OLUO MONGO OLONGIA 7:9 - KITABI HABARI MOPIOHE

⁹ Timongolio loloi̒ya ngota timongota, “Huhuutunto botie diila mopiohe. Habari botie habari u mopiohe wau patutilio poo̒taanto mao̒! Wonu yimaanto demola loombulio mola, tantulo mao̒ ito hukuu-maniyola. Mopiohulo sua̒li botie poo̒taantu mota ode bele biluloa̒ saaha li olongia.”

OLUO MONGO OLONGIA 7:9 ပူးပေါင်းရင်းမြစ်များ

OLUO MONGO OLONGIA 5:4

Tou̒ tei Naa̒man loo̒dungohe sua̒li boito, tio malonao̒ mota odeli olongia wau lohunggoli mao̒ wolo uiloi̒ya lowalao̒ taabua boito.

OLUO MONGO OLONGIA 7:10

Sababu uito malo hualingo timongolio ode Samaria wau longiibode to tamoo-kawalia hulubangi lokota, “Ami malonao̒ mola ode pilo tikemawa taulo Siria, wau loilaalo diaaluo tau mola teto. Wadala wau kolodai limongolio ilodungga lami donggo hitihuta to tambatilio, wau kekee-mawaalo limongolio tilolaalio mao̒ odito wambai̒o.”

OLUO MONGO OLONGIA 7:3

Todulahee boito wopatota tao̒ ngongoto lo alipo u moo̒tihela hapato woluo to bulemengo huhebu hulubangi lo Samaria. Timongolio loloi̒ya ngota timongota, “Wolo hunalio ito motihuloa̒a tewe mohima mate?

OLUO MONGO OLONGIA 7:6

Sababu, Eeya malohutu taulo Siria moo̒dungohe tingohu debo odelo tiluhu lo ngopasuukani daa̒ owadala wau okaleta. Tau-tauwalo Siria boito helo lantabu ti olongia lo Isirai̒lu maloseuwa olongia lo Het wau Masiri wolo suludadulio u loluhu olimongolio.

OLUO MONGO OLONGIA 7:8

Tawopatota tao̒ ngongoto lo alipo boito leidungga mota totili pilo tikemawa boito, wau tilumuwotao̒ ode kema tuwau. Timongolio lolamelo wau longilu teto wau helohama hulawa, talaa̒ wau papaa-keyangiyalo tulusi mota loluua̒ao̒. Lapatao̒ uito timongolio luli lohualingai wau tilumuwota ode kema uwewo, tulusi helohutu sua̒li u tutuuwauwa.

POHUMAYA 24:16

Sababu, penu boli taa juujulu modehu wuwuulia mola, laito tio mamuli mobongu. Bo bolii̒o mao̒, taa moleeto mamoa̒ntulu lomao̒ wolo baala.

YESAYA 41:27

Wau̒, Eeya, tabohulio mopohabari mao̒ ode Sion; Wau̒ lolao tamoodeloa habari mopiohu ode Yerusalemu.

YESAYA 52:7

Donggo boli sanangiilio moo̒onto podudungga mai lo utolia; tio monao̒ molibaya hihui̒-hui̒dea wau modelo habari mopiohu, habari aamani maa̒amulu wau sontosa, habari osalaamati ode Sion; ualio mao̒, “Allahu Taa̒alamu Olongia!”

NAHUM 1:15

Bilohilo ngotaalio lo utolia dungga-dungga mai moli huhuu-ideyaalo, modelo habari mopiohe, habari ohohaama. Wuu bangusa lo Yehuda, porameyaalo dulahu bukaamu wau bayaaliyalo dantimu to Allahu Taa̒ala. Lipumu diilalo kawasaalio lotaa moleeto. Timongolio mailantulu sama-samaata.

YIA̒APO 32:23

Bo eelai mao̒, wonu timongoli diila moe̒elao̒ dantimu, timongoli odusa to Eeya wau mamoo̒tapu hukuumani sababu dusamu boito.

LUKASI 2:10

Bo malai̒kati boito loloi̒ya mao̒, “Diila oohe! sababu wau̒ lonao̒ mai modelo habari u mopiohu ode limongoli-habari umoo̒ wengahe daa̒ totaa ngoa̒amila.

PILIPI 2:4

Poo̒tuota mao̒ polohuna daa̒ lotaa wewo; diila bo polohuna daa̒ batanga lohihilao.