OLUO MONGO OLONGIA 4:16 - KITABI HABARI MOPIOHE

¹⁶ Lapatao̒ ualei Elisa olio, “Taunu talutalu mai, tou̒ debo odelo utie, ti Ibu mamomudua̒ walao̒ unge ngota talolai̒.” “Paaa̒, diila pohimbulo!” ualo taabua boito. “Ti Paaa̒ wato lo Allahu Taa̒ala!”

OLUO MONGO OLONGIA 4:16 ပူးပေါင်းရင်းမြစ်များ

ILOOWALI 17:21

Bo daantiya-U̒ matihutou̒ wolei Isihaka, walau̒mu tamaa potutuo mai li Sara, taunu talutalu mai tanu towakutu debo odelo utie.”

ILOOWALI 18:10

Ngotaalio limongolio loloi̒ya mao̒, “Donggo tio lohula mola poli Wau̒ mamuli mohualingai. Wau tou̒ boito ti Sara dilemu mamoo̒tapu mai walao̒ talolai̒.” To saaa̒ti boito ti Sara donggo dungo-dungohe tohuhebu lo Kema, to wulea lotamu boito.

BOHULO MONGO OLONGIA 17:18

Lapatao̒ uali janda boito odelei Elia, “Wato lo Allahu Taa̒ala, yilongola ti Paaa̒ helohutu mai sua̒li botie ode laatia? Wolo nonao̒ mai li Paaa̒ u loo̒sababu Allahu Taa̒ala mamoe̒elai dusa laatia, tilinggula walao̒ laatia musi mate?”

BOHULO MONGO OLONGIA 17:24

Ti janda boito lolametao̒, “Botia bolo ilotaawa lowatia deu̒ ti Paaa̒ yito wato lo Allahu Taa̒ala wau loi̒ya li Paaa̒ boito memangi otutu lonto Eeya!”

BOHULO MONGO OLONGIA 18:9

Tei Obaja lolametao̒, “Wolo totala laatia tilinggula ti Paaa̒ ohilaa mohudu olaatia odelei Ahab u pateelio mate-mateelo mao̒?

OLUO MONGO OLONGIA 2:19

Dengolo lota talonto Yerikho lonao̒ mai odelei Elisa wau loloi̒ya mao̒, “Paaa̒, debo odelo u iloontonga li Paaa̒ lohihilao, kota botie mopiohe, bo taluhio diila mopiohe wau heloo̒ sababu mongobua tahi ombodaa̒awa, eenggila.”

OLUO MONGO OLONGIA 4:15

“Tianga mai taabua boito,” ualei Elisa. Taabua boito malonao̒ mai wau tilimihulao̒ tohuhebu.

OLUO MONGO OLONGIA 4:17

Bo otutuulo wolo uiloi̒ya lei Elisa. Taunu wumbutio mola, tanu tou̒ wakutu u tutuuwauwa taabua boito malo potutu mai walao̒ talolai̒ ngota.

OLUO MONGO OLONGIA 4:28

Taabua boito loloi̒ya mao̒, “Paaa̒, watia diila mohile walao̒ toli Paaa̒. Mailoi̒ya mai lowatia olo odeli Paaa̒ alihu diila mao̒ pongohi mai halaapani udiila ohuna ode laatia.”

JABURU 116:11

To delomo olilinguu̒ lowatia, “Diaaluo penu boli ngotaa mao̒ tamowali yakiniyalo.”

LUKASI 1:13

Bo malai̒kati boito loloi̒ya mao̒, “Diila oohe, Jakaria! Allahu Taa̒ala malo dungohe dua̒mu. Dilemu ti Elisabet mamopotutu mai walao̒ talolai̒ ngota. Yio̒ musi mongohi mao̒ tanggula olio Yahya.