OLUO MONGO OLONGIA 7:4 - KITABI HABARI MOPIOHE

⁴ Wonu ito tumuwota ode kota, ito mamaate lo polobiti; wau wonu ito motitolaa wambai̒o tewe, ito mamaate olo. Mopiohulo ito ode kema taulo Siria. Ngoi̒dilio ito mapateelio mate-mateelo mao̒ limongolio. Bo mowaliilio olo deu̒ ito diila tapongo-pongolaalio.”

OLUO MONGO OLONGIA 7:4 ပူးပေါင်းရင်းမြစ်များ

OLUO LO SAMUEL 14:14

Ito ngoa̒amila maamate; ito botie debo odelo taluhu u lohuwata mola ode huta wau diilalo owimoa̒. Allahu Taa̒ala olo diila tamopo tumulai poli taa u mailate; sababu uito patutilio potala ti Tuani lowatotia motolopani mao̒ alihu taa pola-polayahu muli moo̒ walingai.

OLUO MONGO OLONGIA 6:24

Dengolo wakutu mola lapatio mao̒ tei Benhadad olongia lo Siria lodelo ngoa̒amila suludadulio u loluhu Isirai̒lu. Timongolio lomala kota Samaria,

OLUO MONGO OLONGIA 7:5

Tou̒ dulahee mahemo dio̒lomai timongolio lonao̒ mota ode kema taulo Siria, bo timongolio diila loo̒onto penu boli ngotaa mao̒ mota teto.

BOHULO TAWARI 12:19

Tou̒ tei Dauda wolo taulo Pilistin heloluhu oli Olongia Saul, ngotayadu lopajule suku Manasye lotiwambao̒ odelei Dauda. Otutuulio mao̒ tei Dauda diila momantu totau-tauwalo Pilistin boito. Mongo tau̒wa lo Pilistin helo poa̒hu olio lohualinga mota ode Jiklag sababu timongolio moohe deu̒ tio mamo tiwambao̒ odeli Olongia Saul wau mamo hiyanati olimongolio.

ESTERI 4:16

“Ambualo mao̒ ngoa̒amila taulo Yahudi tawoluo to Susan u modua̒ mola olau̒. Diila mao̒ polamelo wau pongilu ngotilonggadu huilio totolu wau dulahio totolu. Wau̒ lohihilao wau mongo dulahu tahi pomayawa olau̒ mamopuasa mola olo. Lapatao̒ uito wau̒ mamotaalua woli olongia, penu boli uito molambanga wuwuu-uduwaalo. Wonu wau̒ musi mate kalana uito, huliilo mao̒ wau̒ mate!”

YEREMIA 14:18

Wonu bolo ode huta datahu u luasi daa̒, oontonga lowatia mimii-lateyaalo bake lo popaatea. To delomo kota oontonga lowatia polodutolo, tau-tauwalo ngopee̒ yilate pilolaango. Nabi wau iimamu hemoponao̒ uwaajibu olimongolio lou̒ diila mongalati wolo u hepohutuo limongolio.”

YEREMIA 8:14

“Yilongola ito diila mohutu wolo-wolo?” ualo umati lo Allahu Taa̒ala. “Dulo ito pee̒-pee̒enta molimbato ode kokoo-tawaalo obiintengi, huliilo mao̒ ito mate mola teto. Eeya Allahu Taa̒alanto malolantu mai deu̒ ito musi binasa. Eeya malongohi mai olanto peedi u yilumolo sababu ito odusa to Eeya.

YUNU 3:9

Otanu Allahu Taa̒ala mamo lomelao̒ niyati-Lio wau diilalo muluka tilinggula ito diila momata binaasa!”

IBRANI 9:27

Allahu Taa̒ala malo potatapu mai deu̒ manusia mate bo pee̒enta wambai̒o wau lapatao̒ uito aadilio lo Allahu Taa̒ala.