OLUO MONGO OLONGIA 5:13 - KITABI HABARI MOPIOHE

¹³ Bo tahi pomayawa olio lohimbideo̒ olio wau loloi̒ya mao̒, “Tuani, humayaalio ti Tuani ahulalio mohutu hitua-tuawua u mototolo, tantu mapohutuo mao̒ li Tuani. Tidiyolo mao̒ tio bo lopoa̒hu mota oli Tuani molihu alihu moluli!”

OLUO MONGO OLONGIA 5:13 ပူးပေါင်းရင်းမြစ်များ

ILOOWALI 41:43

Lapatao̒ yilohilio mao̒ odelei Yusu kaleta lo bele biluloa̒ saaha li olongia oluolio u tae̒yalio, wau tamookawalia polo hulumati li olongia helonao̒ totalu lokaleta boito sambela wuwa-wuwaatia̒, “Tabee! Dalalo! Dalalo!” Odi-odieelo mola tei Yusu piludui̒o lowali gubolonulu to ngoilanggubu lo Masiri.

BOHULO MONGO OLONGIA 20:23

Mongo polowila li Olongia Benhadad loloi̒ya mao̒ odelei Benhadad, “Ila-ila u hetuboo lobangusa Isirai̒lu okawasa to hihui̒-hui̒dea, uito sababuulio ito ilolaahe lobangusa boito. Bo ito tantu mowali mopoo̒laaheo̒ olimongolio wonu ito mopaatea todatahu moopa.

BOHULO MONGO OLONGIA 20:31

Mongo polowilalio lonao̒ mai ode olio wau loloi̒ya mao̒, “Ualo tau, mongo olongia lo Isirai̒lu yito mongo olongia tao̒laasa tolia̒ngo. Sababu uito poluasiyalo mai amiaatia mola motaalua woli olongia lo Isirai̒lu wolo momake mao̒ kaingi kado odelo tuoto lou̒ pololee̒ wau tali tobuloo̒ odelo tuoto lou̒ taa̒aluku. Pohileaala dua̒ tio diila momate oli Baginda mate-mateelo mao̒.”

OLUO MONGO OLONGIA 13:14

Tou̒ wakutu tuwau ti Nabi Elisa ilodungga lo ngongoto tiluhua, wau ti Olongia Yoas lonao̒ mai lomilohe olio. Tou̒ iloontongalio tei Elisa membideo̒ mate, yi ti olongia boito hilumoyongo wau loloi̒ya mao̒, “Paaa̒au̒, Paaa̒au̒, tamooduulua Isirai̒lu taa udaa̒!”

OLUO MONGO OLONGIA 2:12

Tei Elisa loo̒onto mao̒ olio tulusi longiibode, “Elia, Paaa̒au̒! Paaa̒au̒! Tamoo-duo̒lawa Isirai̒lu tamolotolo boli buheli! Ti Paaa̒ madiduu̒!” Yi mailoolilo mola tei Elia to bibilohio lei Elisa. Wolo suukali lohilao tei Elisa longaidinga jumbalio lowali dulopita,

OLUO MONGO OLONGIA 5:10

Tei Elisa lolao ngotaalio tamoomayawa u loloi̒ya mao̒ odie odelei Naa̒man, “Ponao̒lo mota ti Tuani molihu poo̒opitu to Dutulaa Yordan, de ti Tuani mamoluli sama-samaata.”

OLUO MONGO OLONGIA 5:3

Tou̒ dulahee tuwau malo loi̒ya tamoomayawa boito odeli mbuui̒, “Mbuui̒, humayaalio tituani monao̒ mota modunggaya woli nabi tabilu-biluloa̒ to Samaria, tantulo mao̒ tinabi boito mamo poo̒luli mai oli tuani.”

OLUO MONGO OLONGIA 6:21

Tou̒ ti olongia lo Isirai̒lu loo̒onto tau-tauwalo Siria boito, tio malohintu, “Elisa, wolo watia musi momate-mateelo mao̒ to tau-tauwalo botie?”

OLUO MONGO OLONGIA 8:9

Tei Hajael malohama unta wopato pulu wau helo detoheo̒ wolo tilapulo kota lo Damusiki u hidala-dalaala, tulusi lomonggato odelei Elisa. Tou̒ leidungga mola ode tambati lei Elisa, tei Hajael loloi̒ya mao̒, “Watomu ti Olongia Benhadad, lolao mai olaatia u mohintu mao̒ wolo tio mamoluli meaalo diila?”

JABURU 51:2

lapatao̒ tio dilini li Nabi Natan sababu helojina woli Batsyeba.

JABURU 51:7

Tutuulio mao̒ tutu, watotia moleeto tumulalo pilotutulio mai, wau ilodusa tumulalo mai todelomo talomo.

YESAYA 1:16

Wuloilo batangamu tunggula belesi. Huheelia mao̒ ngoa̒amila ololeeto u pilohutu limongoli boito. Ooo̒, diilalo pohutu u moleeto,

MALEAKHI 1:6

Eeya Taa Laba-labaalo kawasa lotahuda ode mongo iimamu, “Walao̒ ngota mohulumati oliyamolio wau wato ngota mohulumati oli tuanilio. Wau̒ botie ti Paapamu; yilongola timongoli diila mohulumati ola-U̒? Wau̒ botie tituanimu; yilongola timongoli diila moohe ola-U̒? Timongoli mohina ola-U̒, bo timongoli mohintu, ‘Wolo dudelo woloolo mola mongowatotia mohina to Eeya?’

