OLUO MONGO OLONGIA 3:18 - KITABI HABARI MOPIOHE

¹⁸ Lapatao̒ ualei Elisa wumbutio mola, “Bo uito bo palakala kikiio̒ wambai̒o to Eeya. Eeya mamongohi mai olimongoli u moo̒haama totau-tawala lo Moab.

OLUO MONGO OLONGIA 3:18 ပူးပေါင်းရင်းမြစ်များ

OLUO LO SAMUEL 7:19

Tumbao̒ Eeya helohutu mai lebe mopioheo̒ leeto, yaa Eeya Taa Laba-labaalo molanggato; Eeya malodanti mai tomimbihu wali mola lo watotia tomaasa udungga-dungga mai. Wau pilopo bilohei lo Eeya sua̒li boito ode watotia, eleponu watotia bo manusia wambao̒, yaa Eeya Taa Laba-labaalo molanggato!

BOHULO MONGO OLONGIA 16:31

Diipo lotuuheta to olio olo tilumumula ilodusa debo odelo ti Olongia Yerobeam, tio tumbao̒ lonika woli Isebel walai̒ Olongia Etbaal lonto Sidon, wau tio helo ibaadati to Baal.

BOHULO MONGO OLONGIA 20:13

Tou̒ boito, ngotaalio lonabi lonao̒ mota odeli Olongia Ahab wau loloi̒ya mao̒, “Eeya lotahuda mai: ‘Iloontongamu suludadu dadaata boito? Wau̒ mamongohi olemu u moo̒haama toli mongolio todulahee botie. Yio̒ mamotota mao̒ deu̒ Wau̒lo Eeya.’ ”

BOHULO MONGO OLONGIA 20:21

Ti Olongia Ahab olo pee̒-pee̒enta ode tambati lo popaatea lapatao̒ helo poa̒antulu mao̒ kakaa-letaala lo popaatea wau helomate yila-yilateelo mao̒ wawaa-dalaalio. Todulahee boito taulo Siria he ilolaahelio laba-labaalo.

BOHULO MONGO OLONGIA 20:28

Lapatao̒ malonao̒ ngotaalio lonabi odeli Olongia Ahab wau loloi̒ya mao̒, “Uti-utieelo u pilotahuda mai lo Eeya: ‘Sababu tau-tauwalo Siria boito helo lantobu deu̒ Wau̒ bo okawasa to hihui̒-hui̒dea wau diila todatahu moopa, yi Wau̒ mamongohi olemu u moo̒hama olemu to suludadu limongolio talaba-labaalo daatalio boito. Yio̒ wau ulipumu mamotota mao̒ deu̒ Wau̒lo Eeya.’ ”

BOHULO MONGO OLONGIA 3:13

Tumbao̒ wolo udiila pilolohemu olo mawohi-U̒ mai olemu: ngotupa lo tutumulumu yio̒ mamowali kaya wau hurumatiolio mongilabotao̒ woli olongia wewo penu boli tou̒toonu.

OLUO MONGO OLONGIA 20:10

Ualei Hiskia, “U mohutu mao̒ bayahe boito maju mopuulo pilito, gaambangi wambai̒o. Sababu uito pohutuwalo mao̒ tio tumouli mopuulo pilito.”

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 7:13

Lapatao̒ ti Nabi Yesaya loloi̒ya mao̒, “Wonu odito, dungohilo wuu wali mai li Olongia Dauda! Tingga diila motuuheta timongoli motesi osaabari lomanusia, tilinggula timongoli motesi olo osaabari lo Allahu Taa̒alau̒?

YEREMIA 32:17

“Yaa Eeya Taba-labaalo kawasa, Eeyaalo talopowali hulungo wau dunia wolo kawasa wau omaambo lo Eeya udaa̒. Diaaluo mao̒ penu boli hitua-tuawua u mototolo to Eeya.

YEREMIA 32:27

“Wau̒ulo Eeya, Allahu Taa̒ala lotaa ngoa̒amila. Diaaluo u mototolo ode Olau̒.

YEHESKIEL 8:17

Eeya lotahuda mai odelaatia, “Wuu manusia panaa, tingga iloontangamu uito? Tau-tauwalo Yehuda botie diila molaasa sanangi wonu bo mohutu susuu-aliyaalo u moo̒olonua̒ boito wau mohutu mao̒ ngoa̒amila huhutu u diila omanusia to ngoilanggubu lipu. Timongolio tumbao̒ hipohuta ngoa̒amila boito tewe, todelomo Bele-U̒ wau helohutu ola-U̒ lebe muluka poli. Bilohilo woloolo mola timongolio helohina ola-U̒ wolo dudelo ulaba-labaalo kootolo botie!

MARKUSI 10:27

Ti Isa lomiloheo̒ olimongolio wau lolameto, “To manusia uito pongalo aakali, boto Allahu Taa̒ala uito diila pongalo aakali; ngoa̒amila mowali duo̒lo Allahu Taa̒ala.”

LUKASI 1:37

Sababu ode Allahu Taa̒ala diaaluo u diila pongalo aakali.”

EPESUS 3:20

Wolo kawasa lo Allahu Taa̒ala u moo̒lohe mokalaja todelomo batanganto, Allahu Taa̒ala mowali mohutu mai lebe dadaata daa̒ lou̒ wolo umowali pohilento mola meaalo pikiiliyolo.