OLUO MONGO OLONGIA 7:5 - KITABI HABARI MOPIOHE

⁵ Tou̒ dulahee mahemo dio̒lomai timongolio lonao̒ mota ode kema taulo Siria, bo timongolio diila loo̒onto penu boli ngotaa mao̒ mota teto.

OLUO MONGO OLONGIA 7:5 ပူးပေါင်းရင်းမြစ်များ

OLUO MONGO OLONGIA 7:4

Wonu ito tumuwota ode kota, ito mamaate lo polobiti; wau wonu ito motitolaa wambai̒o tewe, ito mamaate olo. Mopiohulo ito ode kema taulo Siria. Ngoi̒dilio ito mapateelio mate-mateelo mao̒ limongolio. Bo mowaliilio olo deu̒ ito diila tapongo-pongolaalio.”

OLUO MONGO OLONGIA 7:6

Sababu, Eeya malohutu taulo Siria moo̒dungohe tingohu debo odelo tiluhu lo ngopasuukani daa̒ owadala wau okaleta. Tau-tauwalo Siria boito helo lantabu ti olongia lo Isirai̒lu maloseuwa olongia lo Het wau Masiri wolo suludadulio u loluhu olimongolio.

YEHESKIEL 12:12

To delomo hui u modio̒lomo ti olongia limongolio mamomota boolulalio toitaato binggungio tulusi momonggato. Tau-tauwalo mamohutu huwango to dingingo meeseli alihu tio moo̒ lualai. Tio mamolau̒be matolio tilinggula diila moo̒onto dalalo u polibayaalio.

IMAAMATI 27:26

Binatangi ubohulo pilotutu mai yito miliki lo Eeya, oditolio diila mowali podewolo ode bake iloheela lohilao. Walao̒ sapi, walao̒ himba meaalo walao̒ batade ubohulo pilotutu mai yito duo̒lo Eeya.

IMAAMATI 27:8

Wonu tau boito odanti laba-labaalo mosikini u momayali halaga utilantu mao̒, yi tio musi modelo mota taa u mapilodewo to Eeya boito odeli iimamu. Ti iimamu musi molantu mao̒ halaga ulebe moopa motuuu̒de lou̒ omamboa lotau boito.

TINGULI 28:7

Wonu timongoli tuhuolio, Eeya mamopo olaaheo̒ muusu limongoli. Timongolio mamohutu alihu moolato moluhu lou̒ aa̒atulu, bo tumeteo̒ wolo aa̒a-mbulatia.

TINGULI 32:25

Popaatea modelo mautu to dadaa-lalaalo; moo̒tihela hapato meidungga ode tau-tauwala tobele. Taa muda wau tadulahu humula mapo binasaalo, wau olo walao̒ unge wau taa umulu panggola.

TINGULI 32:30

Woloolo mola ngotaalio mowali mohilapita tangolihu lota, wau duulota mohilapita tamopulu lihu lota? Eeya, Allahu Taa̒ala limongolio, malo potali olimongolio; timongolio matolaa lo Allahu Taa̒ala tamolotolo boli buheli.

BOHULO SEMUEL 30:17

Tou̒ dulahee mamo baangai loloombulio mola, timongolio tiluhu lei Dauda, popaatea boito pohupohutu demola hui. Ngopohia lou̒ wopato hetuto lota tahi muudawa u lolahi wolo lotitae̒ to unta, diaaluo penu boli ngotaa mao̒ lonto musu taloo̒lahi.