OLUO MONGO OLONGIA 8:18 - KITABI HABARI MOPIOHE

¹⁸ Tio lonika wolo walae̒e Ahab, wau debo odelo u hepilohutu longaalaa̒ lei Ahab, yi tio olo heilodusa to Eeya debo odelo mongo olongia lo Isirai̒lu.

OLUO MONGO OLONGIA 8:18 ပူးပေါင်းရင်းမြစ်များ

BOHULO MONGO OLONGIA 21:25

Diila pee̒enta mao̒ woluo taa uwolo neekati helohutu u moleeto to bibilohu Eeya debo odelo u hepilohutu lei Ahab. Ngoa̒amila ololeeto boito pilohutulio to wuntulo li Isebel dilelio.

OLUO MONGO OLONGIA 16:3

Tio tumutumulo debo odelo mongo olongia lo Isirai̒lu, tumbao̒ lopodewo walao̒ talolai̒lio lohihilao odelo bake ode dewa, lodudua̒ uu̒du mobulilo lotau-tauwalo tahe pilopolahi lo Eeya lonto lipu lo Kanaa̒n tou̒ taulo Isirai̒lu tilumuwota ode lipu boito.

OLUO MONGO OLONGIA 21:13

Yerusalemu mahukuu-maniyo-U̒ debo odelo Wau̒ lohukuumani Samaria wau lei Ahab olongia lo Isirai̒lu wau waliilio. Yerusalemu mapoo̒ belesiyo-U̒ debo odelo pingge u mailuloa wau pilopo dambao̒.

OLUO MONGO OLONGIA 21:3

Tataa-mbatiyalo u hepo lubowalo dewa mai̒laantulu lei Hiskia tiyamolio luli bilongulio. Tio helo mongu memees-bawaalo u poi̒baadatiala ode Baal, wau lohutu bui̒ lo Dewi Asyera, debo odelo u hepilohutu lei Ahab olongia lo Isirai̒lu. Tei Manasye olo helolubo popoo-liyamaalo.

OLUO MONGO OLONGIA 8:26

Tou̒ boito tei Ahasia o umulu dulo pulaa dulo taunu, wau tio helo malenta to Yerusalemu ngotanu mola hiheolio. Tiilolio ilunte Atalya, walai̒ Olongia Ahab wau wombu lei Omri olongia lo Isirai̒lu.

OLUO MONGO OLONGIA 8:27

Sababu ninikaalio boito, tei Ahasia o aaita ngaalaa̒ wolo ngaalaa̒ li Olongia Ahab. Tei Ahasia ilodusa to Eeya tutuuwauwa debo odelo u hepilohutu lo ngaalaa̒ lei Ahab.

OLUO TAWARI 17:4

bo hemo ibaadati to Allahu Taa̒ala. Tio helo dungohe papaa-lentawalo Allahu Taa̒ala, wau tutumulio diila debo odelo mongo olongia lo Isirai̒lu.

OLUO TAWARI 18:1

Tou̒ tei Yosapat olongia lo Yehuda makilaya mola wau masa-masaahuru mola, tio loponika mao̒ ngotaalio lo pongawaa̒ ngaalaa̒lio wolo ngotaalio lo pongawaa̒ ngaalaa̒ lei Ahab olongia lo Isirai̒lu.

OLUO TAWARI 19:2

ngotaalio lo nabi tai̒lunte Yehu walae̒e Hanan mai lotaalua woli olongia. Uali nabi boito olio, “Tingga paatuti ti Baginda momantu taa moleeto wau motiwambao̒ totaa u molonuo̒ to Eeya? Huhutu li Baginda boito moo̒sababu to Eeya momuluka mai toli Baginda.

OLUO TAWARI 21:13

Bolii̒o mao̒, ti Baginda tilumumulo debo odelo mongo olongia lo Isirai̒lu, wau heloo̒ sababu ulipu lo Yehuda wau Yerusalemu diila tatapu wau molotolo hilao to Allahu Taa̒ala. Ti Baginda helohutu debo odelo u pilohutu li Olongia Ahab wau tahelo buulota mola wolio. Ti Baginda tumbao̒ helomate mongo wutati Baginda yila-yilateelo mao̒, lebe-lebe pomao̒ timongolio lebe mopioheo̒ woli Baginda.

OLUO TAWARI 21:6

Tio heloo̒ dudua̒ dudelo tutumuli Olongia Ahab wau mongo olongia lo Isirai̒lu wewolio, sababu tio lonika wolo ngotaalio lowalao̒ taabua lei Ahab. Tio ilodusa to Eeya,

MIKHA 6:16

Ngoa̒amila boito motoduo sababu timongoli helo dudua̒ huhuu-hutuwaalo u moleeto li Olongia Omri wau walai̒o, deu̒yito-yito ti Olongia Ahab. Timongoli helo dudua̒ duduu-delowaalo limongolio. Sababu uito Wau̒ mamo ngantulu olimongoli, wau timongoli mahenteo̒ wau hinaa lo totoonulalo bangusa.”