OLUO MONGO OLONGIA 6:10 - KITABI HABARI MOPIOHE

¹⁰ Oditolio ti olongia lo Isirai̒lu helo poe̒elao̒ to tahi biluloa̒wa totili leeto alihu mopoo̒daha-dahaalo mao̒. Odi-odieelo mola tei Elisa poo̒-poo̒ngoolo helo poe̒elao̒ oli olongia.

OLUO MONGO OLONGIA 6:10 ပူးပေါင်းရင်းမြစ်များ

BOHULO MONGO OLONGIA 20:15

Yi ti olongia lotiangai lotia̒mbu mongo pajule humula tahi tunuhe tomongo uhuuhu. Ngoa̒amilalo woluo dulo hetuto tolo pulaa duulota pajule. Lapatao̒ tio lohutu mao̒ u tutuuwauwa wolo suludadu lo Isirai̒lu. Ngoa̒amilalo woluo pitu lolihu lota.

OLUO MONGO OLONGIA 13:14

Tou̒ wakutu tuwau ti Nabi Elisa ilodungga lo ngongoto tiluhua, wau ti Olongia Yoas lonao̒ mai lomilohe olio. Tou̒ iloontongalio tei Elisa membideo̒ mate, yi ti olongia boito hilumoyongo wau loloi̒ya mao̒, “Paaa̒au̒, Paaa̒au̒, tamooduulua Isirai̒lu taa udaa̒!”

OLUO MONGO OLONGIA 2:12

Tei Elisa loo̒onto mao̒ olio tulusi longiibode, “Elia, Paaa̒au̒! Paaa̒au̒! Tamoo-duo̒lawa Isirai̒lu tamolotolo boli buheli! Ti Paaa̒ madiduu̒!” Yi mailoolilo mola tei Elia to bibilohio lei Elisa. Wolo suukali lohilao tei Elisa longaidinga jumbalio lowali dulopita,

OLUO MONGO OLONGIA 5:14

Sababu uito malonao̒ tei Naa̒man ode Dutulaa Yordan, tulusi tilumuwota mola wau lopolomo wawaai̒o todelomo dutulaa boito poo̒opitu debo odelo u ilahula mai lei Elisa. Yi maloluli lomola tei Naa̒man. Wawaai̒o maluli sileehati mai debo odelo wawaao̒ lowalao̒ tadonggo humula.

OLUO MONGO OLONGIA 6:11

Sua̒li boito loo̒yingo daa̒ oli olongia lo Siria, tilinggula tio lotiangai tomongo polowilalio wau lohintu mao̒, “Tantu to wolotanto woluo tamalo hiyanati. Tatoonu taulio? Ntali polelea mai!”

OLUO MONGO OLONGIA 6:9

Bo tei Elisa lolao mota habari odeli olongia lo Isirai̒lu u lopoe̒ela olio alihu diila mao̒ monao̒ ode tambati boito, sababu tau-tauwalo Siria biasaalio hemolibaya molinto.

OLUO TAWARI 20:20

Loloombulio mola didimodupo daa̒, ulipu yilumualao̒ wau lonao̒ ode madala tohuta datahu wau luasi udelita totili lo Tekoa. Tou̒ timongolio ohilaa momonggato, tei Yosapat helongohi mao̒ tahuli botie olimongolio, “Ulipu lo Yehuda wau Yerusalemu! Potiyakini lomola to Eeya Allahu Taa̒ala limongoli, yi timongoli maa mambo moo̒taahangi. Tolimowalo potua monto mongo nabi limongoli, yi timongoli mamoo̒haama!”

POHUMAYA 27:12

Taa molinepo mohei wonu bolo moo̒onto baala; taa mohulodu monao̒ tulusi lapatao̒ odungga lobaala.

YEREMIA 11:18

Eeya lopoo̒taa mai odelaatia pasali lo patuju u moleeto lo mumuusuuu̒ odelaatia.

MATIUSI 2:12

Allahu Taa̒ala malo poe̒elai olimongolio todelomo tohiilopo alihu diila mao̒ mohualinga mola odelei Herodes. Oditolio timongolio malo hualingo lolibaya dalalo wewo.

MATIUSI 3:7

Dadaata olo taulo Parisi wau Saduki lonao̒ mai odelei Yahya mai lei̒lihu. Bo tou̒ tio loo̒onto olimongolio lonao̒ mai malo loi̒ya tio olimongolio, “Timongoli tau moleeto! Tatoonu talo loi̒ya deu̒ timongoli moo̒lahi monto hukuumani lo Allahu Taa̒ala u mamei dungga mai?

WUNGGULI LOMONGO RASULU 27:24

Malai̒kati boito lotahuda, ‘Diila mao̒ oohe, Paulus! Sababu yio̒ mamotaalua woli Kaisari. Wau sababu opiohu hilaa lo Allahu Taa̒ala olemu, ngoa̒amila tahibitea wolemu mamoa̒ahu sababu yio̒.’

IBRANI 11:7

Sababu o iimani, yi tei Noho piloo̒taa lo Allahu Taa̒ala pasali lo susuu-aliyalo u mamotoduo mai lapatio mao̒, udiila mowali oontongalio. Tei Noho lodungohe to Allahu Taa̒ala tilinggula tio lohutu kapali tuwau u lapatio mao̒ loilaalo lopoa̒ahu batangalio wolo ngaalaa̒lio. Lou̒ odito dunia hilukuumani, hiambola tei Noho lohihilao sababu iimanilio piloilaalo lo Allahu Taa̒ala odelo taa mopiohe.