OLUO MONGO OLONGIA 4:1 - KITABI HABARI MOPIOHE

¹ Tou̒ dulahee tuwau janda lonto ngotaalio lo nabi lonao̒ mota odelei Elisa wau loloi̒ya mao̒, “Paaa̒, dile lowatia mailate! Wau otaawa li Paaa̒ deu̒ tio olo ngotaalio lotaa u modungohe to Allahu Taa̒ala, bo tio o biloli to tahingota-ngotawa. Botia tau boito lonao̒ mai lohama walao̒ watia duduulota wau timongolio he pilopowaliilio wato, odelo pomaayali biloli todile lowatia tamailate.”

OLUO MONGO OLONGIA 4:1 ပူးပေါင်းရင်းမြစ်များ

ILOOWALI 22:12

“Diila mao̒ pongongota walao̒ boito meaalo pongo-pongolawa tio,” tahuda mai lo Eeya loli malai̒kati boito. “Botia maa ilotaawa-U̒ deu̒ yio̒ mohulumati wau modungohe ola-U̒, sababu yio̒ diila lotouli u mohudu mai walau̒mu ode ola-U̒.”

BOHULO MONGO OLONGIA 18:3

Sababu uito tei Ahab lotianga olei Obaja u mai lotaalua. (Tei Obaja yito tau̒wa lobele lou̒ ngaalaa̒ lo bele biluloa̒ saaha li olongia. Tio ngotaalio lotaa tio̒otutua hemo ibaadati to Eeya.

BOHULO MONGO OLONGIA 20:35

To palenta mai lo Eeya, ngotaalio lo nabi towolota lo ngopolemboa̒ nabi helo poa̒hu tamaniilio momate mao̒ olio. Bo tamaniilio boito diila lohuto.

OLUO MONGO OLONGIA 2:15

Talimo lopulu lota nabi to Yerikho boito loo̒onto olio, tulusi malo loi̒ya, “Kawasa lei Elia malo limbatao̒ odelei Elisa!” Timongolio lotahudei olio tulusi losujudu lomola totalulio,

OLUO MONGO OLONGIA 2:3

Ngopolemboa̒ lonabi tahi biluloa̒wa mota teeto lodunggaya wolei Elisa wau lohintu mao̒, “Wolo otaawamu deu̒ todulahee botie ti tuanimu mamololaa mao̒ olemu sababu mabintao̒ mola lo Eeya?” “Ooo̒, otaawa laatia,” tametao̒ lei Elisa. “Bo sambelolo, sambelo ito mobisala pasali leeto.”

OLUO MONGO OLONGIA 2:5

Ngopolemboa̒ lonabi tahi biluloa̒wa mota teto lodunggaya wolei Elisa wau lohintu mao̒, “Wolo otaawamu deu̒ todulahee botie tituanimu mabintao̒ mola lo Eeya Allahu Taa̒ala wau mamololaa mao̒ olemu?” “Ooo̒, otaawa laatia,” tametao̒ lei Elisa, “Bo sambelolo, sambelo ito mobisa pasali leeto.”

OLUO MONGO OLONGIA 2:7

wau limo pulu lota nabi tahidudua̒ olimongolio. Lapatao̒ tei Elia wolei Elisa lohuheli tobiihu dutulaa, wau talimo lopulu lota nabi boito hutihula diila ngoolo mao̒ lamingio lonteeto.

OLUO MONGO OLONGIA 4:38

Tou̒ wakutu tuwau lotoduo mai baala lo polobiti to ngoilanggubu lipu. Yi tei Elisa luli lohualinga ode Gilgal. Tou̒ tio donggo hemo ngaajali to ngopolemboa̒ nabi, tio lopoa̒hu tamoomayawa olio mota lohama mai ulongo uleidaa̒ wau lotubu mao̒ ua̒alo ode limongolio.

OLUO MONGO OLONGIA 6:9

Bo tei Elisa lolao mota habari odeli olongia lo Isirai̒lu u lopoe̒ela olio alihu diila mao̒ monao̒ ode tambati boito, sababu tau-tauwalo Siria biasaalio hemolibaya molinto.

NEHEMIA 10:31

Wonu bolo woluo bangusa deli taa ohilaa mopotali lopale meaambo penu boli wolo ode olami to dulahu Saabati meaalo to dulahu mantali wewolio, ami diila tamotali mao̒. To timii̒du taunu u opitulio, ami diila tamokalaja halabolu wau diila tamolagi biloli.

NEHEMIA 7:2

Pamalenta kota lo Yerusalemu yiluduu̒ mao̒ ode wutatuu̒ Hanan wau odelei Hananya, eyaanggu lo biintengi sababu tio lebe mao̒ wolo taa wewo, moohe to Allahu Taa̒ala wau mowali palacayaalo.

JABURU 103:11

Bo ngoilanggato hulungo toitaato dunia, ngou̒daa̒ uito ponu lo Eeya ode taa u saale.