MATIUSI 23:9

Wau timongoli diila mao̒ pongiibode boli ngota mao̒ todunia botie ‘Paapa’, sababu ti Paapamu bo ngota, deu̒ito-yito Allahu Taa̒ala limongoli tato sologa.

YAHYA 13:8

“Keke, Yaa Eeyau̒,” loi̒ya mao̒ lei Petrus odeli Isa, “Sama-samaata diila mao̒ wuloi oa̒ato lowatotia yaa Eeyau̒!” Bo tahuda mao̒ li Isa, “Wonu Wau̒ diila mongulo mao̒ olemu, yio̒ diila owumbuta wola-U̒.”

YAHYA 9:7

“Ponao̒lo pobelesia mao̒ bayamu to Kulamu Siloam.” (Siloam boliilio ‘Ilutolia’.) Yi tau boito malonao̒ wau lopobelesi bayalio. Tou̒ tio lohualingai, tio malowali loo̒onto.

WUNGGULI LOMONGO RASULU 22:16

Botia didu mao̒ pohima lebe mohiheo. Tihuloolo mola wau wuduwalo batangamu u lihuwalo. Pongibodulo mola ode Eeya alihu yio̒ lopato-Lio mai monto totoonulalo dusamu.’ ”

1 KORINTUS 1:21

Sababu penu boli woloolo mola totaalio lomanusia, tio diila mowali moo̒onuhe Allahu Taa̒ala motimbulude to pongotalio lohihilao. Bo tumbao̒ sababu Allahu Taa̒ala molinepo, yi Tio lotuhatawa lopoa̒ahu mai tau-tauwalo tapalacaya o-Lio lotimbulude tohabari upilo loladei lamiaatia u hea̒nggapuo lodunia yimbulo.

1 KORINTUS 1:27

Sababu memangi milakusudu Allahu Taa̒ala molulaotai tahe anggapuo lodunia botie mohulodu, alihu tau-tauwalo tahi tootawa mowali moolito. Wau Allahu Taa̒ala lolulaotai olo tahe anggapuo lodunia botie molulupuhu, alihu tau-tauwalo tahilotola boli buheli daa̒ mowali moolito.

1 KORINTUS 4:15

Sababu watiaalo talowali tiyamo limongoli, eleponu otanu odelo taulo Nasara, timongoli mao̒gulu mopulu lihu lota. Todelomo tutumulumu odelo tau-tauwalo tamo tituwau woli Almasi, watia talowali tiyamo limongoli, sababu watia talodelo mai Habari Mopiohe pasali li Almasi ode limongoli.

TITUSI 3:5

Tio lopoa̒ahu mai olanto, diila sababu ito malohutu hitua-tuawua umopiohe, bo sababu Tio lohihilao momonu olanto. Tio lopoa̒ahu mai olaanto lotimbulude to Rohullah, talongohi mai olanto pilotutu bohu wau tutumulo bohu wolo dalala lopobelesi olanto.

IBRANI 10:22

Sababu uito, duloolo ito mohimbide Allahu Taa̒ala wolo hilaa motulidu wau iimani motoheeto; wolo hilaa umaa pilomantali monto pongolaaasa utilala, wau wolo batanga u mapiloo̒ belesi wolo taluhe u mantali.

1 PETRUS 3:21

Naa, ilowali boito debo odelo pohumaya lo popolihu u masaatia botie mopoa̒ahu olimongoli. Popolihu botie diila tala tuwau lo upacala mopoo̒ belesi wawao̒ monto ngoa̒amila u hikootoloa, bo debo odelo dantimu to Allahu Taa̒ala monto hilaa u maloo̒tapu tinelo Eeya u mopiohu. Popolihu boito mopoa̒ahu olimongoli sababu ti Isa Almasi maluli tilumumulai lonto opopate,

WAHI 7:14

“Diila otaawa lowatia, Tuani. Ti Tuani lohihilao tamotota,” tametao̒ lowatia. Yi ualio mai olaatia, “Utieelo tau-tauwalo tamaa loa̒ahu loli maasa lo alinaaya ulaba-labaalo tutu. Timongolio malo moboa̒a jumba limongolio wau lohutu mao̒ lowali loputio̒ wolo duhu lo Walao̒ Himba boito.

BOHULO SEMUEL 24:11

Botia ti Baginda loo̒toduo lohihilao deu̒ todelomo gowa engonti, Eeya malohudu mai oli Baginda ode watotia. Watotia mapiliyo lo tahingota-ngotaawa u momate oli Baginda mate-mateelo mao̒, bo watotia diila lololimo. Watotia lolametao̒ deu̒ watotia diila mohuto mopongongoto li olongia lo watotia tamaa tilulaoto Eeya.

BOHULO SEMUEL 28:23

Tei Saul diila lololimo wau loloi̒ya mao̒ deu̒ tio diila ohilaa molamelo. Bo lapatao̒ mongo pogaweelio olo helo huntulao̒ olio, bolo tio lodudua̒. Tio tilimihulao̒ lonto huta wau lotihuloa̒ to balai-balai.