OLUO MONGO OLONGIA 7:13 - KITABI HABARI MOPIOHE

¹³ Ngotaalio lo pogawee li olongia loloi̒ya mao̒, “Baginda, ito tadonggo woluo todelomo kota botie paladio tutuuwauwa wambao̒ woli mongolio tamailate. Sababu uito mopiohulo ito mopoa̒hu mola dengolo lota tamotitae̒ towadala mohelu limo towolota lo wawaa-dalaalo udonggo woluo, wau monao̒ mola odito u momilohe wolo u mailowali.”

OLUO MONGO OLONGIA 7:13 ပူးပေါင်းရင်းမြစ်များ

OLUO MONGO OLONGIA 5:13

Bo tahi pomayawa olio lohimbideo̒ olio wau loloi̒ya mao̒, “Tuani, humayaalio ti Tuani ahulalio mohutu hitua-tuawua u mototolo, tantu mapohutuo mao̒ li Tuani. Tidiyolo mao̒ tio bo lopoa̒hu mota oli Tuani molihu alihu moluli!”

OLUO MONGO OLONGIA 6:33

Tou̒ tei Elisa diipo yilapato lobisala, ti olongia malei dungga mai teto wau loloi̒ya mao̒, “Osuusa botie Eeya talo podungga mai to olanto! Oditolio donggo wolo hunalio wau̒ mei̒ tulungi mai to Eeya?”

OLUO MONGO OLONGIA 7:12

Tou̒ boito dulahee donggo hui, bo ti olongia debo yilumuala olo lonto huwali potuluhelio wau loloi̒ya mao̒ ode mongo pogaweelio, “Dungohi mai! Otaawau̒ lanjana tau-tauwalo Siria boito! Otaawa limongolio ito donggo hipolaanga, sababu uito timongolio lololaa mao̒ pilo tikemawa limongolio wau mota lotituuo̒ tohuta datahu u luasi daa̒ u momaalo olanto lumualo mopeehu ua̒alo. Lapatao̒ uito timongolio mamoo-montoa̒ olanto wau mokawaasa mao̒ kota.”

OLUO MONGO OLONGIA 7:14

Yi timongolio lolulaotao̒ dengolo lota, tulusi ti olongia lopoa̒hu tau-tauwalo boito lotijoki mao̒ toduluo kaleta lo popaatea wau mola lotulete wolo u mailowali to suludadu lo Siria.

OLUO MONGO OLONGIA 7:4

Wonu ito tumuwota ode kota, ito mamaate lo polobiti; wau wonu ito motitolaa wambai̒o tewe, ito mamaate olo. Mopiohulo ito ode kema taulo Siria. Ngoi̒dilio ito mapateelio mate-mateelo mao̒ limongolio. Bo mowaliilio olo deu̒ ito diila tapongo-pongolaalio.”

YEREMIA 14:18

Wonu bolo ode huta datahu u luasi daa̒, oontonga lowatia mimii-lateyaalo bake lo popaatea. To delomo kota oontonga lowatia polodutolo, tau-tauwalo ngopee̒ yilate pilolaango. Nabi wau iimamu hemoponao̒ uwaajibu olimongolio lou̒ diila mongalati wolo u hepohutuo limongolio.”

HIYONGO MOPOILAALO SUUSA 4:9

Timongolio silikisa wau yilate to tambati lo popaatea, sababu sama-samaata diila o ua̒alo; tailate totambati lo popaatea, lebe iluuuntungi wolo tailate lo polaango.