OLUO MONGO OLONGIA 4:2 - KITABI HABARI MOPIOHE

² “Woloolo mola watia moo̒ tulungi mai oli Ibu?” yilintu mao̒ lei Elisa. “Ti Ibu owolo tobele?” “Watia diila owolo-wolo,” tametao̒ libua boito, “ngopohia bo winulo jaitun ngobuutulu u mooyoto.”

OLUO MONGO OLONGIA 4:2 ပူးပေါင်းရင်းမြစ်များ

BOHULO MONGO OLONGIA 17:12

Ti janda boito lolametao̒, “Domi Eeya tatumu-tumulo, Allahu Taa̒ala tahe tuboo li Paaa̒, watia motadia mai deu̒ watia diila oroti. Watia bo olabu lopale ngoonggomo todelomo manggo, wau ngoi̒di winulo jaitun todelomo buutulu. Watia donggo hemo himoa̒ ayu podiio̒ u potubuwalo balangi ungoi̒di boito, alihu watia wau walao̒ lowatia mowali molamela. Ui-uitolo ua̒alo lamiaatia u pulitio; lapatao̒ uito amiaatia mamohima mao̒ mate wambai̒o.”

OLUO MONGO OLONGIA 2:9

Tou̒ malei dungga mola ode ngotuali, tei Elia loloi̒ya mao̒ odelei Elisa, “Pohileaalo wolo u otohilaamu monto olau̒ tou̒ wau̒ diipo bintao̒ mola lo Eeya wau mololaa mao̒ olemu!” Tei Elisa lolametao̒, “Powarisiyalo mai olaatia kawasa li Paaa̒, alihu watia mowali mobuulota woli Paaa̒.”

OLUO MONGO OLONGIA 4:3

Tei Elisa loloi̒ya mao̒, “Ponao̒lo mota mobulotao̒ buutulu diila otua udaatalio diila o eenggadelio monto mongo tiheedi Ibu.

PILOTIMUA̒TA 4:2

Eeya lohintu mao̒ odelei Musa, “Wolo to uluu̒mu boito?” tametao̒ lei Musa, “Tunggudu.”

MATIUSI 15:34

“Ngoolo botu mao̒ roti tolimongoli?” yilintu li Isa olimongolio. “Pitu,” tametao̒ limongolio, “wau uponula kekeei̒ dengolo botu.”

WUNGGULI LOMONGO RASULU 3:6

Bo tei Petrus loloi̒ya mao̒ olio, “Wau̒ diila odoi sama-samaata. Bo wolo uwoluo to olau̒, uito mawohiu̒ mai olemu: wolo kawasa li Isa Almasi taulo Najaret boito, ponao̒olo!”

2 KORINTUS 6:10

Eleponu hilaa lamiaatia pilopo suukalilio, bo amiaatia laito motiwengahu olo. Oontonga mao̒ amiaatia mosikini, bo amiaatia maloo̒ kaya totaa dadaata. Oontonga mao̒ amiaatia diila owolo-wolo, bo tutuulio tutu amiaatia motolo miliki totoonulalo u hitua-tuawua.

YAKOBUS 2:5

Poo̒toloma mao̒! Mongo wutato taa otolia̒ngo! Taa mosikini todunia botie, tilulaoto Allahu Taa̒ala u mowali taa kaya todelomo iimani. Tau-tauwala boito mamowali ngaalaa̒ umati lo Allahu Taa̒ala debo odelo u pilodanti mai lo Allahu Taa̒ala totaa motolia̒nga o-Lio.