OLUO MONGO OLONGIA 4:10 - KITABI HABARI MOPIOHE

¹⁰ Mopiohulo ito mohutu mao̒ huwali tuwau u mooyota tobele-belea toitaato belento, wau mopo wimumutao̒ wolo tambati potibalatalo, meja, kadera, wau tohe alihu tio mowali mohuheli teto timii̒du tio monao̒ mai ode olanto.”

OLUO MONGO OLONGIA 4:10 ပူးပေါင်းရင်းမြစ်များ

BOHULO MONGO OLONGIA 17:19

Tei Elia lolametao̒, “Deloa mai walao̒ boito odia mai.” Lapatao̒ tei Elia malohama walao̒ talolai̒ boito lonto oliilolio, wau lodelo mola ode huwali leidaa̒ toitaato, tohuwali upilo tihangata lei Elia. Tei Elia lopo balatao̒ walao̒ boito toitaato tambati hepo tuluhelo,

OLUO MONGO OLONGIA 4:11

Tou̒ dulahee tuwau tei Elisa luli lonao̒ mola ode Sunem. Lapatao̒ tio malo botulaa ode huwaliilio mola lohuheli,

YESAYA 32:8

Bo taa u luuhuru budilio molanjana susuu-aliyaalo u luuhuru wau mohutu mao̒ u luuhuru olo.

MATIUSI 25:40

Ti Olongia boito mamo lametai, ‘Ototai mao̒: tou̒ timongoli mohutu mao̒ sua̒li boito, eleponu ode tala ngota lomongo wutatu-U̒ taahina daa̒, boliilio mao̒ timongoli malohutu uito ode ola-U̒!’

MARKUSI 9:41

Poo̒toloma mao̒! Taa mongohi uilumolo olimongoli masababu timongoli hidudua̒ Olongia Tamoo-poa̒ahua, tio tantu mamo lolimo wuupalio.”

LUKASI 8:3

ti Yohana olo, dile lei Khuja, pogawee lobele biluloa̒ saaha lei Herodes; ti Susana, wau donggo dadaata mongobua wewo. Wolo onggosi limongolio lohihilao, timongolio helomantu li Isa wau tahidudua̒ o-Lio.

ROMA 12:13

Tulungii mao̒ mopotuheta upalaluo lotau-tauwalo Nasara wewo wau tolimoa mao̒ mongo wutato ngoi̒imani tadiila otaawa lo Wutato, wolo hilaa sanangi todelomo bele limongoli.

IBRANI 10:24

Wau mamusi ito mopoo̒ tutuuwoto, alihu ito mowali mohuhuuntula u motolia̒ngo ngota timongota wau mohutu susuu-aliyaalo u mopiohe.

IBRANI 13:2

Diila mao̒ popanggu mololimo tau tobelemu tau-tauwalo tadiipo otaawa limongoli. Sababu wolo mohutu u odito, pee̒enta woluo tau, lou̒ diila ilolaa-sawalio, malo lolimo malai̒kati tobelelio.