo mao̒, tei Obaja botieelo tamalo tulungi ngohetu lota nabi wau heloluuo̒ todelomo gowa – limo lopulu lota todelomo gowa tuwau – wau helongohi mao̒ ua̒alo wau u yilumolo.)

BOHULO MONGO OLONGIA 21:15

Lolamemeta tou̒ ti Isebel lololimo habari boito malo loi̒ya tio odelei Ahab, “Tei Nabot mailate. Botia ponao̒lo mota hamaalo mao̒ ilengi lo angguru boito udiila yinao potaliilio olemu.”

BOHULO MONGO OLONGIA 21:21

yi uti-utieelo u pilotahuda mai lo Eeya odeli Tuani, ‘Wau̒ mamopo dungga mai baala ode olemu. Yio̒ mainggilo-U̒ mao̒, wau timii̒du mongo lolai̒ todelomo ngaalaa̒mu, panggola wau humula, malopuwa-U̒.

BOHULO MONGO OLONGIA 21:25

Diila pee̒enta mao̒ woluo taa uwolo neekati helohutu u moleeto to bibilohu Eeya debo odelo u hepilohutu lei Ahab. Ngoa̒amila ololeeto boito pilohutulio to wuntulo li Isebel dilelio.

OLUO MONGO OLONGIA 10:10

Utieelo bukutiilio deu̒ totoonulalo u tilahuda mai lo Eeya pasali lowalao̒ wau wombu lei Ahab mamo toduo mai. Eeya malo ponao̒ wolo u tilahuda-Lio mai lotimbulude olei Elia wato-Lio.”

OLUO MONGO OLONGIA 10:11

Lapatao̒ tei Yehu helomate yila-yilateelo mao̒ ngoa̒amila mongo ilaato lei Ahab uwewo tahi biluloa̒wa to Yijreel, wau ngoa̒amila pogawee, mongo tamani tamodudulo, wau mongo iimamulio; diaaluo penu boli ngotaa mao̒ tailulia hitumula.

OLUO TAWARI 22:7

Allahu Taa̒ala malolantu mai deu̒ tei Ahajia mamoo̒ toduo u mate tou̒ tio mola momilohe olei Yoram. To nonao̒ mola boito tei Ahajia wolei Yoram tiluwalia mai lo talolai̒ ngota tai̒lunte Yehu walae̒e Nimsi, tamaa tilulaoto Eeya u mopobinasa ngaalaa̒ li Olongia Ahab boito.

YEREMIA 26:5

Timongoli olo musi modungoheo̒ wolo u yiloi̒ya lomongo wato-U̒, mongo nabi tamolo-laalaaita heilao-U̒ mai ode olemu. Bo timongoli diila mohuto modungohe olimongolio.

MATIUSI 23:35

Sababu uito, timongoli mamoo̒tapu hukuumani sababu polomatea yila-yilateelo mao̒ u hepilohutu limongoli ode ngoa̒amila taadiila ototala tumulalo mai polomatea yila-yilateelo mao̒ olei Habel tadiila ototala tunggula polomatea yila-yilateelo mao̒ olei Jakaria walae̒e Berekhya, tapilate limongoli yila-yilateelo mao̒ towolota Bele lo Eeya wau mesba.

ROMA 12:19

Mongo wutatuu̒! Sama-samaata diila mao̒ pomalasi niyati, hulii mao̒ Allahu Taa̒ala tamo hukuumani mai. Sababu todelomo Kitabi tulatulade, “Wau̒lo tamolontuli. Wau̒ tamamo hukuumani mai, tahuda lo Eeya.”

ROMA 13:4

Sababu pomalenta yito wato lo Allahu Taa̒ala tahemo kalaja duo̒lo opopiohi mongoli. Bo wonu Wutato mohutu u moleeto, memangi Wutato musi moohe to pomalenta. Sababu diila palacuma wambai̒o pomalenta okawasa mohukuumani mao̒ tau. Pomalenta yito wato lo Allahu Taa̒ala, u mopodehu hukuumani lo Allahu Taa̒ala ode tau-tauwalo tahipo hutua u moleeto.

TINGULI 32:35

Eeya mamolontuli wau mohukuumani olimongolio, wau diilalo mohiheo timongolio modehu wau binasa; saaa̒ti obobinasa limongolio hua̒a meidungga.

TINGULI 32:43

Wuu babaa-ngusawalo, pujiaalo umati lo Eeya, sababu Eeya mohukuumani ngoa̒amila tamomate-mateelo mao̒ olimongolio. Tio momalasi niyati to musu-Lio bo mongambungu mao̒ dusa lo umati-Lio.”

IBRANI 10:30

Otaawanto tatoonu Tio talo tahuda, “Wau̒ mamo lontuli! Wau̒ mamo hukuumani!” wau talo tahuda, “Eeya mamo mutoa̒i umati-Lio.”

WAHI 18:20

Wuu sologa, poti wengahulo mola to oa̒antulu lokota boito! Wuu umati lo Allahu Taa̒ala, mongo rasulu, mongo nabi, poti wengahulo mola! Sababu Allahu Taa̒ala malo hukuumani mai olio odelo toli tou̒ wolo umaa pilohutulio limongoli!

WAHI 19:2

Pomuto-I̒o aadili wau molinepo! Tio malo podehu mai hukuumani to tasuuntali daa̒, tamoruusa dunia wolo polo hulotolio. Allahu Taa̒ala malo hukuumani mai tasuuntali boito, sababu tio lomate yila-yilateelo mao̒ mongo wato lo Allahu Taa̒ala.”

WAHI 2:20

Bo utie kabalaatani-U̒ olimongoli: Timongoli helongohi hilao toli Ijebel, talongaku taabua tailahula mai lo Allahu Taa̒ala boito. Madilaata mongo wato-U̒ tai̒laa-kaliilio wau ilajaliilio u helohutu huloto wau lolamelo ua̒alo umaa pilodewo ode balaahala.