OLUO MONGO OLONGIA 6:9 - KITABI HABARI MOPIOHE

⁹ Bo tei Elisa lolao mota habari odeli olongia lo Isirai̒lu u lopoe̒ela olio alihu diila mao̒ monao̒ ode tambati boito, sababu tau-tauwalo Siria biasaalio hemolibaya molinto.

OLUO MONGO OLONGIA 6:9 ပူးပေါင်းရင်းမြစ်များ

BOHULO MONGO OLONGIA 20:13

Tou̒ boito, ngotaalio lonabi lonao̒ mota odeli Olongia Ahab wau loloi̒ya mao̒, “Eeya lotahuda mai: ‘Iloontongamu suludadu dadaata boito? Wau̒ mamongohi olemu u moo̒haama toli mongolio todulahee botie. Yio̒ mamotota mao̒ deu̒ Wau̒lo Eeya.’ ”

BOHULO MONGO OLONGIA 20:28

Lapatao̒ malonao̒ ngotaalio lonabi odeli Olongia Ahab wau loloi̒ya mao̒, “Uti-utieelo u pilotahuda mai lo Eeya: ‘Sababu tau-tauwalo Siria boito helo lantobu deu̒ Wau̒ bo okawasa to hihui̒-hui̒dea wau diila todatahu moopa, yi Wau̒ mamongohi olemu u moo̒hama olemu to suludadu limongolio talaba-labaalo daatalio boito. Yio̒ wau ulipumu mamotota mao̒ deu̒ Wau̒lo Eeya.’ ”

OLUO MONGO OLONGIA 4:1

Tou̒ dulahee tuwau janda lonto ngotaalio lo nabi lonao̒ mota odelei Elisa wau loloi̒ya mao̒, “Paaa̒, dile lowatia mailate! Wau otaawa li Paaa̒ deu̒ tio olo ngotaalio lotaa u modungohe to Allahu Taa̒ala, bo tio o biloli to tahingota-ngotawa. Botia tau boito lonao̒ mai lohama walao̒ watia duduulota wau timongolio he pilopowaliilio wato, odelo pomaayali biloli todile lowatia tamailate.”

OLUO MONGO OLONGIA 4:27

Bo tou̒ leidungga mai ode talu lei Elisa, tio losujudu lomola wau longoo̒ode oa̒ato lei Elisa. Tei Gehasi mamopo hinggi olio monteeto, bo tei Elisa loloi̒ya, “Poluliyalo mao̒! Oontonga mao̒ tio suukali daa̒. Bo Eeya diila lopoo̒taa mai wolo-wolo olau̒!”

OLUO MONGO OLONGIA 4:7

Lapatao̒ ti Ibu boito luli lonao̒ mota odeli Nabi Elisa, wau tei Elisa loloi̒ya mao̒, “Potaliyalo winulo boito u pomaayali ngoa̒amila biloli li Ibu, wau lebelio ee̒enggade u mopotumulo oli Ibu wau mongo walai̒ Ibu.”

OLUO MONGO OLONGIA 6:10

Oditolio ti olongia lo Isirai̒lu helo poe̒elao̒ to tahi biluloa̒wa totili leeto alihu mopoo̒daha-dahaalo mao̒. Odi-odieelo mola tei Elisa poo̒-poo̒ngoolo helo poe̒elao̒ oli olongia.

OLUO MONGO OLONGIA 6:12

Ngotaalio lomongo polowila boito lolametao̒, “Diaaluo penu boli ngotaa mao̒, Baginda. Ti Nabi Elisaalo taloo̒ sababu mao̒! Tio-tiolo talo potunggula mota odeli olongia lo Isirai̒lu wolo uiloi̒ya li Baginda boito, eleponu uito yiloi̒yaalio todelomo huwali potuluhelo.”

OLUO MONGO OLONGIA 6:8

Tou̒ wakutu tuwau Siria helo paatea wolo Isirai̒lu. Lapatao̒ lodulohupa wolo mongo polowilalio, ti olongia lo Siria lolantu mao̒ tou̒toonu timongolio musi motikema.

AYUBA 5:12

Diila pilomata-Lio ranjana lotaa dadaata aakali u moleeto, ilohentobe wau yilau̒po Eeya taa motota, tilinggula ngoa̒amila tolopani limongolio diila lomata, wau timongolio iloyimbuloa lo aakali limongolio lohihilao.

JABURU 33:10

Eeya diila lopomata ranjana lo babaa-ngusawalo, Eeya lopdiaaluo niyati limongolio.

POHUMAYA 22:12

Wolo momoonggari oyimbulo lotaa udiila motulidu hilao, Eeya modaha alihu pongotota u otutu debo meitaala.

YEREMIA 11:18

Eeya lopoo̒taa mai odelaatia pasali lo patuju u moleeto lo mumuusuuu̒ odelaatia.

AMOS 3:7

Eeya Taa Laba-labaalo molanggato diila pee̒enta mao̒ mohutu mai u hi tua-tuawua olo lou̒ diila mopoi̒laalo mai patujuu-Lio ode mongonabi, mongo wato-Lio.

WAHI 1:1

Tuango buku botie tomimbihu wolo u piloi̒laalo li Isa Almasi pasali popoo-lou̒tiyalo u mamotoduo mai. Allahu Taa̒ala lopoo̒taa li Almasi alihu Tio mopo biloheo̒ tomongo wato lo Allahu Taa̒ala wolo umusi hua̒a motoduo mai. Ti Isa Almasi malolao malai̒kati-Lio odelei Yahya, wato-Lio mola lopoo̒taa popoo-lou̒tiyalo boito olio.