OLUO MONGO OLONGIA 5:23 - KITABI HABARI MOPIOHE

²³ “Tantulo mao̒!” ualei Naa̒man, wau tio malo huntulao̒ alihu tei Gehasi modelo mota wolomo lihu doi talaa̒. Tei Naa̒man malomolu mao̒ doi boito todelomo dulo bututu, wau lohama dulo pari pakeyangi u hipiiohe. Ngoa̒amila boito yilohilio ode tahi pomayaalio duulota, tailahulio lonao̒ leimulo wolei Gehasi.

OLUO MONGO OLONGIA 5:23 ပူးပေါင်းရင်းမြစ်များ

ILOOWALI 33:11

Halapuo lowatia, tolimowalo mao̒ dewo u madilelo mai lowatia botie. Allahu Taa̒ala maa ilopiohe lohilao to olaatia wau malongohi mai totoonulalo u hitua-tuawua u palaluo lowatia.” Tei Yako helo huntulaa tulusi tunggula pulitio mao̒ tei Esau malo lolimo wowohilio boito.

BOHULO MONGO OLONGIA 20:7

Yi ti Olongia Ahab malo tiangai ngoa̒amila tau̒wa lo Isirai̒lu wau loloi̒ya mao̒, “Sakusia mao̒ limongoli lohihilao deu̒ tau botie ohilaa mopo topotala olanto. Tio lohile wolo moo̒ohuu̒ alihu wau̒ mohudu mao̒ mongo dileu̒ wau mongo walau̒u̒ boli hulawa talaa̒au̒ wau wau̒ diila mowali mopotouli hihiilelio wolo moo̒ohuu̒ boito.”

OLUO MONGO OLONGIA 12:10

Timii̒du wonu doi todelomo bulua mooyota boito madilaata mai, yi dulutuli li olongia woli Iimamu Daa̒ tonggonao̒ mai moyia̒apa doi boito, tulusi momolu mao̒.

OLUO MONGO OLONGIA 2:17

Bo timongolio debo tulusi hemo huntulo tilinggula ilakololio. Yi malonao̒ talimo lopulu lota nabi boito mola lololohe olei Elia ngotilonggadu tolohui mola, bo timongolio diila loo̒dungga olio.

OLUO MONGO OLONGIA 5:16

Tei Elisa lolametao̒, “Domi Eeya tatumu-tumulo, tahe bayaa laatia, watia diila tamo lolimo penu boli wowohi wolo wambai̒o.” Tei Naa̒man helo huntulao̒ alihu tei Elisa mohuto mololimo wowohilio boito, bo tei Elisa debo lopotouli mao̒.

OLUO MONGO OLONGIA 5:5

Ti Olongia loloi̒ya mao̒, “Ooo̒, ponao̒lo odeli olongia lo Isirai̒lu. Wau̒ mamolao mola tuladee ode olio.” Yi malo monggato tei Naa̒man wau lodelo tolopulu lolihu doi talaa̒, wolomo lihu doi hulawa, wau mopulu lopari pakeyangi u hipiohe.

OLUO MONGO OLONGIA 6:3

Tala ngota limongolio helo huntulao̒ alihu tei Elisa modudua̒ woli mongolio. Tei Elisa akolo,

YESAYA 30:6

Odieelo mola tahuli lo Eeya tomimbihu bibii-natangiyalo u hipoo̒yonga tohuta huliaalio, “Mongo utolia helo detohe kolodai wau unta limongolio wolo papaa-laseniyalo, lapatao̒ lolibaya tomadala u polupolu lou̒ moo̒topotala u pilotitolawa losinga, tulide obisa wau naha opolio̒. Papaa-laseniyala boito pilopodewo limongolio ode bangusa tuwau tadiila loo̒tuulungi olimongolio.

LUKASI 11:54

Wau sambela uito timongolio hemo poo̒tuoto tio̒otutua o-Lio wau hemololohe totala lou̒ wolo u heloi̒yaa-Lio.