OLUO MONGO OLONGIA 8:1 - KITABI HABARI MOPIOHE

¹ Tou̒ wakutu tuwau Eeya lopo dungga mai baala lo polobiti tolipu lo Isirai̒lu u pohupohutu pitu lotaunu mola hiheolio. Tou̒ dipolulio uito uito tei Elisa malo poo̒taa sua̒li boito ode taabua lonto Sunem tawalai̒o luli pilopo tumulio mai. Tei Elisa olo lopoa̒hu olio lolimbata mola wolo ngaalaa̒lio ode lipu wewo.

OLUO MONGO OLONGIA 8:1 ပူးပေါင်းရင်းမြစ်များ

ILOOWALI 12:10

Bo to Kanaa̒n donggo woluo sembo lo polobiti ulaba-labaalo, tunggula tei Abram lonao̒ lebe lolamingao̒ ode huliaalio, ode lipu lo Masiri mola lotibiluloa̒ teto tunggula sembo lo polobiti boito lopaluto.

ILOOWALI 26:1

Tolipu boito luli tilumoodei polobiti debo odelo u malo toduo mai to jamani lei Abraham. Tei Isihaka mola lotaalua wolei Abimelekh, olongia taulo Pilistin to Gerar, wau helohile mao̒ poluasiyolo u motibiluloa̒ mola teto.

ILOOWALI 41:25

Lapatao̒ ualei Yusu odeli olongia, “Oluo lo tohiilopo boito tutuuwauwa boliilio; Allahu Taa̒ala malo poo̒taa mai odeli Tuani lo watotia wolo u mapohutuo-Lio mai.

ILOOWALI 41:32

Tohiilopo li Tuani lo watotia lotoduo poo̒oluo, uito boliilio deu̒ sua̒li boito matilantu mai lo Allahu Taa̒ala wau deu̒ Allahu Taa̒ala mahua̒a mopodungga mai.

ILOOWALI 41:54

Yi malei dungga pitu lotaunu mola sembo lo polobiti, tiluhata debo odelo u mailoi̒ya lei Yusu. To ngoilanggubu dunia lotoduo mai polobiti, bo to ngoilanggubu Masiri woluo poloheetu ua̒alo.

ILOOWALI 47:4

Amiaatia lonao̒ mai odia mai motibiluloa̒ tolipu botie, kalana tohuta lo Kanaa̒n ilodungga lo polibiti ulaba-labaalo, tilinggula diduluo mao̒ huo̒yota duo̒lo himbala batade wau himba lamiaatia. Poluasia mai amiaatia motibiluloa̒ tomadala Gosyen.”

OLUO LO SAMUEL 21:1

To maasa pamalenta lei Dauda, malo toduo mai baala lopolobiti ulaba-labaalo upohu-pohutu ngotilonggadu tolo taunu mola polupolu. Lapatao̒ tei Dauda helo molohone potuhata lonto Eeya pasali losua̒li boito, wau Eeya lotahuda mai, “Baala lopolobiti boito yito sababu totala lei Saul wau ngaalaa̒lio, timongolio malomate yila-yilateelo mao̒ tau-tauwalo Gibeon.”

OLUO LO SAMUEL 24:13

tei Gad mai lotaalua wau lopoo̒taa mao̒ olio palenta lo Eeya boito, ualio mao̒, “Toonu u tulaoto li Baginda: Lipu botie odungga baala lo polobiti ngotilonggadu tolo taunu mola, meaambo ti Baginda tumeteo̒ heila yilapita lomusu ngotilonggadu tolo hula mola, meaambo lipu botie odungga wembelo lo ngongoto ngotilonggadu tolo hui mola? Tantuwalo mai botia wolo u musi potunggulou̒ ode Eeya.”

BOHULO MONGO OLONGIA 17:1

Woluo ngotaalio lonabi tai̒lunte Elia. Asaliilio mai lonto Tisbe, kota tuwau tomadala lo Gilead. Tou̒ dulahee tuwau tio lonao̒ mai odeli Olongia Ahab wau loloi̒ya mao̒, “Domi Eeya tatumu-tumulo, Allahu Taa̒ala tahe tuboo taulo Isirai̒lu wau tahe bayaa lowatia, watia mopoo̒taa mai odeli Tuani deu̒ ngotilonggadu dulo meaalo tolo taunu u wumbutio mola botie diaaluo mai wombulo wau didi penu boli ngoi̒di mao̒, ngopohia wonu watia molele mai.”

BOHULO MONGO OLONGIA 18:2

Yi malo monggato tei Elia. Tou̒ boito baala lopolobiti malo laba-labaalo to Samaria.

OLUO MONGO OLONGIA 4:18

Lapatao̒ walao̒ boito mai̒ludua̒ mai, tou̒ dulahee tuwau to polosembo, walaa̒a boito lonao̒ mota ode liyamolio uwoluo to halabolu wolo tahi pongotola.

