OLUO MONGO OLONGIA 9:1 - KITABI HABARI MOPIOHE

¹ Tou̒ boito ti Nabi Elisa lotiangai tala ngota lonto mongo nabi tapiloo̒ laatio wau loloi̒ya mao̒, “Potidapa-dapatolo u monao̒ mola ode Ramot to Gilead wau delowalo mao̒ buutulu u tuatuanga winulo jaitun botie.

OLUO MONGO OLONGIA 9:1 ပူးပေါင်းရင်းမြစ်များ

BOHULO MONGO OLONGIA 1:39

Lapatao̒ tei Jadok lohama tambati lowinulo jaitun umaa dilelolio mai lonto Keme lo Eeya, tulusi lomudua̒a olei Salomo wolo lomake winulo boito. Torompeti olo mapilo tingohio mola wau ngoa̒amila tawoluo teto helo tingalaa̒ meengahu, “Pomili-tutuo̒lo mola Olongia Salomo!”

BOHULO MONGO OLONGIA 18:46

Tou̒ boito tei Elia loo̒tapu mai lotolo lonto Eeya. Tio lolupi mao̒ jumbalio ode yitaato wau lopo bintolao̒ to wohutalio tulusi tilumeteo̒ leimulo wolei Ahab ngohayaa̒ dalalo demola huhebu hulubangi lokota Yijreel.

BOHULO MONGO OLONGIA 19:16

Pohutua mao̒ odito olo odelei Yehu walae̒e Nimsi, alihu tio mowali olongia lo Isirai̒lu, wau odelei Elisa walae̒e Sapat lonto Abel-Mehola, alihu tio mowali nabi mobuulota wolemu.

BOHULO MONGO OLONGIA 20:35

To palenta mai lo Eeya, ngotaalio lo nabi towolota lo ngopolemboa̒ nabi helo poa̒hu tamaniilio momate mao̒ olio. Bo tamaniilio boito diila lohuto.

BOHULO MONGO OLONGIA 22:20

Eeya lohintu mai, ‘Tatoonu tamomiya olei Ahab alihu tio mohuto monao̒ mopaatea wau mate to Ramot to Gilead?’ Tametio lo mamaa-laikatiyalo boito diila tutuuwauwa.

BOHULO MONGO OLONGIA 22:4

Yi tou̒ tei Yosapat lonao̒ mai, tei Ahab lohintu mao̒, “Mohuto ito monao̒ wolaatia mota moluhu Ramot?” Tei Yosapat lolametao̒, “Ooo̒! Ito monao̒ pee̒-pee̒enta. Suludadu wau pasuukani lowadala laatia mamo panggala wolo suludadu wau pasuukani lo wadalanto.

OLUO MONGO OLONGIA 2:15

Talimo lopulu lota nabi to Yerikho boito loo̒onto olio, tulusi malo loi̒ya, “Kawasa lei Elia malo limbatao̒ odelei Elisa!” Timongolio lotahudei olio tulusi losujudu lomola totalulio,

OLUO MONGO OLONGIA 2:3

Ngopolemboa̒ lonabi tahi biluloa̒wa mota teeto lodunggaya wolei Elisa wau lohintu mao̒, “Wolo otaawamu deu̒ todulahee botie ti tuanimu mamololaa mao̒ olemu sababu mabintao̒ mola lo Eeya?” “Ooo̒, otaawa laatia,” tametao̒ lei Elisa. “Bo sambelolo, sambelo ito mobisala pasali leeto.”

OLUO MONGO OLONGIA 2:5

Ngopolemboa̒ lonabi tahi biluloa̒wa mota teto lodunggaya wolei Elisa wau lohintu mao̒, “Wolo otaawamu deu̒ todulahee botie tituanimu mabintao̒ mola lo Eeya Allahu Taa̒ala wau mamololaa mao̒ olemu?” “Ooo̒, otaawa laatia,” tametao̒ lei Elisa, “Bo sambelolo, sambelo ito mobisa pasali leeto.”

OLUO MONGO OLONGIA 2:7

wau limo pulu lota nabi tahidudua̒ olimongolio. Lapatao̒ tei Elia wolei Elisa lohuheli tobiihu dutulaa, wau talimo lopulu lota nabi boito hutihula diila ngoolo mao̒ lamingio lonteeto.

