OLUO MONGO OLONGIA 8:7 - KITABI HABARI MOPIOHE

⁷ Tou̒ wakutu tuwau tei Elisa lonao̒ mola ode Damusiki. Lolaahunga ti Olongia Benhadad donggo mongongoto. Tou̒ ti olongia loo̒dungohe deu̒ tei Elisa woluo to Damusiki,

OLUO MONGO OLONGIA 8:7 ပူးပေါင်းရင်းမြစ်များ

ILOOWALI 14:15

Mota teto tei Abram malo layadeo̒ taulio dengolo polemboa̒a, tulusi heloluhu musu tou̒ hui wau lopo olaaheo̒ olimongolio. Tio lohilapita olimongolio demola Hoba to ambahu tilayo kota lo Damusiki.

BOHULO MONGO OLONGIA 11:24

Ti Olongia Daud pee̒enta lopoo̒laaheo̒ olei Hadadejer botie wau helomate yila-yilatelo mao̒ mongo sahabati lei Hadadejer lonto Siria. Tou̒ boito tei Rejon lolahi lonto olei Hadadejer wau helo ngambu tau-tauwalo lapatao̒ lowali tau̒wa lo woomboa. Tio wau tahidudua̒ olio lonao̒ ode Damusiki tulusi lotibiluloa̒ tokota boito. Mola teto tahidudua̒ olio lomudua̒a olio lowali olongia lo Siria.

BOHULO MONGO OLONGIA 13:1

Tou̒ boito woluo nabi ngota to Yehuda. Tio ilahula lo Eeya u lonao̒ mola ode Betel. Nabi boito leidungga mola odito tou̒ tei Yerobeam donggo tihutihula totalu lomesba u hemo podewo bake.

BOHULO MONGO OLONGIA 15:18

Sababu uito ti Olongia Asa helohama mao̒ ngoa̒amila hulawa wau talaa̒ udonggo woluo to Bele lo Eeya wau to bele biluloa̒ saaha li olongia lapatao̒ yilaolio ode Damusiki odelei Benhadad olongia lo Siria, walae̒e Tabrimon, deu̒yito-yito wombu lei Hejion. Babaa-langiyalo boito heilaolio loli dengolo lota taduduulaa̒ lobele biluloa̒ saaha li olongia; wau wolo tahuli odie,

BOHULO MONGO OLONGIA 20:1

Tou̒ dulahee tuwau tei Benhadad, olongia lo Siria, helo ngaambu ngoa̒amila suludadulio, wau wolo tolo pulaa duulota olongia wewo wolo kaleta lo popaatea, wau wadala limongolio, tio helomala wau loluhu kota Samaria.

BOHULO MONGO OLONGIA 20:34

Lapatao̒ ualei Benhadad olio, “Watia mamopo walingai odeli Tuani kokoo-tawaalo u mahilama liyamo lowatia lonto oliyamo li Tuani. Ti Tuani olo mowali momongu mao̒ wibui̒o lo daahangi tokota Damusiki debo odelo u pilohutu liyamo lowatia to Samaria.” Ualei Ahab, “Dutadutaa̒ todanti li Tuani boito, watia mamo lopata oli Tuani.” Lapatao̒ uito tei Ahab malohutu daantia wolei Benhadad tulusi lolopata olio.

OLUO MONGO OLONGIA 1:2

Tou̒ dulahee tuwau ti Olongia Ahasia lonto Isirai̒lu lodehu mola lonto sulambe to belebelea yitaato bele biluloa̒ saaha li olongialio to Samaria, tilunggula tio pilalia daa̒. Yi tio malolao tau mola lohintu to Baal-Jebub, dewa kota Ekron to Pilistin, wolo tio mamoluli meaalo diila.

