OLUO MONGO OLONGIA 7:16 - KITABI HABARI MOPIOHE

¹⁶ Yi ulipu lo Samaria tilumetaa̒ mota ode bulemengo kota wau helo lambato pilo tikemawa taulo Siria. Lutuuu̒de lou̒ wolo u tilahuda mai lo Eeya, lotoduwolo mai deu̒ tolokilo pale u mopiohe daa̒ meaalo wolomo kilo pale u ngodalala wewolio, halagaalio bo ngopita doi talaa̒.

OLUO MONGO OLONGIA 7:16 ပူးပေါင်းရင်းမြစ်များ

OLUO MONGO OLONGIA 7:1

Tei Elisa lolametao̒, “Dungohi mao̒ wolo u tilahuda mai lo Eeya! Loombu tanu to wakutu debo odelo utie, wolo ngopita doi talaa̒ wambai̒o tau moo̒tali tolokilo pale u mopiohe daa̒ meaalo wolomo kilo u ngodalala wewo.”

OLUO MONGO OLONGIA 7:15

Timongolio demola Dutulaa Yordan. To ngohayaa̒ lo dalalo timongolio heloo̒onto pakeyangi wau pakaa-kasiyaalo ubolo hipule-pulepeyalo mao̒. Ngoa̒amila boito bolo hepilo mahulio odito wambai̒o lo taulo Siria tou̒ timongolio tilumeteo̒. Mongo utolia boito lohualingai wau helo poduloheo̒ odeli olongia.

OLUO TAWARI 20:25

Yi tei Yosapat wolo tahidudua olio mota lolambata babaa-langiyalo musu. Ilodungga limongolio dadaata daa̒ bibiahu, powimumuto, pakeyangi, wau babaa-langiyalo ohalaga wewolio. Lapatao̒ helo himoa̒a babaa-langiyalo boito tolo hui mola hiheolio, donggo dadaata babaa-langiyalo wewo, tilinggula bolo pakusa tilolaa mao̒.

JABURU 68:12

Eeya longohi palenta, tulusi mongobua helodelo habari:

JABURU 68:13

“Mongo olongia wau pasuukanilio maa tilumeteo̒!” Timongolio tilumeteo̒ debo odelo poombo hitombota mota. Mongobua tobele helo laya-layadeo̒, talaa̒ wau hulawa u tilolaalio. Eleponu dadaata tadiila lodudua̒ lopaatea, umati lo Allahu Taa̒ala maloo̒haama.

YESAYA 33:1

Matopotala mumuu-suunto! Timongolio hemolambato eleponu diila yilambatio, wau mohiyanati eleponu diila hiliyanati. Bo lapatao̒ molambato wau mohiyanati, timongolio lohihilao mamowali bake lopolo lambato wau polohiyanati.

YESAYA 33:4

Debo odelo apola lobulita lotau u moluhu wau molambata halata limongolio.

YESAYA 44:26

Wau̒ulo talo poo̒toheeto loi̒ya lo wato-U̒, wau loponao̒ lanjana u piloi̒laalo utoliya-U̒, Wau̒ lotahuda mai deu̒ Yerusalemu mamuli potibiluloa̒lo, wau kokoo-tawaalo Yehuda mamuli bongulo-U̒; tutuu-woodio mapowuliyo-U̒.

YIA̒APO 23:19

Allahu Taa̒ala diila debo odelo manusia u gambangi molee̒ wau ohilaa mohimbulo. Wonu Allahu Taa̒ala modanti mai tantu eelaa-Lio! Wonu Tio motahuda mai, tantu mamotoduo!

MATIUSI 24:35

Hulungo wau dunia mamooli, bo tahuda-U̒ debo ohiheo-hiheolo mao̒.”

BOHULO SEMUEL 17:53

Lapatao̒ uito taulo Isirailu luli lohualingo lonto helo hilapita taulo Pilistin, lapatao̒ helo lambata tuango pilotikemawa limongolio.