OLUO MONGO OLONGIA 4:1

Tou̒ dulahee tuwau janda lonto ngotaalio lo nabi lonao̒ mota odelei Elisa wau loloi̒ya mao̒, “Paaa̒, dile lowatia mailate! Wau otaawa li Paaa̒ deu̒ tio olo ngotaalio lotaa u modungohe to Allahu Taa̒ala, bo tio o biloli to tahingota-ngotawa. Botia tau boito lonao̒ mai lohama walao̒ watia duduulota wau timongolio he pilopowaliilio wato, odelo pomaayali biloli todile lowatia tamailate.”

OLUO MONGO OLONGIA 4:29

Tei Elisa loili mao̒ odelei Gehasi lapatao̒ loloi̒ya, “Aliheo̒! Hamaawa mao̒ tungguduu̒ wau lato ponao̒lo ode bele li Ibu botie. Diila mao̒ pohuheli mongohi salamu penu boli olo tatoonu taa odunggaamu todalalo. Wonu taa mongohi salamu olemu, diila mao̒ poboyu u momaalasi salamulio. Tou̒ meidungga mota, hua̒a podutua tungguduu̒ towawaao̒ lowalao̒ boito.”

OLUO MONGO OLONGIA 9:4

Ti Nabi tadonggo humula boito lomonggata ode Ramot,

OLUO TAWARI 22:1

Todelomo polotuuhua tuwau lo ngopolemboa̒ taulo Arabi, ngoa̒amila walao̒ talolai̒ lei Yehoram, heilo patealio yila-yilateelo mao̒ ngopohia tei Ahajia tawaliyali daa̒. Sababu uito ulipu lo Yerusalemu lomudua̒a olei Ahajia lowali olongia lobuulota woliyamolio.

OLUO TAWARI 22:5

To nasehati limongolio boito, tio helo panggala wolei Yoram olongia lo Isirai̒lu u lopaatea loluwali olei Hajael olongia lo Siria. Timongolio helopaatea to Ramot, madala lo Gilead. Tei Yoram pilaalia todelomo popaatea boito,

YEREMIA 1:17

Potidapatolo, Yeremia! Ponao̒lo wau potunggula mota ode limongolio, ngoa̒amila u pilohu-U̒ mai olemu. Diila mao̒ oohe toli mongolio, alihu yio̒ diila pohutuwo-U̒ mai lebe moohe poli wonu motaalua woli mongolio.

MATIUSI 26:7

taabua ngota lonao̒ mai odeli Isa. Tio lodelo buutulu lo puwalamu moputio̒, tuatuanga yinulo moonu u mahale. Tou̒ ti Isa donggo hulo-huloa̒a hemo lamela, taabua boito malo luwatao̒ yinulo moonu boito to lunggongi Isa.

TINGULI 4:1

Lapatao̒ tei Musa loloi̒ya mao̒ ode bangusa boito, “Dungohe mao̒ ngoa̒amila butoo̒ upilo ngaajali mai lowatia ode limongoli, alihu timongoli mowali tumumulo tunggula motibiluloo̒ tohuta u mawohi mai lo Eeya, Allahu Taa̒ala loluuhuru limongoli ode limongoli.

TINGULI 4:3

Timongoli loo̒onto lohihilao wolo u pilohutu lo Eeya Allahu Taa̒ala limongoli to Hui̒dee Peor. Timii̒du taa ulolubo Baa̒l totambati boito pilopo binasaa-Lio,

1 PETRUS 1:13

Sababu uito, mamusi timongoli dapadapato. Poo̒dahai mao̒ wau poti wunelolo lealeaatulo mao̒ to balakati u mawohi-Lio mai olemu tou̒ ti Isa Almasi de meidungga mai.

BOHULO SEMUEL 10:1

Lapatao̒ tei Semuel lohama ginti tuatuanga yinulo jaitun, lapatatao̒ yinulo boito piloluatio ode yitaato lunggongee Saul, wau diliilio tei Saul sambela loloi̒ya mao̒, “Eeya malo mudaa̒ olemu lowali olongia lo Isirai̒lu umati-Lio. Yio̒ mamo malenta umati-Lio wau moduo̒la olimongolio monto mumuu-suuwaalo limongolio. Utieelo tuotio olemu deu̒ Eeya malo lulaota olemu lowali olongia to umati-Lio.

BOHULO SEMUEL 16:1

Dengolo wakutu mola lapatio mao̒ Eeya lotahuda mai odelei Semuel, “Ngoolo mola poli hiheolio hilaamu susuukali sababu tei Saul? Diila maatio tai̒laku odelo olongia lo Isirai̒lu? Botia, hamaawa mao̒ winulo jaitun wau ponao̒lo ode Betlehemu, ode ngotaalio tai̒lunte Esai, sababu tala ngota lomongo walai̒o matilulaotu-U̒ lowali olongia.”