OLUO MONGO OLONGIA 8:12 - KITABI HABARI MOPIOHE

¹² “Yilongola ti Tuani hilumoyongo?” yilintu mao̒ lei Hajael. “Sababu otaawau̒ ololeeto umapo hutuwomu ode taulo Isirai̒lu,” ualei Elisa, “Yio̒ mamomobu totoonulalo kotalio u obiintengi, wau mamomate-mateelo mao̒ tau-tauwalo humulalio tahipiohe daa̒, wau molingoloa̒ao̒ tahi uungea momutao̒ ombongo lo mongobualio tadonggo hi ombodaa̒wa.”

OLUO MONGO OLONGIA 8:12 ပူးပေါင်းရင်းမြစ်များ

BOHULO MONGO OLONGIA 18:13

Wolo diipo ilodungohe li Paaa̒ tou̒ tei Ijebel helomate yila-yilateelo mao̒ mongo nabi lo Eeya, watia maloluuo̒ ngohetuto lota lonto olimongolio todelomo gowa – limo lopulu lota todelomo gowa tuwau – wau helongohi mao̒ olimongolio ua̒alo wau u yilumolo?

BOHULO MONGO OLONGIA 19:17

Tatoonu wambai̒o tadiila ilopatea lei Hasael yila-yilateelo mao̒, mapateelio mate-mateelo mao̒ lei Yehu, wau timongolio taloa̒ahu lonto olei Yehu mapateelio mate-mateelo mao̒ lei Elisa.

OLUO MONGO OLONGIA 12:17

To maasa boito tei Hajael olongia lo Siria heloluhu wau loo̒ huloa̒a kota Gat. Lapatao̒ tio oniyati moluhu Yerusalemu olo.

OLUO MONGO OLONGIA 12:18

Yi tei Yoas lolao mota ode olio doi potoloto. Doi boito helo tapulio lonto ngoa̒amila dewo u muloololio mai mailudu ode Eeya lei Yoas lohihilao wau lei Yosapat, lei Yoram wolei Ahasia, deu̒yito-yito mongo olongia tahe lomalenta tou̒ dipo-dipolulio mai tio. Wau olo monto ngoa̒amila hulawa todelomo bulua Bele lo Eeya wau bele biluloa̒ saaha li olongia. Yi tei Hajael diila lomata loluhu Yerusalemu.

OLUO MONGO OLONGIA 13:22

Ngotilonggadu pamalenta lei Yoas, tei Hajael olongia lo Siria helodeehe taulo Isirai̒lu.

OLUO MONGO OLONGIA 13:3

Sababu uito Eeya lomuluka mai to Isirai̒lu tilinggula Eeya lopoluli mao̒ olei Hajael olongia lo Siria wolei Benhadad walai̒o, laito helo poo̒laaheo̒ Isirai̒lu.

OLUO MONGO OLONGIA 13:7

Hilaide popaatea lo Isirai̒lu mapilo binasa li olongia lo Siria tilinggula ti Olongia Yoahas bolo maito limo lopulu lota suludadu owadala, mopulu kaleta lo popaatea, wau mopulu lolihu lota pajule.

OLUO MONGO OLONGIA 4:28

Taabua boito loloi̒ya mao̒, “Paaa̒, watia diila mohile walao̒ toli Paaa̒. Mailoi̒ya mai lowatia olo odeli Paaa̒ alihu diila mao̒ pongohi mai halaapani udiila ohuna ode laatia.”

YESAYA 13:16

Timongolio mamosakusi mao̒ tahi ungea limongolio antuluolio, bebee-leyaalo limongolio lambatolio wau mongo dile limongolio pilolokosa.”

YESAYA 13:18

Wolo buutio̒ wau panalio timongolio momate-mateelo mao̒ tau-tauwalo humula. Timongolio diila motolia̒ngo to tau̒nge wau diila modehu hilao towalao̒.

HOSEA 10:14

yi ulipumu mao̒temba lo popaatea, wau ngoa̒amila bintengimu maa̒ntuluolio. Owowoluwoalio madebo odelo todulahu li Olongia Salman lopobinasa kota lo Bet-Arbel todelomo popaatea, wau lolihitao̒ mongo tiilo pee̒-pee̒enta wolo mongo walai̒o.

HOSEA 14:1

Samaria musi hukuu-maniyolo sababu lomintaa̒ tingolo loluwali ola-U̒. Ulipulio maamate todelomo popaatea; mongo walai̒o unge malihitolio, wau mongobua tahi ombodaa̒wa butao̒ lio ombongio.”

AMOS 1:13

Eeya lotahuda, “Bangusa lo Amon mapoo̒-poo̒daata ilodusa, sababu uito Wau̒ mamo hukuumani mai olimongolio. Tou̒ lopaatea u lopoluasi lipulio, timongolio helo mutaa̒a ombongo lo mongobua tahi ombodaa̒wa to Gilead.

NAHUM 3:10

Eleponu odito ulipu lo Tebe tilawalo wau bilintai̒o ode polayahu. To ngoa̒amila tilitangowa, mongo walai̒o pilatelio tunggula yilate. Taduduulaa̒ lolipulio pilungu wolo lante wau tilaya-layadio towolota lo tahelo tawalo mao̒.