OLUO MONGO OLONGIA 9:6 - KITABI HABARI MOPIOHE6 Lapatao̒ timongolio duduulota tilumuwotao̒ ode delomo bele, wau tinabi humula boito loluwatao̒ winulo jaitun boito toitaato lunggongee Yehu tulusi loloi̒ya mao̒, “Eeya Allahu Taa̒ala lo Isirai̒lu lotahuda mai, ‘Wau̒ momuduo̒ olemu mowali olongia to umati-U̒ Isirai̒lu. အခန်းကိုကြည့်ပါ။ |
Ilopujialo mola Eeya, Allahu Taa̒ala li Tuani! Wolo lomuduo̒ oli Tuani lowali olongia lo Isirai̒lu, Eeya lopoi̒laalo malo odito sanangilio Eeya toli Tuani. Diila opulitio Eeya helomonu mai bangusa lo Isirai̒lu; uito sababuulio Eeya lomuduo̒ oli Tuani lowali olongia limongolio, alihu ti Tuani mowali mopo tihulao̒ butoo̒ wau u aadili.”
Ui-uitoolo putuusani lami mamaa-lai̒katiyalo tadapa-dapato wau hemo poo̒daaha. Makusudu lami yito alihu tau-tauwalo penu boli tou̒toonu momasisi, deu̒ Allahu Taa̒ala Taa Laba-labaalo molanggato okawasa to yilaidia lomanusia wau yilaidia boito wuduo-Lio ode titaalo tita tatulao-Tio, tumbao̒ ode taa u diila oboliilio sama-samaata wambai̒o!’
Yio̒ mapo lahiyolo monto huungo ulipu lomanusia, wau tumumula wolo bibii-natangiyalo to padengo. Ngotilonggadu pitu lotaunu mola yio̒ mamonga huo̒yoto debo odelo sapi. Lapatao̒ uito yio̒ mamo tolongaku mao̒ deu̒ Allahu Taa̒ala Taa Laba-Labaalo Molanggato okawasa to bele biluloa̒ saaha li olongia lomanusia wau bele biluloa̒ saaha li olongia boito wohi-Lio mao̒ ode titaa lo tita tatilulao-Tio.”
Lapatao̒ tei Semuel lohama ginti tuatuanga yinulo jaitun, lapatatao̒ yinulo boito piloluatio ode yitaato lunggongee Saul, wau diliilio tei Saul sambela loloi̒ya mao̒, “Eeya malo mudaa̒ olemu lowali olongia lo Isirai̒lu umati-Lio. Yio̒ mamo malenta umati-Lio wau moduo̒la olimongolio monto mumuu-suuwaalo limongolio. Utieelo tuotio olemu deu̒ Eeya malo lulaota olemu lowali olongia to umati-Lio.