OLUO MONGO OLONGIA 24:3 - KITABI HABARI MOPIOHE

³ Memangi sua̒li boito musi motoduo mai, sababu Eeya malo tahuda deu̒ bangusa lo Yehuda matapilola monto lipu uiludu mai lo Eeya olimongolio. Timongolio tapilola sababu totoonulalo dusa u hepilohutu li Olongia Manasye;

OLUO MONGO OLONGIA 24:3 ပူးပေါင်းရင်းမြစ်များ

ILOOWALI 50:20

Timongoli malo woomboa helohutu u moleeto ode laatia, bo Allahu Taa̒ala lolomela u moleeto boito lowali u mopiohe, alihu wolo u lotoduo muloololio mai boito dadaata tau tahitimula botia mowali poa̒ahuwolo.

OLUO MONGO OLONGIA 17:18

tilinggula Eeya lomuluka daa̒ olimongolio wau diilalo helo poo̒tuotai olimongolio; uleitolaa mao̒ bolo bele biluloa̒ saaha li olongia lo Yehuda.

OLUO MONGO OLONGIA 17:20

yi Eeya diilalo lotolongaku mao̒ ngoa̒amila umati lo Isirai̒lu. Tio lohukuumani mai wau helohudu olimongolio ode mumuu-suuwaalo limongolio tadiila omanusia. Tio diilalo lopoo̒ tuotai olimongolio, tumbao̒ lopo layeheo̒ olimongolio lonto huta uilohi-Lio mai ode limongolio.

OLUO MONGO OLONGIA 17:23

tilinggula pulitio Eeya diilalo lopoo̒ tuotai olimongolio, bo lopolayahe mota olimongolio lonto huta uilohi-Lio olimongolio. Uito lotoduo tutuuu̒de wolo poe̒ela uilohi mai lo Eeya ode limongolio lotimbulude tomongo wato-Lio, wau mongo nabi. Odi-odieelo mola taulo Isirai̒lu hepilo layahio mota ode Asyur, wau mota teteetolo timongolio lotibiluloa̒ tunggula todulahee botie.

OLUO MONGO OLONGIA 18:25

Helantobu limongoli deu̒ ami moluhu wau mopoo̒laaheo̒ lipumu lou̒ diila bantua mai lo Eeya? Eeya wambai̒o talo poa̒hu mai olami u moluhu wau mopoa̒ntulu mao̒!”

OLUO MONGO OLONGIA 21:16

Ngopohia helohutu mao̒ taulo Yehuda ilodusa to Eeya wolo hipolubowa balaahala, tei Manasye olo helomate yila-yilateelo mao̒ taa dadaata daa̒ tadiila ototala tilinggula duhulio tilumulohe ode utoomulalo mao̒ to Yerusalemu.

OLUO MONGO OLONGIA 24:20

Eeya lomuluka daa̒ to ulipu lo Yerusalemu wau taulo Yehuda tilinggula Eeya diilalo helo poo̒tuotai olimongolio.

OLUO TAWARI 24:24

Suludadu lo Siria bo ngoi̒di wambao̒ jumulaalio, bo Eeya lopoluli mao̒ olimongolio helo poo̒laaheo̒ suludadu lo Yehuda ulebe dadaata daa̒ jumulaalio, sababu taulo Yehuda diila helo mandungi to Eeya Allahu Taa̒ala loluuhuru limongolio. Wolo dudelo boito Eeya lohukuumani mai oli Olongia Yoas.

OLUO TAWARI 25:16

“Poo̒oyo mola,” ualio mao̒ lei Amajia, “Wonu diila, patee lami yio̒ mate-mateelo mao̒! Diila pee̒enta mao̒ ami lomudua̒a olemu lowali tamoo-nasehatia oli olongia!” Yi lotipoo̒oyo lomola tinabi boito, bo tou̒ dipo-dipolulio mai tio donggo loo̒bisala mao̒, “Botia ilotaawa mao̒ lowatia deu̒ Allahu Taa̒ala malolantu mai u mopobinasa oli Baginda sababu huhutu li Baginda boito, wau sababu ti Baginda diila lomandungi nasehati lowatia.”

