OLUO MONGO OLONGIA 24:2 - KITABI HABARI MOPIOHE

² Eeya helolao mai mongo woomboa otingolo lonto bangusa lo Babel, Siria, Moab wau Amon u loluwali olei Yoyakim wau helo pobinasa Yehuda, lotuuu̒de lou̒ wolo u mapilo tahuda-Lio mai lotimbulude tomongo nabi mongo wato-Lio.

OLUO MONGO OLONGIA 24:2 ပူးပေါင်းရင်းမြစ်များ

OLUO MONGO OLONGIA 20:17

mamei dungga wakutuulio totoonulalo okokaya todelomo bele biluloa̒ saaha li olongiamu wau u mailimoi̒o loluuhurumu tunggula todulahee botie, mabintao̒lio ode Babel. Diaaluo mao̒ u meitolaa.

OLUO MONGO OLONGIA 22:16

tahuda lo Eeya botie: “Wau̒ mamo hukuumani mai Yerusalemu wau ngoilanggubu ulipulio debo odelo u malei tuladee todelomo buku u boheli pilobaca mao̒ li olongia.

OLUO MONGO OLONGIA 23:27

Eeya lotahuda mai, “Wolo u mapilohutu-U̒ ode Isirai̒lu, mapo hutuwo-U̒ ode Yehuda. Taulo Yehuda matapilo-U̒ monto lipu uilohi-U̒ mai ode limongolio. Wau̒ madiilalo mololimo Yerusalemu, kota u tilulaotu-U̒, wau olo bele-U̒ botie, umodudua̒ tahudaa-U̒ mamowali tambati poi̒baadatiala ola-U̒.”

OLUO MONGO OLONGIA 6:23

Yi ti olongia lo Iasirai̒ilu lohutu mao̒ potihunggu daa̒ ode limongolio. Lapatao̒ timongolio lolamelo wau longilu, tio lopoa̒hu olimongolio lohualinga mola odeli olongia lo Siria. Tumulalo mai tou̒ boito tau-tauwalo Siria lohuheli heloluhu lipu lo Isirai̒lu.

OLUO TAWARI 33:11

Sababu uito Eeya lopo dungga mai mongo eyaanggu suludadu lo Asyur heloluhu Yehuda. Tei Manasye yilau̒upio wolo kaito, tulusi pilungulio wau bilintai̒o mota ode Babel.

AYUBA 1:17

Tou̒ tio diipo yilapato lobisala, malonao̒ mai wato otolulio wau lopoo̒taa mao̒, “Tolo pasuukani tamoo lambata lo Kasdim malo lambata uu̒u-ntawaalo li Tuani wau helomate yila-yilateelo mao̒ mongo wato li Tuani. Bo watotia wambao̒ talo aahu tilinggula loo̒ podulohei odeli Tuani.”

YESAYA 13:5

Timongolio lonao̒ mai lonto lilii-puwaalo molamingo to huhuudio lodunia. To delomo omuluka-Lio Eeya helomake olimongolio u lopobinasa ngoilanggubu dunia.

YESAYA 28:19

Timongoli mao̒dungga lo marapo diila obuntoolio wau musi momanta mao̒ timii̒du dulahu, dimodupo, dulahu wau hui. Timongoli mahumuhela moohe wonu timongoli mongalati tahuli lo Allahu Taa̒ala.

YESAYA 7:17

Eeya mamopo dungga mai olongia lo Asyur, lapatao̒ yio̒ wau noga̒amila ngaalaa̒mu boli ulipumu mamoo̒laasa duduu-laheyaalo upolupolu lo ileepita ulebe moo̒tihela hapato lou̒ wolo u pee̒enta ilolaasawa limongoli tumulalo mai lopoo̒ yilaidia lo Isirai̒lu wau Yehuda.

YEREMIA 12:9

Timongolio debo odelo bulungi u tiluhu lo Bulia lonto totoonulalo mantahu. Tiangaalo ngoa̒amila binatangi lo oa̒ayua u modudua̒ mopoo̒o pulitao̒ olimongolio.

YEREMIA 25:1

To taunu opatio lapatao̒ tei Yoyakim walao̒ talolai̒ lei Yosia lowali olongia lo Yehuda, watia loo̒tapu mai tahuli lonto Eeya tomimbihu ngoilanggubu bangusa lo Yehuda. Tou̒ boito bohulo taunu lapatao̒ tei Nebukadnejar lowali olongia lo Babel.