OLUO MONGO OLONGIA 4:36

Tei Elisa lopoa̒hu olei Gehasi lotiangai oliilo lowalao̒ boito, wau lapatao̒ ti ibu boito tilumuwotao̒, malo loi̒ya tei Elisa olio, “Utie walai̒ Ibu.”

OLUO MONGO OLONGIA 4:38

Tou̒ wakutu tuwau lotoduo mai baala lo polobiti to ngoilanggubu lipu. Yi tei Elisa luli lohualinga ode Gilgal. Tou̒ tio donggo hemo ngaajali to ngopolemboa̒ nabi, tio lopoa̒hu tamoomayawa olio mota lohama mai ulongo uleidaa̒ wau lotubu mao̒ ua̒alo ode limongolio.

OLUO MONGO OLONGIA 7:20

Odi-odieelo mola u lotoduo mai totau boito – tio yilate hedilutaa̒ lo ulipu tohuhebu hulubangi.

OLUO MONGO OLONGIA 8:2

Taabua boito lopohutu mao̒ wolo uiloi̒ya lei Elisa, wau lomonggata ode lipu lo Pilistin mola lotibiluloa̒ teto.

JABURU 105:16

Eeya lopodungga mai polobiti tolipu boito, wau lohama ngoa̒amila ua̒alo upilo dapato.

JABURU 107:34

Huta molomiodu pilopowali lo Eeya huta datahu wau luasi u mopanggelo, sababu ololeeto lotau-tauwalo tahi biluloa̒wa teto.

YEREMIA 25:29

Wau̒ mamolumula poloa̒antulu to kotaa-U̒ lohihilao. Diila bolo timongolio molantobu deu̒ timongolio diila tamoo̒tapu hukuumani. Timongolio matantu moo̒tapu hukuumani sababu Wau̒ mamopo dungga mai popaatea ode ngoa̒amila bangusa todunia. Wau̒, Eeya Taa Laba-labaalo kawasa, malo tahuda mai.

IMAAMATI 26:26

Timongoli maa opulita lou̒ aalo, tilinggula mongobua mopulu lota bo momalalu ngotambati wambao̒ polalangalo u polalangalo roti uwoluo toli mongolio. Ua̒alo boito mapopo jataalo, wau lapatao̒ timongoli molamelao̒, timongoli debo donggo molaasa polaangolo.

AMOS 4:6

Wau̒lo tamopo dungga mai baala lo polobiti ode yitaato ngoa̒amila kotamu, bo timongoli diila mohualingai ode Olau̒.

HAGAI 1:11

Wau̒ malo podungga mai polohengu tohuta wau huhuu-luduwaalo, to hahaa-laboluwalo pale wau ii̒i-lengiyalo angguru wau ii̒i-lengiyalo jaitun, wau ode ngoa̒amila pilomulo tohuta botie, tumbao̒ olo ode manusia wau binatangi wau totoonulalo u hitua-tuawua u tilolopani limongoli.”

LUKASI 21:11

Teto teea mamotoduo liluhu daa̒, polobiti, wau wembolo longongoto. Mamei dungga mai susuu-aliyaalo u moo̒tihela hapato wau dahasati tohulungo.

LUKASI 21:22

Sababu duduu-laheyaalo boito tutuulio tutu ‘Duduu-laheyaala lo Hukumani Podehuwolo mai’, alihu lou̒ odito motoduwolo mola wolo u malei tuladu todelomo Kitabi.

LUKASI 4:25

Bo dungohe mai: tojamani lei Elia, tou̒ diila dilidia mai tolo taunu wau ngoputu hiheolio, lotoduo mai polobiti daa̒ to ngoilanggubu madala. Tou̒ boito woluo dadaata mongo janda to Isirai̒lu.

WUNGGULI LOMONGO RASULU 11:28

To wolotalio woluo ngotaalio tai̒lunte Agabus. Bolo yiluntula lo Rohullah tio malo nubuwati deu̒ to ngoilanggubu dunia mamei dungga mai polobiti daa̒. (Wau sua̒li boito memangi lotoduo olo tou̒ ti Kaisari Klaudius hemo malenta.)

RUT 1:1

To jamani muloololio mai tou̒ Isirai̒lu diipo o olongia ngota, lipu lo Kanaa̒n ilodungga lobaala polobiti. Tou̒ boito woluo talolai̒ ngota tai̒lunte Elimelekh. Tio lonto kaumu Eprata, wau bilu biluloa̒ to Betlehemu tomadala lo Yehuda. Sababu baala lopolobiti boito, yi tio lonao̒ ode Moab wolo dilelio, ti Nao̒mi, wau walai̒o talolai̒ duulota: tei Mahlon wolei Kilyon. Lapatao̒ timongolio lotibiluloa̒ mola teto. Tou̒ timongolio donggo mola teto,