OLUO MONGO OLONGIA 4:25 - KITABI HABARI MOPIOHE

²⁵ Yi malo monggato taabua boito ode Hui̒dee Karmel ode tambati lei Elisa. Monto u molamingo tei Elisa maloo̒onto taabua boito dulu-dulungai. Tei Elisa loloi̒ya mao̒ odelei Gehasi, “Bilohi, ti Ibu lonto Sunem boito dulu-dulungai!

OLUO MONGO OLONGIA 4:25 ပူးပေါင်းရင်းမြစ်များ

BOHULO MONGO OLONGIA 18:19

Botia, Palentailo ngoilanggubu ulipu lo Isirai̒lu mola modunggaya wolaatia tohui̒dee Karmel. Deloa mola olo opato hetuto limo lopulu lota nabi Baal wau opato hetuto lota nabi Dewi Asyera boito u onggosia lodiile li olongia Ijebel!”

BOHULO MONGO OLONGIA 18:42

Lapatao̒ tei Ahab mota lolamelo, wau tei Elia lobotula mola ode yitaato Hui̒dee Karmel. Mola teto tio losujudu lomola wolo bayalio ode huta towolota lohuu̒lio duuduluo.

OLUO MONGO OLONGIA 1:9

Lapatao̒ tio lopoa̒hu polowila ngota wolo limo lopulu lota tahidudua̒ olio mota loheu̒pa olei Elia. Polowila boito lonao̒ mota lapatao̒ loo̒dungga olei Elia donggo hulohuloa̒a tohuludu tuwau, “Wuu, wato lo Allahu Taa̒ala,” ualo polowila boito, “ti olongia lomalentai yio̒ musi motuhuta mola!”

OLUO MONGO OLONGIA 2:25

Tei Elisa lopo tolonga mola lononao̒lio ode hui̒dee Karmel, lapatao̒ luli lohualinga ode Samaria.

OLUO MONGO OLONGIA 4:24

Lapatao̒ tio lopohuli lopolana tokolodai boito, tio loloi̒ya mao̒ ode tamoomayawa olio, “Polinggahe mota kolodai botie alihu teteei̒o molinggahe daa̒; diila mao̒ ilangia linggahio wonu diila ahulau̒.”

OLUO MONGO OLONGIA 4:26

Aliheo̒olo mota modunggaya wolio wau yintua mao̒ woloolo mola owowoluwoalio ongongaalaa̒.” “Ngoa̒amilalo mopiohe,” ualo taabua boito odelei Gehasi.

OLUO MONGO OLONGIA 4:27

Bo tou̒ leidungga mai ode talu lei Elisa, tio losujudu lomola wau longoo̒ode oa̒ato lei Elisa. Tei Gehasi mamopo hinggi olio monteeto, bo tei Elisa loloi̒ya, “Poluliyalo mao̒! Oontonga mao̒ tio suukali daa̒. Bo Eeya diila lopoo̒taa mai wolo-wolo olau̒!”

OLUO MONGO OLONGIA 5:20

tei Gehasi tamoomayawa olei Elisa, mapiki-pikiilangi, “Aa, yilongola tio pilopoluli lonao̒ wau diila lomaayali wolo-wolo? Patutilio tituani laatia mololimo mao̒ wowohi taulo Siria boito! Domi Eeya tatumu-tumulo, watia musi mohilapita mota olio wau moo̒tapu u hitua-tuawua monto olio!”

OLUO MONGO OLONGIA 8:4

Tou̒ boito tei Gehasi tamoomayawa olei Elisa mapilohile li olongia helo hungguli mao̒ totoonulalo moo̒linggolabu u mapilohutu lei Elisa.

YESAYA 35:2

Huta datahu u luasi wau delita mongoa̒be wolo heebatilio, wau hemo deendangi wolo lalaahuwalo wengahu. Ogaagaalio debo odelo hui̒dee Libanon, tinelio debo odelo lumbaya Karmel wau Saron. Yi timii̒du tau mamoo̒onto kawasa lo Eeya, wau odudaa̒ lo Allahu Taa̒alanto.