OLUO MONGO OLONGIA 2:15

Talimo lopulu lota nabi to Yerikho boito loo̒onto olio, tulusi malo loi̒ya, “Kawasa lei Elia malo limbatao̒ odelei Elisa!” Timongolio lotahudei olio tulusi losujudu lomola totalulio,

OLUO MONGO OLONGIA 5:20

tei Gehasi tamoomayawa olei Elisa, mapiki-pikiilangi, “Aa, yilongola tio pilopoluli lonao̒ wau diila lomaayali wolo-wolo? Patutilio tituani laatia mololimo mao̒ wowohi taulo Siria boito! Domi Eeya tatumu-tumulo, watia musi mohilapita mota olio wau moo̒tapu u hitua-tuawua monto olio!”

OLUO MONGO OLONGIA 6:12

Ngotaalio lomongo polowila boito lolametao̒, “Diaaluo penu boli ngotaa mao̒, Baginda. Ti Nabi Elisaalo taloo̒ sababu mao̒! Tio-tiolo talo potunggula mota odeli olongia lo Isirai̒lu wolo uiloi̒ya li Baginda boito, eleponu uito yiloi̒yaalio todelomo huwali potuluhelo.”

OLUO MONGO OLONGIA 6:24

Dengolo wakutu mola lapatio mao̒ tei Benhadad olongia lo Siria lodelo ngoa̒amila suludadulio u loluhu Isirai̒lu. Timongolio lomala kota Samaria,

OLUO MONGO OLONGIA 8:6

Lapatao̒ ti olongia lohintu mao̒ wau taabua boito malo hungguli pasali lowalao̒ boito. Lapatao̒ uito ti olongia lotiangai pogaweelio ngota wau lomalentao̒ alihu ngoa̒amila haku lotaabua boito muli pohualingola olio, leituwoto wolo ngoa̒amila halaga lo tilapulo halabolulio ngotilonggadu pitu lotaunu mola tou̒ tio tolipu deli.

YESAYA 7:8

sababu Siria diila lebe molotola wolo Damusiki tiilo lokotaalio, wau Damusiki diila lebe molotola woli Olongia Rejin. Hiambola todelomo wakutu wolomo pulaa limo lotaunu mola, Isirai̒lu mamotayade duluo tilinggula diila moo̒ taahangi odelo bangusa.

YEREMIA 40:5

Tou̒ diipo dimodupio mai, tei Nebujaradan malo loi̒ya, “Wonu yio̒ mohuto, yio̒ mowali mohualinga mota odelei Gedalya walae̒e Ahikam wau wombu lei Sapan, tamaa piluduo̒ li olongia lo Babel lowali gubolonulu lo kokoo-tawaalo Yehuda. Yio̒ mowali motibiluloa̒ wolio to wolota lo ulipu, wau mowali monao̒ penu boli deu̒toonu u otohilaamu.” Lapatao̒ tio longohi tomeu̒ ua̒alo wau palaseni odelaatia, wau lololapato olaatia lonao̒.

WUNGGULI LOMONGO RASULU 17:6

Bo tou̒ timongolio diila loo̒dungga olei Paulus wolei Silas, yi timongolio malo dedea̒ olei Yason wau dengolo lota tapalacaya wewolio ode talu lo tahidihima pantungo tao̒kawasa tokota boito. Timongolio malonguatia̒, “Tau-tauwala botie helohutu tolonggalo tou̒ toonulalo mao̒! Botia kotaanto olo manilao̒ mai limongolio,

TINGULI 33:1

Tou̒ diipo yilate, tei Musa, utolia lo Allahu Taa̒ala helo balakati bangusa lo Isirai̒lu wolo tataa-heyaalo botie:

MONGO HAKIMU 16:2

Yi ulipu lo Gasa loo̒dungohe deu̒ tei Simson woluo mola teto. Oditolio, timongolio malomala tambati boito wau helohima olio ilo-iloonua to hulubangi lokota. Bo timongolio diila helohutu wolo-wolo tou̒ hui boito sababu to pikiilangi mola limongolio, “De wonu bolo dulahee mobutu mai, bolo ito momate olio mate-mateelo mao̒.”