OLUO MONGO OLONGIA 5:16 - KITABI HABARI MOPIOHE

¹⁶ Tei Elisa lolametao̒, “Domi Eeya tatumu-tumulo, tahe bayaa laatia, watia diila tamo lolimo penu boli wowohi wolo wambai̒o.” Tei Naa̒man helo huntulao̒ alihu tei Elisa mohuto mololimo wowohilio boito, bo tei Elisa debo lopotouli mao̒.

OLUO MONGO OLONGIA 5:16 ပူးပေါင်းရင်းမြစ်များ

BOHULO MONGO OLONGIA 13:8

Ti Nabi boito lolametao̒, “Eleponu ti Baginda mongohi mai olaatia ngotayadu lo okokaya li Baginda, watia diila tamo dudua̒ mota molamelo wau mongilu woli Baginda.

BOHULO MONGO OLONGIA 17:1

Woluo ngotaalio lonabi tai̒lunte Elia. Asaliilio mai lonto Tisbe, kota tuwau tomadala lo Gilead. Tou̒ dulahee tuwau tio lonao̒ mai odeli Olongia Ahab wau loloi̒ya mao̒, “Domi Eeya tatumu-tumulo, Allahu Taa̒ala tahe tuboo taulo Isirai̒lu wau tahe bayaa lowatia, watia mopoo̒taa mai odeli Tuani deu̒ ngotilonggadu dulo meaalo tolo taunu u wumbutio mola botie diaaluo mai wombulo wau didi penu boli ngoi̒di mao̒, ngopohia wonu watia molele mai.”

BOHULO MONGO OLONGIA 18:15

Tei Elia lolametao̒, “Domi Eeya Taa Laba-labaalo kawasa tahe bayaa lowatia, watia modanti mai mamonao̒ mota lohihilao motaalua woli olongia to dulahulo botie.”

OLUO MONGO OLONGIA 3:14

Tei Elisa lolametao̒, “Domi Eeya tatumu-tumulo, tahe bayaa lowatia, watia moloi̒ya mai lou̒ diila aibu deu̒ wonu diila sababu ti Olongia Yosapat tahe hurumatio lowatia, watia diila mohuto mou̒luusania woli Tuani.

OLUO MONGO OLONGIA 5:20

tei Gehasi tamoomayawa olei Elisa, mapiki-pikiilangi, “Aa, yilongola tio pilopoluli lonao̒ wau diila lomaayali wolo-wolo? Patutilio tituani laatia mololimo mao̒ wowohi taulo Siria boito! Domi Eeya tatumu-tumulo, watia musi mohilapita mota olio wau moo̒tapu u hitua-tuawua monto olio!”

OLUO MONGO OLONGIA 5:26

Bo tei Elisa loloi̒ya mao̒, “Hilaau̒ woluo mola teto tou̒ tei Naa̒man lolaaheo̒ lonto kaletaalio u lodunggaya wolemu. Botie diila wakutuulio u moo̒tapu doi wau motali ilengi lo jaitun, ilengi lo angguru, himba wau sapi boli mongo wato!

DANIALI 5:17

Tei Daniali lolametao̒, “Tuani lo watotia diila palalu mongohi mai papaa-laseniyalo boito ode watotia, wohiyalo mao̒ ode taa wewo. Watotia mamopobaca mai utula-tuladee boito odeli Tuani lowatotia wau mopoo̒taa mai boliilio.

MATIUSI 10:8

Poo̒lulia mao̒ tau-tauwalo tahi ngongota; potumula mao̒ tau-tauwalo tahelo poowate; poo̒lulia mao̒ tau-tauwalo tao̒ngongoto lo alipo u moo̒tihela hapato, wau yinggila mao̒ roroo-huwaalo u moleeto. Timongoli malo lolimo ngoa̒amilalo boito lou̒ beebasi. Oditolio, pongohi mao̒ olo wolo beebasi.

1 KORINTUS 6:12

Woluo talo loi̒ya deu̒ timii̒du tau mowali mohutu totoonulalo u hitua-tuawua. Bo olaatia diila ngoa̒amilalo ohuna. Oditolio eleponu watia mowali mohutu penu boli wolo, bo watia diila mohuto mopoluli batanga lowatia kawasaalio penu boli loolo.

2 KORINTUS 12:14

Masaatia botie maa u otolulio watia dapadapato u mola mobiilohe woli mongoli. Wau watia diila mopoo̒suusa olimongoli, sababu u otohilaa laatia diila wolo u mililiki limongoli, bo batanga limongoli. Sababu diila tau̒kekei̒ tamusi mopeehu rijiki tomongo dulaa̒lio, bo mongo dulaa̒lio tamusi mopeehu rijiki tomongo walai̒o.