OLUO MONGO OLONGIA 5:25 - KITABI HABARI MOPIOHE

²⁵ tulusi tio luli tilumuwotao̒ ode delomo bele. Tei Elisa lohintu mao̒, “Yio̒ lonto utoonu?” “Diila lonto utoonu, Tuani!” tametio mao̒.

OLUO MONGO OLONGIA 5:25 ပူးပေါင်းရင်းမြစ်များ

ILOOWALI 16:8

Tahuda lo malai̒kati boito, “Hagar, wato li Sarai, yio̒ lonto utoonu wau maa deu̒toonu?” Tilametao̒ li Hagar, “Watotia malolahi lonto oli Sarai ti nyonya lo watotia.”

ILOOWALI 4:9

Eeya lotahuda mao̒ olei Kain, “Tou̒toonu tei Habel, tawali-yaliimu?” Tei Kain lolametao̒, “Diila otaawa lo watotia. Wolo watotia mamusi modaha mao̒ tawali-yali lo watotia?”

OLUO MONGO OLONGIA 20:14

Lapatao̒ ti Nabi Yesaya mota lotaalua woli Olongia Hiskia wau lohintu mao̒, “Lonto utoonu tau-tauwala boito? Wolo uali mongolio?” Tei Hiskia, “Lolametao̒ lonto Babel, lipu u molamingo.”

OLUO MONGO OLONGIA 5:22

Tei Gehasi lolametao̒, “Maa̒apu Tuani, watia ilahula mai mopo tunggulao̒ odeli Tuani deu̒ boheli mola nabi humula duulota leidungga mai lonto madala hihui̒-hui̒dea lo Epraim. Ti Tuani laatia lei̒hile mao̒ alihu ti Tuani mongohi mai tolo lihu doi talaa̒ wau dulo pari pakeyangi u hipiiohe odeli nabi duuloota boito.”

OLUO TAWARI 26:19

Tou̒ boito tei Ujia donggo tihutihula totili mesba lodupa to Bele lo Eeya wolo pakaakasi u hepo mobualo dupa to uluu̒lio. Tio loingo tomongo iimamu boito, wau debolo lobutu lomola ngongoto lo alipo u moo̒tihela hapato tobayalio.

POHUMAYA 30:20

Uti-utieelo aakali lo ngotaalio taabua tadiila tatapu wau molotolo hilao to dilelio: Lapatao̒ mojina, tio molamelo tio momaide tunggilio, lapatao̒ moloi̒ya, “Wau̒ diila helohutu wolo-wolo!”

YEHESKIEL 33:31

Timongolio monao̒ mai tutuuyuta dadaata daa̒ wau odelo umati-U̒ timongolio motihuloa̒a modungohe loloo-iyaamu, bo wolo upilo malentaamu diila dilungohe limongolio. Biihu limongolio molapali loloo-iyaalo sinta, bo hilaa limongolio bo hemo mikiilangi uuntungi.

MATIUSI 26:21

Tou̒ timongolio donggo hipolamela, ti Isa lotahuda mao̒, “Dungohi: ngotaalio limongoli mamo hiyanati ola-U̒.”

YAHYA 13:2

Ti Isa wau tahidudua̒ o-Lio donggo hipolamela hui. Ibilisi malo potuwoto niyatilio ode hilaa lei Yudas walae̒e Simon Iskariot u mohiyanati li Isa.

BOHULO SEMUEL 10:14

Pou̒wama lei Saul loo̒onto olio wau watolio, tulusi helohintu mao̒ olimongolio, “Lonto utoonu timongoli?” tametao̒ lei Saul, “Hemololohe kolodai uilooli boito, wau tou̒ amiaatia diila loo̒dungga kolodai boito, amiaatia mota lodunggaya wolei Semuel.”