OLUO MONGO OLONGIA 3:12 - KITABI HABARI MOPIOHE

¹² “Otutu! Eeya memangi helo tahuda mai lotimbulude olio,” uali Olongia Yosapat. Yi malonao̒ mota olongia toulota boito odelei Elisa.

OLUO MONGO OLONGIA 3:12 ပူးပေါင်းရင်းမြစ်များ

OLUO MONGO OLONGIA 2:21

Lapatao̒ malonao̒ tei Elisa ode butu lotaluhu tulusi lolapi mao̒ watingo boito ode delomo taluhu wau loloi̒ya, “Uti-utieelo u tilahuda mai lo Eeya: ‘Wau̒ mopo tolango taluhee botie alihu diilalo moo̒sababu opopate meaambo eenggila!’ ”

OLUO MONGO OLONGIA 3:11

Ti Olongia Yosapat lohintu mao̒, “Wolo tewe diaaluo nabi tamowali pohintuwalo to Eeya ode olanto?” Tala ngota lo polowila lonto suludadu li Olongia Yoram lolametao̒, “Woluo tei Elisa walae̒e Sapati! Tio muloololio mai tamoomantua olei Elia.”

OLUO MONGO OLONGIA 3:13

“Yilongola mei̒ tulungi olaatia?” ualei Elisa odeli olongia lo Isirai̒lu. “Ponao̒lo mota ode mongo nabi lomongo dulaa̒ limongoli!” “Diila!” ualei Yoram, “Sababu Eeyaalo talo lanjana mai u mohudu olamiaatia toulota odeli olongia lo Moab!”

OLUO MONGO OLONGIA 5:15

Lapatao̒ tio wau ngoa̒amila tahidudua̒ olio luli lohualinga mota odelei Elisa. “Botia mailotaawa laatia,” ualei Naa̒man odelei Elisa, “deu̒ to ngoilanggubu dunia bo woluo ngota Allahu Taa̒ala, deu̒yito-yito Allahu Taa̒ala tahe tuboo lotau Isirai̒lu. Sababu uito, potala ti Tuani mololimo mao̒ wowohi monto olaatia.”

YESAYA 49:23

Mongo olongia madebo odelo tiyamo de olemu, wau mongo olongia taabua odelo tiilo. Timongolio mamosujudu mohulumati olemu wau motidupapa batanga to talumu. Yi mao̒taawamu deu̒ Wau̒ulo Eeya; taa u motiwunela to Olau̒ diila pokikio̒lio to hilao.”

YESAYA 60:14

Mongo walao̒ tamoodeehea olemu monao̒ mai mosujudu, tapee̒enta helohina olemu mataa̒aluku, yio̒ mau̒nteelo ‘Kota lo Eeya’, ‘Sion, Kota Allahu Taa̒ala Mantali lo Isirai̒lu’.

YEREMIA 37:17

Lapatao̒ ti Olongia Jedekia lopoa̒hu tau lodelo olaatia lotaalua wolio tobele biluloa̒ saaha li olongia. Mota teto lou̒ depudepuhu tio lohintu olaatia wolo woluo tahuli lonto Eeya. “Woluo,” tametao̒ lowatia. Lapatao̒ diluhengao̒ lowatia, “Ti baginda mawuduolio odeli olongia lo Babel.”

WAHI 3:9

Poo̒toloma mao̒ utie: Tau-tauwalo talowali umati lo Ibilisi boito, mohimbuloa, tahi pongakua batangalio Yahudi lebe-lebe pomao̒ diila, mapo hutuwo-U̒ tilinggula timongolio mai mosujudu totalumu. Wau mao̒taawa mao̒ limongolio deu̒ Wau̒ momonu olemu.