OLUO MONGO OLONGIA 9:3 - KITABI HABARI MOPIOHE

³ wau huwata mao̒ winulo botie ode yitaato lunggongio, lapatao̒ polelea mao̒ olio, ‘Eeya lotahuda mai deu̒ Eeya momudua̒ olemu mowali olongia lo Isirai̒lu.’ Lapatao̒ mohutu sua̒li boito, hua̒a tolailo tambati boito.”

OLUO MONGO OLONGIA 9:3 ပူးပေါင်းရင်းမြစ်များ

BOHULO MONGO OLONGIA 1:34

Mola teto tei Jadok wolei Natan musi momudua̒a olio mowali olongia lo Isirai̒lu. Lapatao̒ uito timongoli musi mopotingohe mola toroompeti motingalaa̒ meengahu, ‘Pomali-tutuo̒lo mola Olongia Salomo!’

BOHULO MONGO OLONGIA 19:16

Pohutua mao̒ odito olo odelei Yehu walae̒e Nimsi, alihu tio mowali olongia lo Isirai̒lu, wau odelei Elisa walae̒e Sapat lonto Abel-Mehola, alihu tio mowali nabi mobuulota wolemu.

OLUO MONGO OLONGIA 8:13

“Aa, watia botie taa udiila oboliilio,” tametao̒ lei Hajael, “diila pongalo aakali watia okawasa upolu-polutuo̒ debo odelo uito!” “Eeya malo poi̒laalo mai olau̒ deu̒ yio̒ mamowali olongia lo Siria,” tametao̒ lei Elisa.

OLUO MONGO OLONGIA 9:6

Lapatao̒ timongolio duduulota tilumuwotao̒ ode delomo bele, wau tinabi humula boito loluwatao̒ winulo jaitun boito toitaato lunggongee Yehu tulusi loloi̒ya mao̒, “Eeya Allahu Taa̒ala lo Isirai̒lu lotahuda mai, ‘Wau̒ momuduo̒ olemu mowali olongia to umati-U̒ Isirai̒lu.

OLUO TAWARI 22:7

Allahu Taa̒ala malolantu mai deu̒ tei Ahajia mamoo̒ toduo u mate tou̒ tio mola momilohe olei Yoram. To nonao̒ mola boito tei Ahajia wolei Yoram tiluwalia mai lo talolai̒ ngota tai̒lunte Yehu walae̒e Nimsi, tamaa tilulaoto Eeya u mopobinasa ngaalaa̒ li Olongia Ahab boito.

PILOTIMUA̒TA 29:7

Lapatao̒ hamawa mao̒ winulo upacala, poloohe mola toitaato lunggongio wau winuli mao̒ tio.

DANIALI 2:1

Tou̒ huilio tuwau, dulo taunu mola lapatio mao̒ ti Olongia Nebukadnejar helo malenta, tio loo̒ tohiilopo. Tohiilopio boito malo loo̒balisa hilaalio, tilinggula tio diilalo moo̒tuluhe.

DANIALI 4:35

Babaa-ngusawalo todunia diila oboliilio. Diaaluo penu boli ngotaa mao̒ tamoo̒ tuwali kahandaki-Lio, diaaluo tabuheli mohintu mao̒ wolo u hepohutuo-Lio.”

DANIALI 5:18

Allahu Taa̒ala Taa Laba-labaalo molanggato lohutu mai olei Nebukadnejar, tiyamo li Tuani lowatotia olongia udaa̒ wau longohi olio odudaa̒ wau omasaahulu.

IMAAMATI 8:12

Lapatao̒ uito tei Musa lopo mantali mao̒ olei Haruna wolo loluwato ngoi̒di winulo upacala ode yitaato lunggongio.

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

MATIUSI 2:13

Tou̒ tahi ahalia lopoliama boito malo monggato, malai̒kati lo Eeya luli lopo bilohei batanga odelei Yusu todelomo tohiilopo. Malai̒kati boito malo tahuda, “Tei Herodes omakasudu mololohe Walao̒ boito wau pateelio mate-mateelo mao̒. Sababu uito pobongulo, delowalo Walao̒ boito woliilo-Lio momonggata mola ode Masiri. Potibiluo̒po mola teto tunggula Wau̒ mamuli motahuda mai olemu.”

MATIUSI 26:7

taabua ngota lonao̒ mai odeli Isa. Tio lodelo buutulu lo puwalamu moputio̒, tuatuanga yinulo moonu u mahale. Tou̒ ti Isa donggo hulo-huloa̒a hemo lamela, taabua boito malo luwatao̒ yinulo moonu boito to lunggongi Isa.

BOHULO SEMUEL 10:1

Lapatao̒ tei Semuel lohama ginti tuatuanga yinulo jaitun, lapatatao̒ yinulo boito piloluatio ode yitaato lunggongee Saul, wau diliilio tei Saul sambela loloi̒ya mao̒, “Eeya malo mudaa̒ olemu lowali olongia lo Isirai̒lu umati-Lio. Yio̒ mamo malenta umati-Lio wau moduo̒la olimongolio monto mumuu-suuwaalo limongolio. Utieelo tuotio olemu deu̒ Eeya malo lulaota olemu lowali olongia to umati-Lio.

BOHULO SEMUEL 15:1

Tou̒ dulahee tuwau tei Semuel loloi̒ya mao̒ odelei Saul, “Eeyaalo talo poa̒hu mai olaatia lomudua̒ oli Baginda lowali olongia lo Isirai̒lu umati-Lio. Sababu uito, patutilio ti Baginda modungoheo̒ palenta lo Eeya Taa Laba-labaalo kawasa.

BOHULO SEMUEL 15:17

Tei Semuel loloi̒ya mao̒, “Diila mati Baginda talowali tau̒wa to susuu-kuwaalo Isirai̒lu, eleponu ti Baginda monganggapu batangalio diila polohuna daa̒? Ti Baginda matilulaoto lo Eeya lowali olongia to Isirai̒lu,

BOHULO SEMUEL 16:2

Bo tei Semuel lolametao̒, “Woloolo mola watotia musi mohutu mao̒ uito? Wonu sua̒li boito odungohe lei Saul, tantulo mao̒ watotia pateelio mate-mateelo mao̒!” Eeya lotahuda mai, “Delowalo sapi buboto tuwau, wau poo̒taa mao̒ ode ulipu deu̒ yio̒ monao̒ mola odito u mopodewo bake ode Eeya.

BOHULO SEMUEL 9:16

“Loombu dimodupo tanu tou̒ wakutu odie, Wau̒ mamopoa̒hu mai ngotaalio monto suku Benyamin mai modunggaya wolemu. Pudua̒alo mao̒ tio wolo upacala wilinulaa u mowali olongia to umati-U̒ Isirai̒lu. Tio mamopoa̒ahu umati-U̒ monto taulo Pilistin. Wau̒ maloo̒onto mai polodutolo umati-U̒ wau lodungohe hihiiyongi mongolio mei̒ tuulungi.”