OLUO MONGO OLONGIA 23:2 - KITABI HABARI MOPIOHE

^2-3 Lapatao̒ tio lonao̒ woli mongolio ode Bele lo Eeya, hetilunuhe lomongo iimamu, mongo nabi wau ngoa̒amila ulipu, mopio tamosikini boli taakaya. Totalu limongolio ngoa̒amila, totili lowolihi polumudu u tolomodu odeli olongia, ti olongia tilimihula mola wau helo pobaca mao̒ wolo suala daa̒ ngoa̒amila tuango buku daantia umaa ilodungga todelomo Bele lo Eeya. Lapatao̒ ti olongia helohutu daantia wolo Eeya u modungohe to Eeya, wau moponao̒ wolo lealeaatu lohilao wau ngoilanggubu jiwa ngoa̒amila palenta wau bubuu-too̒waalo Eeya. Ti Olongia olo helodanti u mopoo̒polu mao̒ danti to daantia lo Eeya wolo umati-Lio utula-tuladee todelomo buku boito. Ngoilanggubu ulipu lodudua̒ lodanti u modungohe to daantia boito.

OLUO MONGO OLONGIA 23:2 ပူးပေါင်းရင်းမြစ်များ

ILOOWALI 19:11

Timongolio lopopitoa̒ao̒ ngoa̒amila taa woluo to bulemengo bele boito tilinggula tau-tauwala boito diilalo loo̒tapu huhebu boito.

BOHULO MONGO OLONGIA 8:9

To delomo Bulua Daantia boito diaaluo penu boli u hitua-tuawua ngopohia botu mohelu duluo. Boboo-tuwaalo boito mapilopo tuwotio mao̒ teto lei Musa to Hui̒dee Sinai, tou̒ Eeya lohutu daantia wolo bangusa lo Isirai̒lu towakutu timongolio todelomo nonao̒ limongolio lonto Masiri ode lipu lo Kanaa̒n.

OLUO MONGO OLONGIA 22:8

Tei Sapan lopo tunggulao̒ palenta li olongia odelei Hilkia, tulusi tei Hilkia lohungguli mao̒ odelei Sapan deu̒ tio maloo̒ dungga buku bubuu-too̒waalo Eeya to Bele lo Eeya. Tei Hilkia longohi buku boito odelei Sapan wau tei Sapan lopobaca mao̒.

OLUO TAWARI 15:13

Penu boli tita, panggola meaambo humula, talolai̒ meaambo taabua, tadiila tumu-tumulo modudua̒a kahandaki lo Eeya tantulo mao̒ hukuu-maniyolo mate.

OLUO TAWARI 17:9

Wolo helodelo buku Bubuu-too̒waalo lo Eeya timongolio lonao̒ ode utoonulalo mao̒ to ngoa̒amila kota lo Yehuda wau helo ngaajali ulipu mola teto.

NEHEMIA 13:1

Tou̒ butoe̒e Musa hepilo bacaalio mao̒ totalu lo ulipu, ilodunggaalio kataraangani botie: ‘Taulo Amon wau Moab sama-samaata diila mowali mopaanggala wolo umati lo Allahu Taa̒ala;

NEHEMIA 9:3

Ngotilonggadu tanu tolo jamu mola, buku Butoo̒ lo Eeya, Allahu Taa̒ala limongolio, hepilo bacalio mao̒ ode limongolio wau ngotilonggadu tolo jamu wumbutio mola timongolio helongaku duduu-sawaalo limongolio. Lapatao̒ uito timongolio losujudu wau helolubo Eeya, Allahu Taa̒ala limongolio.

ESTERI 1:5

Lapatao̒ uito ti olongia luli lohutu potihunggu ode ngoilanggubu ulipu to Susan, mopio takaya boli tamosikini. Potihunggu boito pohupohutu ngodiminggu mola polupolu wau hepilo hutulio to ileengi pilomuloa bunga lobele biluloa̒ li olongia.

AYUBA 3:19

Mola teto ngoa̒amila tau tutuuwauwa: tamasa-masaahuru wau tadiila masa-masaahuru. Wau mongo wato lolopato pulitio mao̒.

JABURU 115:13

Eeya mamo balakati mai tau-tauwalo tahisaalea, mopio kikiio̒ meaambo leidaa̒.

YEREMIA 34:8

Ti Olongia Jedekia wau ulipu lo Yerusalemu lopowoluo daantia u molopato

WUNGGULI LOMONGO RASULU 26:22

Bo tunggula tosaaa̒ti botie watia dilaaha lo Allahu Taa̒ala, tilinggula watia loo̒tihulo teea moo̒owoli mai u silakusia lowatia ode taa ngoa̒amila – tau̒daa̒ meaalo tau̒kikiio̒. Wolo uiloi̒ya mai lowatia botie diila ngopohia lou̒ wolo upilo nubuwati mai lomongo nabi wau lei Musa;

TINGULI 31:26

“Hamaawa mao̒ buku Butoo̒ lo Allahu Taa̒ala botie, wau podutua mao̒ to ambahu Bulua Daantia lo Eeya Allahu Taa̒ala limongoli, alihu debo woluo mota teto odelo ososakusi to bangusa boito.

WAHI 20:12

Wau watia loo̒onto tau-tauwalo yilate, kikiio̒, udaa̒, hitihula totalu lotambati huhuloa̒ li olongia boito. Yi bubuu-kuwaalo olo hiluo̒lio. Tulusi buku tuwau u wewo hiluo̒lio mola, deu̒ito-yito Buku lo Taa Tumutumulo. Lapatao̒ hukuumani pilopodehu-Lio totaa yilate, lobaalia wolo huhutu limongolio lodudua̒ u tulatulade todelomo bubuu-kuwaalo boito.

BOHULO SEMUEL 5:9

Bo tou̒ bulua boito leidungga mota odito, Eeya lohukuumani mai kota boito olo wau helo potoodei tolonggalo ulaba-labaalo udaa̒alio. Ulipu lo kota boito, mopio tahi muudawa meaambo tahi panggolawa hilukuumani lo Eeya wolo himunggu-munggula ulobutu to wawai̒ mongolio.