OLUO MONGO OLONGIA 4:27 - KITABI HABARI MOPIOHE

²⁷ Bo tou̒ leidungga mai ode talu lei Elisa, tio losujudu lomola wau longoo̒ode oa̒ato lei Elisa. Tei Gehasi mamopo hinggi olio monteeto, bo tei Elisa loloi̒ya, “Poluliyalo mao̒! Oontonga mao̒ tio suukali daa̒. Bo Eeya diila lopoo̒taa mai wolo-wolo olau̒!”

OLUO MONGO OLONGIA 4:27 ပူးပေါင်းရင်းမြစ်များ

ILOOWALI 18:17

Eeya loi̒loi̒ya todelomo hilao, “Wau̒ diila mohuto hitua-tuawua u sangaja tuuo̒lo to olei Abraham wolo u mapo hutuwo-U̒.

OLUO LO SAMUEL 7:3

Tametao̒ lei Natan, “Pohutuwalo totoonulalo niyati li Baginda, sababu Eeya mamo tulungi mai oli Baginda.”

OLUO MONGO OLONGIA 4:25

Yi malo monggato taabua boito ode Hui̒dee Karmel ode tambati lei Elisa. Monto u molamingo tei Elisa maloo̒onto taabua boito dulu-dulungai. Tei Elisa loloi̒ya mao̒ odelei Gehasi, “Bilohi, ti Ibu lonto Sunem boito dulu-dulungai!

OLUO MONGO OLONGIA 4:26

Aliheo̒olo mota modunggaya wolio wau yintua mao̒ woloolo mola owowoluwoalio ongongaalaa̒.” “Ngoa̒amilalo mopiohe,” ualo taabua boito odelei Gehasi.

OLUO MONGO OLONGIA 6:12

Ngotaalio lomongo polowila boito lolametao̒, “Diaaluo penu boli ngotaa mao̒, Baginda. Ti Nabi Elisaalo taloo̒ sababu mao̒! Tio-tiolo talo potunggula mota odeli olongia lo Isirai̒lu wolo uiloi̒ya li Baginda boito, eleponu uito yiloi̒yaalio todelomo huwali potuluhelo.”

AYUBA 10:1

Wau̒ motolu wau molonuo̒ to tutumuluu̒, yi pilopau̒u opaaa̒to hilaau̒.

POHUMAYA 14:10

Sanangi meaambo suusa tahutahu todelomo hilao; taa wewo diila moo̒duduo̒ molaasa mao̒.

POHUMAYA 18:14

Wolo ilohilao u tumumulo, tau mowali momanta polodutolo; mooli ilohilao boito, mooli olo totoonulalo halaapani.

AMOS 3:7

Eeya Taa Laba-labaalo molanggato diila pee̒enta mao̒ mohutu mai u hi tua-tuawua olo lou̒ diila mopoi̒laalo mai patujuu-Lio ode mongonabi, mongo wato-Lio.

MATIUSI 15:23

Ti Isa diila lolameto sama-samaata ode taabua boito. Tulusi tahidudua̒ li Isa lonao̒ mai ode o-Lio wau lomolohone mao̒, “Paaa̒, pei̒ walingalo mota taabua boito. Tio bo wambao̒ bulu-buluhuto to wuleyanto!”

MATIUSI 20:31

Taa dadaata tawaluo teto maloingo olimongolio wau lei̒ poo̒oyo olimongolio. Bo timongolio lebe loo̒ohuu̒ mola longuatio̒. “Tuani, Walae̒e Dauda, ponua mai mongowatotia!”

MATIUSI 28:9

Debolo ti Isa mai lodunggaya wolo mongobua boito, wau lotahuda mao̒, “Salamu!” Lapatao̒ timongolio malo himbideo̒ o-Lio, tulusi longoo̒de oa̒a-Tio wau lolubo o-Lio.

MARKUSI 10:13

Woluo tau helodelo mai tau̒kekeei̒ odeli Isa alihu Tio modedeta wau mobalakati olimongolio. Bo tahidudua̒ li Isa loingo ode tau-tauwalo boito.

MARKUSI 14:6

Boti Isa lotahuda mao̒, “Hulii mao̒ tio! Yilongola timongoli moposuusa olio? Tio lohutu hitua-tuawua u mopiohu wau mailaba mopiohu ode ola-U̒.

LUKASI 7:38

Tio tilimihula towulea li Isa totili lo oa̒a-Tio, wau hilumoyongo lou̒ helo pobata oa̒ati Isa wolo ponulio. Lapatao̒ oa̒ati Isa piloo̒ hengulio wolo huwoi̒o tulusi diliilio wau bilatalio loinulo moonu.

YAHYA 15:15

Timongoli diilalo tanggula-U̒ wato, sababu wato diila motota wolo u hekalaja lituanilio. Timongoli tanggula-U̒ mai sahabati, sababu ngoa̒amila u dilungohe-U̒ lonto li Paapa-U̒, mapiloo̒taa-U̒ mai olimongoli.

YAHYA 4:27

Tou̒ boito tahidudua̒ li Isa lohualingai. Timongolio lolinggolabu loo̒onto li Isa hemobisala wolo taabua ngota. Bo diaaluo penu boli ngotaa mao̒ limongolio talohintu totaabua boito, “Ti ibu palalu wolo?” meaalo lohintu toli Isa, “Yilongola ti Paaa̒ hemobisala wolo taabua boito?”