OLUO MONGO OLONGIA 7:2 - KITABI HABARI MOPIOHE

² Polowila tahe pomantu li batanga hihilao toli olongia lolametao̒, “Ualita! Uito diila pongalo aakali, eleponu to saa̒ati botieelo Eeya mopotuhutai didi daa̒ monto hulungo!” “De yio̒ mamoo̒onto mao̒ sua̒li boito motoduo mai, bo yio̒ diila tamoo̒ lamitao̒ ua̒alo boito penu boli ngoi̒di mao̒,” tametao̒ lei Elisa.

OLUO MONGO OLONGIA 7:2 ပူးပေါင်းရင်းမြစ်များ

ILOOWALI 7:11

Tou̒ tei Noho o umulu wolomo hetuto lotaunu, todulahu opulaa pitulio to hulala oluolio, lopoo̒olo mola totoonulalo butu lo taluhu to walungo huta. Totoonulalo huhebu lo taluhe to hulungo lohuo̒,

OLUO MONGO OLONGIA 5:18

Wonu bolo watia de musi modudua̒ oli olongia laatia mota motabia tokuili Rimon dewa lo Siria, pohileaala dua̒ Eeya mongambungu mai olaatia.”

OLUO TAWARI 20:20

Loloombulio mola didimodupo daa̒, ulipu yilumualao̒ wau lonao̒ ode madala tohuta datahu wau luasi udelita totili lo Tekoa. Tou̒ timongolio ohilaa momonggato, tei Yosapat helongohi mao̒ tahuli botie olimongolio, “Ulipu lo Yehuda wau Yerusalemu! Potiyakini lomola to Eeya Allahu Taa̒ala limongoli, yi timongoli maa mambo moo̒taahangi. Tolimowalo potua monto mongo nabi limongoli, yi timongoli mamoo̒haama!”

JABURU 78:41

Pipiiu̒wa timongolio helo himontala to Allahu Taa̒ala, loposuusa Taa Mantali Allahu Taa̒ala lo Isirai̒lu.

YESAYA 7:9

Isirai̒lu diila lebe molotola wolo Samaria, tiilo lokotaalio, wau Samaria diila lebe molotola woli Olongia Pekah. Wonu timongoli diila tio̒otuta yakini to Olau̒, tantuulo mao̒ timongoli diila moo̒ taahangi.”

YEREMIA 29:32

wau sababu tio malopoa̒hu olimongoli loluwali ola-U̒, yi Wau̒ mamo hukuumani mai olio wau waliilio mola. Diaaluo penu boli ngotaa mao̒ towolota limongolio tamaa meitolaa towolota limongoli u momilohe susuu-aliyaalo mopiohu u mapohutuwo-U̒ ode ngoilanggubu umati-U̒. Wau̒, Eeya, malo tahuda mai.”

MALEAKHI 3:10

Delowaalo ngotayade mopulu limongoli ngoa̒amilalo ode Belee-U̒ alihu woluo ua̒alo laba-labaalo daata mola teto. Tesiyaalo Wau̒, yi timongoli mamoo̒onto deu̒ Wau̒ momuo̒ huhuu-hebuwaalo sologa wau mopoo̒daata mai daa̒ olimongoli wolo totoonulalo u mopiohu.

YIA̒APO 11:13

Bilohilo, timongolio bibiihe tulusi mohile tapu. Wau tou̒toonu musi pololohe lowatotia tapu ode taa ngoa̒amila boito?

YIA̒APO 23:19

Allahu Taa̒ala diila debo odelo manusia u gambangi molee̒ wau ohilaa mohimbulo. Wonu Allahu Taa̒ala modanti mai tantu eelaa-Lio! Wonu Tio motahuda mai, tantu mamotoduo!

ROMA 3:3

Bo woloolo mola wonu ngotaalio taulo Yahudi diila tatapu wau molotolo hilao? Wolo sababu uito Allahu Taa̒ala mamowali diila tatapu wau molotolo hilao?

TINGULI 3:27

Ponao̒lo ode bolitutuo̒ Hui̒dee Pisga wau pomilohulo mola ode ambahu tilayo wau huliaalio, ode tiimuru wau ode otolopa. Poo̒tuota mao̒ tio̒otutua wolo u oontongamu boito, sababu yio̒ diila tamo balango Dutulaa Yordan.

2 TIMOTIUS 2:13

Wonu ito diila tatapu wau molotolo hilao, Tio debo tatapu wau molotolo hilao, sababu diila mowali Tio mobulemenga wolo batanga-Lio lohihilao.”