JABURU 103:17

Bo Eeya debo momonu mai taa usaale, opopio-Hio pohu pohutu wawaalia mola

JABURU 115:13

Eeya mamo balakati mai tau-tauwalo tahisaalea, mopio kikiio̒ meaambo leidaa̒.

JABURU 147:11

Eeya sanangi totaa u saale, totaa u debo hemo tiwunela toponu lo Eeya.

POHUMAYA 22:7

Taa mosikini tokawasa lotaa kaya; taa u mobuloto tokawasa lotaa mopobulotao̒.

TAMOO-HUTUBAWA 12:13

Lapatao̒ ngoa̒amilalo pilikiiliu̒ mola lopio-lopiohulo mao̒ u lolantu, uti-utieelo pulito lohuhaama u lotapuu̒. Poohelo mola to Allahu Taa̒ala wau dungohilo totoonulalo palentaa-Lio, sababu bo u woleeto boitolo manusia pilowali mai lo Eeya.

TAMOO-HUTUBAWA 8:12

Eleponu ngohetuto u moleeto pohutuo lo ngotaalio odusa, tio debo tumutumulo tumbao̒ hayahaya umululio. Tanu, tatoonu taa modungohe to Allahu Taa̒ala, tantu tutumulio gaambangi ngoa̒amilalo.

YESAYA 50:1

Eeya lotahuda mai ode Isirai̒lu, “Wuu umati-U̒ Isirai̒lu, to lantobumu Wau̒ lopolontulo olemu debo odelo ngotaalio lodile talolai̒ lopolontulo dilelio? Wonu odito, tou̒toonu tuladu talakilio? To lantobumu Wau̒ lopotali olemu, debo odelo tiyamo ngota lopotali lowalai̒o ode tamootagia biloli? Diila! Yio̒ tilawolo wau pilolayahu, sababu dusa wau ololeetumu lohihilao!

YEREMIA 34:14

Wau̒ lotahuda mai deu̒ ngoa̒amila wato lo Ibrani tamalomaya wolomo taunu mola hiheolio, musi lopatolo to pulito lotaunu opitulio. Bo loluuhurumu diila lohuto lopoo̒tuoto meaambo lodungohu wolo u tilahudaa-U̒ mai boito.

IMAAMATI 25:48

yi taulo Isirai̒lu boito debo ohaku u motolotao̒. Ngotaalio lo wutatio talolai̒,

MALEAKHI 3:16

Lapatao̒ tau-tauwalo tahi woohea to Eeya loloi̒ya ngota timongota. Eeya lodungohe wau lopoo̒tuoto wolo uiloi̒ya limongolio. Tau-tauwalo tahipo hulumatia o-Lio wau moohe to Olio, tiluladu mao̒ tanggulio todelomo buku daputali tuwau uwoluo totalu-Lio.

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

MATIUSI 18:25

wau diila loo̒bayali biloliilio. Oditolio ti olongia boito malei̒ potali mao̒ wato boito pee̒-pee̒enta wolo walai̒o wau dilelio taabua, wau ngoa̒amila milikiilio u pomayali biloliilio.

MATIUSI 18:30

Bo wato boito diila lohuto. Bolii̒o mao̒, tio bo malo potuwoto olio ode delomo tutupa tunggula tio loo̒ bayali biloliilio.

MATIUSI 18:35

Ti Isa lopoo̒ pulitao̒ silitaa-Lio wolo tataa-heyaalo botie, “Odito olo ti Paapa-U̒ tosologa mopohutu mai olimongoli ngota-ngota, wonu timongoli diila mongambungu wutatumu wolo ihilasi.”

WUNGGULI LOMONGO RASULU 13:26

Mongo wutato wali mai lei Abraham, wau ngoa̒amila Mongo wutato tawewolio tewe tamo dungohe to Allahu Taa̒ala! Allahu Taa̒ala malolao mai ode olanto habari u mopoa̒ahu boito;

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

WAHI 15:4

Tatoonu tadiila moohe to Eeya, yaa Eeya? Tatoonu tadiila mohuto mopo habari odudaa̒ Eeya? Eeyaalo wambai̒o tamantali. Totoonulalo bangusa mamonao̒ mai molubo Eeya, sababu totoonulalo huhutu lo Eeya u aadili maa i̒loontonga lotaa ngoa̒amila.”

WAHI 19:5

Lapatao̒ dungo-dungohei lonto tambati huhuloa̒ li olongia boito suala u loloi̒ya, “Pujiaalo Allahu Taa̒ala, wuu ngoa̒amila wato lo Allahu Taa̒ala, wau ngoa̒amila tau – udaa̒ wau kikiio̒ – tamolubo Allahu Taa̒ala!”

RUT 1:3

tei Elimelekh yilate. Oditolio bolo ti Nao̒mi wolo walai̒o duulota taleitolaa.

BOHULO SEMUEL 22:2

Wau olo tau-tauwalo tahi deehea, taa obiloli, wau taa lolaasa diila ilolulia lohilao, ngoa̒amilalo helo paanggala wolei Dauda, wau tei Dauda lowali tau̒wa limongolio. Jumulaa lo tahidudua̒ olei Dauda tanu wopato hetuto lota.