OLUO MONGO OLONGIA 4:26 - KITABI HABARI MOPIOHE

²⁶ Aliheo̒olo mota modunggaya wolio wau yintua mao̒ woloolo mola owowoluwoalio ongongaalaa̒.” “Ngoa̒amilalo mopiohe,” ualo taabua boito odelei Gehasi.

OLUO MONGO OLONGIA 4:26 ပူးပေါင်းရင်းမြစ်များ

ILOOWALI 29:6

“Woloolo mola owowoluwoalio?” luli yilintu mao̒ lei Yako. “Piopiohe wambao̒,” tametao̒ limongolio. “Bilohilo, uito walai̒o taabua tai̒lunte Raheli. Tio lonao̒ mai lodelo himbala lobatade wau himba liyamolio.”

ILOOWALI 37:14

Uali paapalio, “Bilohilo mao̒ woloolo mola owowoluwoa lomongo hulangumu wau himbala lobatade wau himba, lapatao̒ muli pohualingai u mopo dulohu olau̒.” Yi pilopo lulilio mola tei Yusu lonao̒ lololaa mao̒ lumbaya lo Hebron. Diila lohiheo lapatio mao̒ tei Yusu malei dungga mola to Sikhem.

ILOOWALI 43:27

Tei Yusu lohintu mao̒ sua̒li owowoluwoa limongolio, lapatao̒ loloi̒ya mao̒, “Timongoli malo hungguli mai to olau̒ pasali li paapamu u mapanggola boito. Woloolo mola owowoluwoalio? Wolo tio piopiohu?”

OLUO LO SAMUEL 18:29

Ti Olongia lohintu mao̒, “Wolo tei Absalom tabohulotau boito loa̒ahu?” Tei Ahimaas lolametao̒, “Baginda, engonti tou̒ watotia yilao mai lei Yoab, watotia loo̒onto tolonggala daa̒, bo diila otaawa lowatotia wolo u lotoduo mai boito.”

OLUO MONGO OLONGIA 4:23

“Yilongola musi monao̒ botia?” yilintu mao̒ lodilelio. “Dulahee botie diila dulahee saabati wau olo diila dulahu buka lo Hulalo Bohu.” “Diila mongola,” tametio mao̒.

OLUO MONGO OLONGIA 4:25

Yi malo monggato taabua boito ode Hui̒dee Karmel ode tambati lei Elisa. Monto u molamingo tei Elisa maloo̒onto taabua boito dulu-dulungai. Tei Elisa loloi̒ya mao̒ odelei Gehasi, “Bilohi, ti Ibu lonto Sunem boito dulu-dulungai!

OLUO MONGO OLONGIA 4:27

Bo tou̒ leidungga mai ode talu lei Elisa, tio losujudu lomola wau longoo̒ode oa̒ato lei Elisa. Tei Gehasi mamopo hinggi olio monteeto, bo tei Elisa loloi̒ya, “Poluliyalo mao̒! Oontonga mao̒ tio suukali daa̒. Bo Eeya diila lopoo̒taa mai wolo-wolo olau̒!”

OLUO MONGO OLONGIA 5:22

Tei Gehasi lolametao̒, “Maa̒apu Tuani, watia ilahula mai mopo tunggulao̒ odeli Tuani deu̒ boheli mola nabi humula duulota leidungga mai lonto madala hihui̒-hui̒dea lo Epraim. Ti Tuani laatia lei̒hile mao̒ alihu ti Tuani mongohi mai tolo lihu doi talaa̒ wau dulo pari pakeyangi u hipiiohe odeli nabi duuloota boito.”

JABURU 39:9

Lopataalo mai watotia monto ngoa̒amila dusa lowatotia, diila mao̒ polulia watotia mowali hantia̒ lotaa abaloolo.

IMAAMATI 10:3

Lapatao̒ tei Musa loloi̒ya mao̒ odelei Haruna, “Ui-uitolo u milakusudu lo Eeya tou̒ Eeya lotahuda mai, ‘Ngoa̒amila tamomaya ola-U̒ musi mohulumati omantali-U̒. Wau̒ mamopo ilaalo mai ololamahu-U̒ ode ngoilanggubu bangusaa-U̒.’ ” Bo tei Haruna wambao̒ lotipoo̒yo.

JAKARIA 2:4

Malai̒kati tabohulio loloi̒ya ode malai̒kati tao̒luolio, “Hua̒a ponao̒lo ode tabohulotau boito, wau polelea mao̒ deu̒ Yerusalemu mao̒dito hutoyoa̒alio wolo manusia wau binatangi tilinggula diila mowali pomongulalo dingingo meeseli topalitio.

WUNGGULI LOMONGO RASULU 15:36

Diila lohiheo lapatio mao̒ tei Paulus loloi̒ya odelei Barnabas, “Duloolo ito muli momilohe mongo wutato tapalacaya li Isa to ngoa̒amila kota tou̒toonu umapilo habariyanto mao̒ tahuda lo Eeya; alihu ito moo̒onto woloolo mola owowoluwoa limongolio.”

BOHULO SEMUEL 17:18

Delowalo olo keju botie mopuulo botu, odeli kamudangi lo pasuukani. Yintua mao̒ woloolo mola owowoluwoa lomongo hulangumu, wau delowa mai bukutiilio ode olau̒ deu̒ yio̒ malo dunggaya woli mongolio wau timongolio todelomo owowoluwoa u mopiohe.

BOHULO SEMUEL 3:18

Lapatao̒ tei Semuel lopoo̒taa mao̒ ngoa̒amilalo boito odelei Eli. Diaaluo penu boli tuwau mao̒ u hiluliilio. Lapatao̒ malo loi̒ya tei Eli, “Tio Eeya, huliaalo mao̒ Eeya mopohutu mai wolo u anggapuo-Lio mopiohe.”