YEREMIA 25:9

‘Wau̒ mamotiangai ngoa̒amila bangusa monto tilayo, wau olo wato-U̒, tei Nebukadnejar olongia lo Babel. Timongolio maa̒mbuwo-U̒ u mopaatea moluwali Yehuda wau ulipulio boli ngoa̒amila bangusa to palitio. Bangusa lo Yehuda wolo babaa-ngusawalo to tiheedio mapobinasaa-U̒ wau poluli-U̒ mao̒ moa̒ntulu u ohiheolo mao̒. Tau-tauwalo tamoo̒onto mao̒oheaalo wau molaasa timihela hapato. Wau̒, Eeya, malo tahuda mai.

YEREMIA 26:20

Pee̒enta olo ngotaalio wewo helo bisala motehengi kota wau bangusa botie to tanggulo Eeya, debo odelo u pilohutuu̒. Tau boito tanggulio Uria walae̒e Semaya lonto Kiryat-Yearim.

YEREMIA 26:6

Wonu timongoli debo diila mohuto modungohu, yi bele poi̒baa-datiyalo botie mapohutuwo-U̒ mai debo odelo Silo, tilinggula totoonulalo bangusa todunia momake tanggulo kota lo Yerusalemu botie odelo laa̒anati.”

YEREMIA 32:28

Kota botie mapoluli-U̒ mai kawasaa lei Nebukadnejar olongia lo Babel pee̒-pee̒enta wolo pasuukanilio. Mahamaa limongolio kota botie,

YEREMIA 35:11

Bo tou̒ ti Olongia Nebukadnejar loluhu lipu botie, amiaatia lolantu mao̒ u tilumeteo̒ lonto suludadu lo Babel wau suludadu lo Siria, wau lopoa̒ahu batanga ode Yerusalemu. Uito sababuulio amiaatia botia lotibiluloa̒ tewe.”

YEREMIA 52:28

ngoa̒amilalo woluo wopato lihu wolomo hetuto lota. Tei Nebukadnejar helomintaa̒ olimongolio todelomo polemboa̒ debo odelo odie mola: tolo lihu dulo pulaa toulota to taunu opitulio pamalentaalio, walu lohetuto tolo pulaa duulota lonto Yerusalemu totaunu opulaa walu pamalentaalio, wau pitu lohetuto wopato pulaa limo lota bilintai̒o lei Nebujaradan totaunu odulo pulaa totolu pamalenta lei Nebukadnejar.

HIYONGO MOPOILAALO SUUSA 1:17

Watia lomintaa̒ mola uluu̒ lei̒ bantu mai, bo diaaluo talo liyango. Lonto totoonulalo tutulio, Eeya lolao mai musu; timongolio mai loluhu olaatia. Watia pilhutulio debo odelo puputo, balangi u moo̒olonuo̒ tohuungi mongolio.

YEHESKIEL 19:8

Bo Babaa-ngusawalo lonto madala to palitio helo langgu olio lonto utoonulalo mao̒. Timongolio helo mua̒ade pajala u loheu̒upa olio, wau tio olo ilohentobe todelomo taalo limongolio.

YEHESKIEL 23:23

Wau̒ mamongambu wau modelo mai ode olemu ngoa̒amila tilantahumu monto Babel, Pekod, Soa, Koa, Asyur, wau tau-tauwalo Kaldea. Deloo-U̒ mai ode olemu mongo bohulotau tahi gaagawa wau tao̒panggati lailaio̒, bangusawa, tadihudihu pantungo lipu upolohuna daa̒ wau mongo polowila lo pasuukani owadala.

MIKHA 3:12

Sababu ololeetumu boito, Sion mapadeo̒lio debo odelo halabolu, Yerusalemu mamowali huntua lotuodu, wau huludu Bele lo Eeya mamowali huta u datahu wau luasi u pilobutua lo aa̒a-yuwaalo kekeei̒.

HABAKU 1:6

Bangusa lo Babel taneekati wau bongisi boito mapowaliyo-U̒ bangusa tao̒kawasa. Timongolio motibaalisi lumualai monto lipulio wau molontale ngoilanggubu dunia u mopo taa̒aluku babaa-ngusawalo wewo.