OLUO MONGO OLONGIA 6:8 - KITABI HABARI MOPIOHE

⁸ Tou̒ wakutu tuwau Siria helo paatea wolo Isirai̒lu. Lapatao̒ lodulohupa wolo mongo polowilalio, ti olongia lo Siria lolantu mao̒ tou̒toonu timongolio musi motikema.

OLUO MONGO OLONGIA 6:8 ပူးပေါင်းရင်းမြစ်များ

BOHULO MONGO OLONGIA 20:1

Tou̒ dulahee tuwau tei Benhadad, olongia lo Siria, helo ngaambu ngoa̒amila suludadulio, wau wolo tolo pulaa duulota olongia wewo wolo kaleta lo popaatea, wau wadala limongolio, tio helomala wau loluhu kota Samaria.

BOHULO MONGO OLONGIA 20:23

Mongo polowila li Olongia Benhadad loloi̒ya mao̒ odelei Benhadad, “Ila-ila u hetuboo lobangusa Isirai̒lu okawasa to hihui̒-hui̒dea, uito sababuulio ito ilolaahe lobangusa boito. Bo ito tantu mowali mopoo̒laaheo̒ olimongolio wonu ito mopaatea todatahu moopa.

BOHULO MONGO OLONGIA 20:34

Lapatao̒ ualei Benhadad olio, “Watia mamopo walingai odeli Tuani kokoo-tawaalo u mahilama liyamo lowatia lonto oliyamo li Tuani. Ti Tuani olo mowali momongu mao̒ wibui̒o lo daahangi tokota Damusiki debo odelo u pilohutu liyamo lowatia to Samaria.” Ualei Ahab, “Dutadutaa̒ todanti li Tuani boito, watia mamo lopata oli Tuani.” Lapatao̒ uito tei Ahab malohutu daantia wolei Benhadad tulusi lolopata olio.

BOHULO MONGO OLONGIA 22:1

Ngotilonggadu dulo taunu mola apingo diaaluo popaate to wolota lo Isirai̒lu wau Siria.

BOHULO MONGO OLONGIA 22:31

To wakutu boito otolo pulaa duulota eyaanggu lo pasuukani lokaleta popaatea lo Siria pilarenta mao̒ li olongiayalio u moluhu boti olongia lo Isirai̒lu wambao̒.

OLUO MONGO OLONGIA 6:24

Dengolo wakutu mola lapatio mao̒ tei Benhadad olongia lo Siria lodelo ngoa̒amila suludadulio u loluhu Isirai̒lu. Timongolio lomala kota Samaria,

OLUO MONGO OLONGIA 6:7

Tei Elisa maloloi̒ya, “Hamaawa!” Tau boito lohudu mota uluu̒lio tulusi lohama mato lobulingo boito.

OLUO MONGO OLONGIA 6:9

Bo tei Elisa lolao mota habari odeli olongia lo Isirai̒lu u lopoe̒ela olio alihu diila mao̒ monao̒ ode tambati boito, sababu tau-tauwalo Siria biasaalio hemolibaya molinto.

POHUMAYA 20:18

Lanjana otilapulo wolo momikiilangi mopio-piohulo mao̒ u molantu; sababu uito, diila mao̒ pohipate lou̒ diila mohutu mao̒ lanjana u moontapo.

POHUMAYA 21:30

Diaaluo ootota, ootoloo̒ meaambo otinepo umoo̒ taahangi totalu lo Eeya.

YESAYA 8:10

Pohutuwalo ranjana, bo ngoa̒amilalo madiila momata. Pohamaalo putuusani bo diila ohunalio, sababu Allahu Taa̒ala pee̒-pee̒enta wolaami.