OLUO MONGO OLONGIA 7:3 - KITABI HABARI MOPIOHE

³ Todulahee boito wopatota tao̒ ngongoto lo alipo u moo̒tihela hapato woluo to bulemengo huhebu hulubangi lo Samaria. Timongolio loloi̒ya ngota timongota, “Wolo hunalio ito motihuloa̒a tewe mohima mate?

OLUO MONGO OLONGIA 7:3 ပူးပေါင်းရင်းမြစ်များ

OLUO MONGO OLONGIA 5:1

Tei Naa̒man yito eyaanggu diiti popaatea lo Siria tao̒ tolia̒ngio daa̒ wau hepasisia li olongia lo Siria. Sababu lotimbuludei olei Naa̒man, Eeya malongohi mai ode suludadu lo Siria u loo̒haama. Tei Naa̒man yito ngotaalio lo eyaanggu tamolotolo boli buheli daa̒, bo tio o ngongoto lo alipo u moo̒tihela hapato.

OLUO MONGO OLONGIA 7:4

Wonu ito tumuwota ode kota, ito mamaate lo polobiti; wau wonu ito motitolaa wambai̒o tewe, ito mamaate olo. Mopiohulo ito ode kema taulo Siria. Ngoi̒dilio ito mapateelio mate-mateelo mao̒ limongolio. Bo mowaliilio olo deu̒ ito diila tapongo-pongolaalio.”

OLUO MONGO OLONGIA 8:4

Tou̒ boito tei Gehasi tamoomayawa olei Elisa mapilohile li olongia helo hungguli mao̒ totoonulalo moo̒linggolabu u mapilohutu lei Elisa.

YEREMIA 27:13

Eeya malo tahuda mai deu̒ bangusa tadiila taa̒aluku toli olongia Babel maamate lo popaatea, polobiti, wau wembelo lo ngongoto. Yilongola ti Baginda wau ulipu ohilaa mate debo odelo odito?

YEREMIA 8:14

“Yilongola ito diila mohutu wolo-wolo?” ualo umati lo Allahu Taa̒ala. “Dulo ito pee̒-pee̒enta molimbato ode kokoo-tawaalo obiintengi, huliilo mao̒ ito mate mola teto. Eeya Allahu Taa̒alanto malolantu mai deu̒ ito musi binasa. Eeya malongohi mai olanto peedi u yilumolo sababu ito odusa to Eeya.

YIA̒APO 12:10

Tou̒ heengo boito lololaa mao̒ Kema lo Eeya, iloontonga ti Miriyama ilotuhata ngongoto lo alipo umoo̒ topotala; alipio lanta debo odelo pini. Tou̒ tei Haruna loili mao̒ odeli Miriyama wau loo̒nto deu̒ tio mai̒lo tuhata lo ngongoto boito,

YIA̒APO 12:14

Eeya lolametai, “Humayaalio bayalio ponula loiyohu liyamolio, wolo diila pituhui mola tio momanta moolito? Polahia mao̒ tio monto kema ngotilonggadu pituhui mola, wau lapatao̒ uito tio mowali muli tumuwotao̒.”