OLUO MONGO OLONGIA 4:39 - KITABI HABARI MOPIOHE

³⁹ Tala ngota lomongo nabi boito yilumualao̒ ode halabolu mota lopeehu saayori, lapatao̒ tio loo̒dungga pilomulo lohuumayawa wolo bolongga u tohila-hilaalio. Tio lolipu mao̒ hungo lo pilomulo boito odaata-daatalo mao̒, wau dilelolio mai lohualingo. Diila otaawalio hungo wolo uito, tio malo muwo-muwongo wau helo potuwotao̒ ode delomo ulongo boito.

OLUO MONGO OLONGIA 4:39 ပူးပေါင်းရင်းမြစ်များ

ILOOWALI 25:29

Todulahee tuwau tou̒ tei Yako donggo hemotubu sayoli kasa meela, malonao̒ mai tei Esau lonto oa̒alupio. Tio mapilolango.

BOHULO MONGO OLONGIA 6:18

Dingingo meeseli wimbihu delomio ngangaawaa̒lo mao̒ lobele boito yiloludelio wolo ayu woohu Libanon, tilinggula boboo-tuwalo dinggingo meeselilio diila oontonga sama-samaata. Woludio boito hediladai wolo paisaka hungo lolabu wau bubuu-ngawalo hio̒a̒abe.

OLUO MONGO OLONGIA 4:38

Tou̒ wakutu tuwau lotoduo mai baala lo polobiti to ngoilanggubu lipu. Yi tei Elisa luli lohualinga ode Gilgal. Tou̒ tio donggo hemo ngaajali to ngopolemboa̒ nabi, tio lopoa̒hu tamoomayawa olio mota lohama mai ulongo uleidaa̒ wau lotubu mao̒ ua̒alo ode limongolio.

OLUO MONGO OLONGIA 4:40

Tou̒ lolutu mai, tio helo laya-layadeo̒ ode mongo nabi boito. Bo boheli yilamitao̒ limongolio ua̒alo boito, timongolio malo nguatia̒ odelei Elisa, “Paaa̒, utie peedi!” Timongolio diilalo lohuto lolamelo.

POHUMAYA 19:2

O oloohe lou̒ diila opongotota, diila mopiohu; taa u tame-tameo̒ mamohutu totala.

YESAYA 5:4

Wolo poli umusi pohutuo-U̒, bo diipo pilohutu-U̒ ode ilengi lo angguru-U̒ boito? Yilongola hungo molotingo u tilapulio mai, wau diila hungo u mopiohu debo odelo hehalaapuou̒?

YEREMIA 2:21

Yio̒ pilomulo-U̒ debo odelo bungo lo angguru u tilulaotu-U̒ lonto bili ulebe mopiohu. Bo botia yio̒ lobolio̒, lowali pilomulo to hila-hilaalio wau diila ohuna.

MATIUSI 15:13

Ti isa lolametao̒, “Motii̒du pilomulo udiila pilomulo li Paapa-U̒ tosologa mabunggatolo.

IBRANI 12:15

Poo̒dahai diila bolo woluo penu boli ngotaa mao̒ talumualo monto opopiohu hilaa lo Allahu Taa̒ala, alihu diaaluo tamowali debo odelo pilomulo u opedi tohuungi mongoli tilinggula mopotoodei usuukali wau mopoluusa taa dadaata wolo pedilio.