OLUO MONGO OLONGIA 3:4 - KITABI HABARI MOPIOHE

⁴ Ti Olongia Mesa lonto Moab obibiahe himba. Odelo pomaayali beya odeli olongia lo Isirai̒lu, timii̒du taunu tio hemongohi mao̒ ngohetuto lihu walao̒ himba wau olo lambuto himba monto ngohetuto lihu himba ulai̒.

OLUO MONGO OLONGIA 3:4 ပူးပေါင်းရင်းမြစ်များ

ILOOWALI 13:2

Tei Abram kaya daa̒; tio ohimba, batade, sapi, wau olo talaa̒ wau hulawa.

OLUO LO SAMUEL 8:2

Tei Dauda olo lopoo̒laaheo̒ taulo Moab. Ilahulalio timongolio lotibalata tohuta, lapatao̒ hepilatelio yila-yilateelo mao̒ duulota to wolota lotimii̒du toulota. Oditolio, taulo Moab malo taa̒aluku to olei Dauda wau helo mayali mao̒ doi hulawa uwajibu pomayali olio.

OLUO LO SAMUEL 8:6

Lapatao̒ tei Dauda malo potihulao̒ kekee-mawaala lo suludadu tomadala limongolio, wau timongolio lotaa̒aluku boli helo mayali doi hulawa uwajibu pomayali olio. Eeya helo poo̒haama olei Dauda penu boli tou̒toonu tio mopaatea.

BOHULO TAWARI 18:2

Tei Dauda olo lopoo̒laaheo̒ taulo Moab tilinggula timongolio taa̒aluku wau helo maayali doi hulawa uwajibu pomayari olio.

OLUO TAWARI 26:10

Tio olo helomongu momoo-nalawaalo obiintengi tomadala huta udatahu wau luasi, wau helo ngau̒de dadaata ali sababu bibiahio dadaata daa̒, mopio todatahu lailaio̒ meaambo todatahu moopa to ambahu otolopa. Sababu tio odito hemo poo̒tuota tosua̒li pomeengilalo, yi tio helo pokalaja mao̒ tau dadaata u lomuo̒ ii̒i-lengiyalo angguru tomadala hihui̒-hui̒dea, wau helo kalaja mao̒ huta to mamaa-dalawaalo u molomiodu.

AYUBA 1:3

Wewolio mao̒ leeto tio owato dadaata, pitu lolihu himba, tolo lihu unta, ngolihu sapi, wau limo lohetuto kolodai. Limbui̒o mao̒, tio yito taa ulaba-labaalo kaya to wolota lo ulipu tomadala wimbihu Tiimuru.

AYUBA 42:12

Tei Ayuba bilarakati mai lo Eeya wolo diila o eengadelio todelomo labito tutumulio, wolo maasa tou̒ tio diipo heloo̒ toduo mai marapo. Tei Ayuba helo tolomiliki mopulaa pato lihu batade himba, wolomo lihu unta, dulolihu sapi, wau ngolihu kolodai.

JABURU 60:8

Monto potibiluloa̒ lo Eeya umantali Allahu Taa̒ala lotahuda mai, “Watia ohilaa motingalaa̒ meengahu wau molaya-layadeo̒ huta lo Sikhem; Lumbaya Sukot mau̒ndiyo-U̒.