OLUO MONGO OLONGIA 9:11 - KITABI HABARI MOPIOHE

¹¹ Tei Yehu luli lohualinga ode mongo tamaniilio, lapatao̒ timongolio helohintu olio, “O habari wolo? Taa biyonga boito ohilaa mongoola wolemu?” “Aa, mailotaawa limongoli,” tametao̒ lei Yehu.

OLUO MONGO OLONGIA 9:11 ပူးပေါင်းရင်းမြစ်များ

OLUO MONGO OLONGIA 4:26

Aliheo̒olo mota modunggaya wolio wau yintua mao̒ woloolo mola owowoluwoalio ongongaalaa̒.” “Ngoa̒amilalo mopiohe,” ualo taabua boito odelei Gehasi.

OLUO MONGO OLONGIA 5:21

Lapatao̒ tei Gehasi malo hilapita mota olei Naa̒man. Tou̒ tei Naa̒man loo̒onto woluo talonao̒ mai, yi tio malolaahe mola lonto kaletaalio wau lohintu mao̒, “Hinta mawolo?”

OLUO MONGO OLONGIA 9:12

“Diila, diila otaawa lami!” tametao̒ limongolio. “Ntali polelea mai!” Tametao̒ lei Yehu, “Tio loposambe mai tahuli lo Eeya deu̒ wau̒ puduo̒ lo Eeya mowali olongia lo Isirai̒lu.”

OLUO MONGO OLONGIA 9:17

Tou̒ tamoo-kawalia monara lokota Yijreel loo̒onto mota olei Yehu wau taulio hinao̒wa mai, yi tio longiibodu, “Woluo ngopolemboa̒ tau hidulunga mai odia!” Tei Yoram lolametao̒, “Ahuli mao̒ pajule ngota owadala mota motulete wolo timongolio boito tamani meaalo laawani.”

OLUO MONGO OLONGIA 9:19

tulusi luli yilaolio mota pajule ngota tawewo. Pajule boito olo lohintu mao̒ odito olo odelei Yehu, wau pee̒entapo tei Yehu lolametao̒, “Uito diila uruusanimu! Ntali popanggala lomai wolau̒!”

OLUO MONGO OLONGIA 9:2

Meidungga mola odito lolohemu mao̒ tei Yehu walae̒e Yosapat wau wombu lei Nimsi. Heinga mao̒ tio tutuuwau ode huwali tuwau,

OLUO MONGO OLONGIA 9:22

“Wolo nonao̒mu mai botie motaamania?” yilintu mao̒ lei Yoram odelei Yehu. Tei Yehu lolametao̒, “Diila pongalo aakali motaamania, wonu tewe donggo dadaata taa ogunaguna, wau donggo woluo tamoolubowa balaahala u hetilumula mao̒ li Ijebel tiilamu boito?”

YESAYA 59:15

Diduluo taa u motulidu hilao, wau tatoonu tamopo halahu u moleeto, tio lohihilao mowali bake lou̒ moleeto.” Eeya maloo̒onto mai, wau Eeya diila sanangi deu̒ diduluo u aadili.

YEREMIA 29:26

“Eeya malomudua̒ olemu lowali iimamu lobuulota wolei Yoyada, wau botia yio̒olo tamodihu pantungo lailaia̒ daa̒ to Bele lo Eeya. Tuugasimu yito mopoa̒hu mao̒ alihu timii̒du taa biyongo, tamomasisi batangalio nabi, punguola wolo rante wate to buloo̒lio.

HOSEA 9:7

Malei dungga wakutu pohukuu-maniyalo, wakutu u mololimo polomalasi tou̒ totoonulalo huhutu. Isirai̒lu mamolaasa mao̒! Timongoli moloi̒ya, “Nabi takiluwasa lo rohu botie abaloolo! Biyongo tio!” Timongoli loloi̒ya odito sababu timongoli molonuo̒ daa̒ to Olau̒ wau dusaamu udaa̒ tutu.

MARKUSI 3:21

Tau-tauwalo hipo loi̒yawa deu̒, “Tio mabiliyongo!” Wau tou̒ ngaalaa̒-Lio loo̒dungohe sua̒li boito, malonao̒ mota timongolio lohama o-Lio.

YAHYA 10:20

Dadaata tahi poloi̒yawa, “Tio mai̒lo tuanga lolati! Tio biyongo! Pongoola timongoli modungohe o-Lio?”

WUNGGULI LOMONGO RASULU 17:18

Guguu-ruwaalo alilani Epikuros wau alilani Stoa helo susuua̒lia olo wolio. Dengolo lota limongolio hipoloi̒yawa, “Wolo otaawa lotau botie? Pongototalio bo ngoi̒di, bo tio dadaata bisalaalio!” Dengolo lota tawewolio hipoloi̒yawa, “Oontonga mao̒ tio hemo pohabari pasali lo dedeewaalo bangusa wewo.” Timongolio loloi̒ya odito, sababu tei Paulus helo bisala pasali li Isa wau pasali lou̒ muli tumumulai monto opopate.

WUNGGULI LOMONGO RASULU 26:24

Tou̒ tei Paulus donggo hemoo̒woli podulualio boito, tei Pestus malo nguatio̒, “Yio̒ mabiyongo Paulus! Ilimiimu u dadaata boito maloo̒ biyonga olemu!”

1 KORINTUS 4:10

Sababu ti Almasi, amiaatia yito taa u mohulodu, wau timongoli taulo Nasara tahi tootawa! Amiaatia hilupuhe wau timongoli hilootola! Amiaatia hilentei̒o, wau timongoli hepuji-pujiyolio!

2 KORINTUS 5:13

Wonu amiaatia memangi oontonga mao̒ mabiliyongo, uito yito domi polohuna daa̒ Allahu Taa̒ala. Wau wonu amiaatia oontonga mao̒ oa̒akali mopiohe, uito domi polohuna daa̒ olimongoli.