OLUO MONGO OLONGIA 7:8 - KITABI HABARI MOPIOHE

⁸ Tawopatota tao̒ ngongoto lo alipo boito leidungga mota totili pilo tikemawa boito, wau tilumuwotao̒ ode kema tuwau. Timongolio lolamelo wau longilu teto wau helohama hulawa, talaa̒ wau papaa-keyangiyalo tulusi mota loluua̒ao̒. Lapatao̒ uito timongolio luli lohualingai wau tilumuwota ode kema uwewo, tulusi helohutu sua̒li u tutuuwauwa.

OLUO MONGO OLONGIA 7:8 ပူးပေါင်းရင်းမြစ်များ

OLUO MONGO OLONGIA 5:24

Tou̒ leidungga mola to huludu tambati biluloa̒ lei Elisa, tei Gehasi malohama doi wau pakeyangi boito lonto tahi pomayaalio lei Naa̒man, lapatao̒ loluua̒ao̒ todelomo belelio. Tahi pomayaalio lei Naa̒man boito mapilei̒ walingalio,

OLUO MONGO OLONGIA 7:9

Timongolio loloi̒ya ngota timongota, “Huhuutunto botie diila mopiohe. Habari botie habari u mopiohe wau patutilio poo̒taanto mao̒! Wonu yimaanto demola loombulio mola, tantulo mao̒ ito hukuu-maniyola. Mopiohulo sua̒li botie poo̒taantu mota ode bele biluloa̒ saaha li olongia.”

MATIUSI 13:44

“Wonu bolo Allahu Taa̒ala momalenta, owowoluwoalio debo odelo pohumaya botie; woluo halata u tuutuo̒ todelomo huta tulusi lotapulio lo tahingota-ngotaawa, wau luli pilopo tahulio mao̒ todelomo huta. Lapatao̒ kalana wengahio, tau boito mota lopotali ngoa̒amila milikiilio, tulusi luli lohualingai wau lotali huta boito.”

MATIUSI 25:18

Bo tamomayawa u lololimo ngolihu doi hulawa boito mota longalia̒a huango tohuta, tulusi doi lituanilio tiluui̒o teto.

YOSUA 7:21

To wolota lo babaa-langiyalo u hilamaanto mai, watia loo̒onto jumba ngopita u mopiohe daa̒, u pilohutu lonto Babilonia, wau olo talaa̒ tanu dulo kilo, wau ngobatango hulawa ngoputu apingo lo kilo. Babaa-langiyalo boito ilotohilaa daa̒ lowatia, yi mahilama wau tiluuo̒ lowatia todelomo huta tokema lowatia; talaa̒lio woluo to walungio daa̒.”