OLUO MONGO OLONGIA 3:19 - KITABI HABARI MOPIOHE

¹⁹ Ngoa̒amila kota limongolio u obiintengi wau hipiiohe mapo loohubuo limongoli; ngoa̒amila bungo lo ayu u hipomungoa matiboto limongoli, ngoa̒amila butu lotaluhu pambola limongoli, wau ngoa̒amila halabolu limongolio u molomiyodu mapai̒o limongoli wolo botu tunggula moruusa sama-samaata.”

OLUO MONGO OLONGIA 3:19 ပူးပေါင်းရင်းမြစ်များ

ILOOWALI 21:19

Lapatao̒ Allahu Taa̒ala malohutu oli Hagar loo̒onto wolo mopatato, tilinggula iloontongalio ali tuwau. Yi lonao̒lo tio tulusi loluangao̒ bututu lowalito boito wolo taluhu, lapatao̒ pileelulio walai̒o.

OLUO MONGO OLONGIA 13:17

Lapatao̒ lutuuu̒de wolo palenta linabi boito, ti olongia lomuo̒ mao̒ tutulowa u talutalu ode Siria. “Pomanawaalo mota panamu!” palenta mao̒ lei Elisa. Lolamemeto lapatio mao̒ ti olongia lopomana mota pana boito, tinabi boito longiibode, “Yio̒olo pana lo Eeya. Wolo pana boito Eeya mamopo olaaheo̒ Siria. Yio̒ mamopaatea moluwali taulo Siria to Apek tunggula yio̒ moo̒laaheo̒ olimongolio.”

OLUO MONGO OLONGIA 3:25

wau helopo aantulu kokoo-tawaalo limongolio. Timii̒du halabolu u molomiyode uilaode limongolio, hepilai̒ limongolio wolo botu. Pulitio mao̒ ngoa̒amila halabolu leipambolo wolo botu. Tau-tauwalo Isirai̒lu olo helo mambolao̒ ngoa̒amila butu lotaluhu wau lotibotao̒ bubuu-ngowaalo ayu moomungoa. U leitolaa bo kota Kir-Hareset wambao̒, tiilo lokota Moab. Pulitio mao̒ boli kota boito olo bilalaa wau pilai̒ lobotu lotahi pomai̒yawa wolo tali u tiluanga botu.

YIA̒APO 24:17

Iloontongau̒ tio, bo diila botia; tilontongau̒ tio, monto u molamingo. Ngotaalio li olongia lonto Isirai̒lu asaliilio mai, mamei dungga odelo binatangi motinelo laba-labaalo mobaango. Mongo tau̒wa lo Moab mapo woomuolio bangusa Set maa antuluolio.

MONGO HAKIMU 6:16

“Tantuulo yio̒ mowali!” tahuda lo Eeya, “Sababu Wau̒lo tamaa momantumu. Tau-tauwalo Midian mamowali antuluwomu mao̒ wolo gambangi, debo odelo yio̒ bo motaalua wolo ngotaalio wambao̒.”

BOHULO SEMUEL 15:3

Oditolio, ponao̒lo wau tuhuwalo taulo Amalek wau antulua mao̒ ngoa̒amila miliki limongolio. Diili mao̒ tolai penu boli wolo wambai̒o; pateaalo mate-meteelo mao̒ ngoa̒amila mongo lolai̒, mongobua, tau̒kekeei̒ wau tau̒nge; wau olo sapi, himba, unta wau kolodai.”

BOHULO SEMUEL 23:2

Lapatao̒ malohintu tio ode Eeya, “Ambunguolo wolo watotia patuti mota moluhu taulo Pilistin?” “Ooo̒,” tametai lo Eeya, “tuhuwalo timongolio wau poa̒ahua mao̒ ulipu lo Kehila.”