OLUO MONGO OLONGIA 7:6 - KITABI HABARI MOPIOHE

⁶ Sababu, Eeya malohutu taulo Siria moo̒dungohe tingohu debo odelo tiluhu lo ngopasuukani daa̒ owadala wau okaleta. Tau-tauwalo Siria boito helo lantabu ti olongia lo Isirai̒lu maloseuwa olongia lo Het wau Masiri wolo suludadulio u loluhu olimongolio.

OLUO MONGO OLONGIA 7:6 ပူးပေါင်းရင်းမြစ်များ

OLUO LO SAMUEL 10:6

Lapatao̒ taulo Amon malo ngalati deu̒ huhutu limongolio boito heloo̒ sababu olei Dauda lomuusua woli mongolio. Sababu uito timongolio malo seuwa dulo pulu lolihu lota pajule lo Siria tahi biluloa̒wa to Bet-Rehob wau Joba, wau olo mopulaa dulolihu lota pajule lonto Tob, boli olongia lipu lo Maakha wolo ngolihu lota tahidudua̒ olio.

OLUO LO SAMUEL 5:24

Wonu bolo odungohemu tingohe debo odelo diambangio lotaa hibaalisia tohudu aa̒ayuwaalo boito, yi pomajulo, sababu Wau̒ mamonao̒ totalumu u mopoo̒laaheo̒ suludadu lo Pilistin.”

BOHULO MONGO OLONGIA 10:29

wau kakaa-letawaalo popaatea pilopo dunggalio mai olo lonto Masiri. Halaga lowadala tuwau ngohetuto limo lopulu doi talaa̒, wau halaga kaleta tuwau lo popaatea wolomo hetuto doi talaa̒. Lapatao̒ lotimbulude totaa u hipo ngusahawa tomimbihu polo daahangi boito olo wawaa-dalaalo wau kakaa-letawalo popaatea boito luli hepotaliilio ode mongo olongia lo Het wau mongo olongia lo Siria.

BOHULO MONGO OLONGIA 20:20

Timongolio ngota-ngota helomate yila-yilateelo mao̒ musu tahe tilalualio. Tau-tauwalo Siria tilumetea̒, wau yililapita lotau Isirai̒lu. Bo tei Benhadad loo̒lahi. Tio tilumetea̒ wolo wadala tilunuhe lodengolo lota suludadu owadalalio.

OLUO MONGO OLONGIA 19:7

Eeya mamohutu mai oli olongia lo Asyur mopoo̒tuoto habari tuwau udiila otutu tilinggula tio muli mohualinga ode lipulio lohihilao, wau mola teto tio mapateelio mate mateelo mao̒.”

OLUO MONGO OLONGIA 7:5

Tou̒ dulahee mahemo dio̒lomai timongolio lonao̒ mota ode kema taulo Siria, bo timongolio diila loo̒onto penu boli ngotaa mao̒ mota teto.

AYUBA 15:21

Titii-ngohuwalo upolu-polutuo̒ moo̒bungola bulongalio; to saaa̒ti u aamani tamoo-lambata mai moluhu olio.

JABURU 14:5

Taa moleeto mamoohe daa̒, sababu Allahu Taa̒ala hemo duo̒lai taa u modungohe to Eeya.

YESAYA 31:1

Matopotala taa u monao̒ ode Masiri mola mei̒bantu mai! Timongolio mopongaku olootolo hilaide popaatea lo Masiri wolo pasuukani tamootae̒ya wadala wau wadalalio u hilootola wau kaletaalio u dadaata. Bo timongolio diila yakini to Eeya, Allahu Taa̒ala mantali lo Isirai̒lu wau diila mei̒ bantu to Eeya.

YESAYA 36:9

U moluwali mao̒ polowila lo Asyur talaba-labaalo dupadupapa olo timongoli diila baliilio. Bo timongoli olo hemo tiwunela monto Masiri mei̒lao kaleta lo popaatea wau pasuukani owadala!

YEREMIA 46:21

Tumbao̒ mongo pajule sileuwaalio diila olootolo debo odelo walao̒ sapi u molingohee daa̒. Timongolio diila moo̒ taahangi. Ngoa̒amilalo mobale wau tumeteo̒ alihu moa̒ahu. Dulahu hukuumani ode limongolio malei dungga; mawakutuulio timongolio odungga lobaala.

YEHESKIEL 1:24

Wonu timongolio tumomboto, watia moo̒dungohe suala oa̒bu lo polipii̒yo; tingohio debo odelo bulontungo taluhe podehu, debo odelo hulopao̒ lo diambango pasuukani suludadu uleidaa̒, debo odelo suala lo Allahu Taa̒ala Taa Laba-labaalo kawasa. Wonu timongolio mohuheli tumomboto, timongolio molupi mao̒ popoo-lipiii̒yo,

YEHESKIEL 10:5

Tingohu oa̒abu polipio̒ lo mamaa-lai̒katiyalo opolipio̒ boito odungohe demota palepelo bulemengio, debo odelo suala lo Allahu Taa̒ala Taa Laba-labaalo kawasa.

WAHI 9:9

Duhelo bubuu-litaalo boito tau̒tau̒bu lou̒ hitua-tuawua udebo odelo boo̒ wate. Suala polipio̒ lo bubuu-litaalo boito debo odelo suala lo ngojumula daa̒ kakaa-letawaalo wadala u hemoluhu todelomo popaatea.

MONGO HAKIMU 7:21

Timongolio ngoa̒amilalo ngota-ngota debo hitihula to tambatilio topalito piloti kemawa boito. Yi ngoilanggubu diti popaatea lomusu boito tilumeteo̒ lopapaa-mbelenga sambela hiwuwa-wuwaatia̒.

BOHULO SEMUEL 14:15

Polou̒tia boito heloo̒ buluta daa̒ to taulo boito Pilistin to kema wau to papaa-dengowalo. Ngoilanggubu ulipu lo Pilistin wau popoo-siyalo podahaalo wau aa̒a-polawaalo tamoolambata mailoohe; tumbao̒ huta olo hilumehela, wau mailowalilo mola puuyota ulaba-labaalo.

BOHULO SEMUEL 26:6

Lapatao̒ tei Dauda lohintu mao̒ olei Ahimelek taulo Het boito, wau olei Abisai wutatei Yoab (Tiilo limongolio yito ti Jeruya), “Tatoonu tabuheeli tumuwotao̒ walau̒ ode delomo kema lei Saul?” Tei Abisai lolametao̒, “Wau̒!”