PILOTIMUA̒TA 20:5

Diila mao̒ polubo bui̒ debo odelo uito, sababu Wau̒lo Eeya Allahu Taa̒ala limongoli, wau Wau̒ diila motohilaa potutuu-wauwolo penu boli wolita. Tau-tauwalo tahi polonua̒wa ola-U̒, hukuu-maniyo-U̒ demola wali otolulio wau opatio.

YESAYA 45:7

Wau̒ulo talopowali mai u mobaango wau u modio̒lomo, Wau̒ lopodungga mai balakati wau baala. Wau̒ulo Eeya talohutu mai ngoa̒amilalo boito.

YEREMIA 32:31

Tumulalo mai kota botie bilongu, ulipulio maloo̒hutu ola-U̒ lomuluka daa̒. Wau̒ malolantu mai u mopobinasa mao̒,

YEREMIA 52:28

ngoa̒amilalo woluo wopato lihu wolomo hetuto lota. Tei Nebukadnejar helomintaa̒ olimongolio todelomo polemboa̒ debo odelo odie mola: tolo lihu dulo pulaa toulota to taunu opitulio pamalentaalio, walu lohetuto tolo pulaa duulota lonto Yerusalemu totaunu opulaa walu pamalentaalio, wau pitu lohetuto wopato pulaa limo lota bilintai̒o lei Nebujaradan totaunu odulo pulaa totolu pamalenta lei Nebukadnejar.

YEHESKIEL 22:3

Eeya Taa Laba-labaalo molanggato lopoa̒hu mai olaatia lopo tunggulai tahuli botie ode Yerusalemu, “Yio̒ ototala sababu malomate yila-yilateelo mao̒ dadaata ulipumu lohihilao, wau malo ponajisi batangamu wolo lolubo babaa-laahalaalo huhutuumu lohihilao. Sababu uito wakutu pomutoa̒alo olemu maleembidei wau hikaayatimu hua̒a mopulito. Yio̒ poluli-U̒ mao̒ mowali pohentea̒a wau poi̒ii̒ya lo babaa-ngusawalo wau mgoa̒amila lipu.

YEHESKIEL 24:6

Eeya Taa Laba-labaalo molanggato lotahuda mai, “Matopotala kota u polupolu wolo tamoomatea mate-mateelo mao̒ boito! Kota boito debo odelo ulongo otaato u diila pee̒enta mao̒ ilii̒ita. Tapu u woluo to delomio yiluwalio ngoo̒longo domi ngoo̒longo tunggula diaaluo penu boli tuwau mao̒ u leitolaa.

AMOS 3:6

Wolo taa tokota diila hulu-huluhelio moo̒dungohe tingohu torompeti tuoto lo popaatea? Tingga mowali kota tuwau otuhata lobaala, wonu Eeya diila molao mai?

MIKHA 2:10

Pobongulo wau ponao̒; teewe diilalo aamani. Dusaamu maloo̒ toduo mai baala hidala-dalaala u moo̒tihela hapato ode yitaato tambati botie.

TINGULI 28:63

Debo odelo Eeya sanangi mongohi mai u maa̒amulu ode limongoli wau moduhengai jumulaa limongoli, Tio masanangi mopobinasa wau mopo loolopu olimongoli. Timongoli mainggilolio monto lipu udiilalo mohiheo potibiluloa̒ limongoli.

TINGULI 29:28

Omuluka lo Eeya lobutuulo mola wolo wali-walihuhu, wau todelomo omulukaa-Lio uleidaa̒ Tio lomahutao̒ bangusa lo Isirai̒lu lonto huta limongolio wau lopolayahe mola ode lipu deli tilinggula timongolio woluo mola teto.’

YOSUA 23:15

Bo debo odelo woloolo mola Tio moe̒elai timii̒du danti-Lio ode limongoli, odito olo Tio tantu mamoponao̒ timii̒du aanjamu-Lio olimongoli.