OLUO MONGO OLONGIA 22:3 - KITABI HABARI MOPIOHE

^3-4 Ti Olongia Yosia o ngotaalio dulutuli lolipu tai̒lunte Sapan walae̒e Ajalya, wombu lei Mesulam. Totaunu opulaa walu pamalenta li Olongia Yosia, ti olongia longohi mao̒ palenta botie ode dulutuliilio boito, “Ponao̒lo mota odeli Iimamu Daa̒ Hilkia to Bele lo Eeya, wau pohilea mao̒ olio u mongohi mai lapuurani pasali lojumulaa doi u mailimoo̒ lomongo iimamu tao̒ tuugasi tohuhebu potuwotalo ode Bele lo Eeya.

OLUO MONGO OLONGIA 22:3 ပူးပေါင်းရင်းမြစ်များ

OLUO MONGO OLONGIA 12:10

Timii̒du wonu doi todelomo bulua mooyota boito madilaata mai, yi dulutuli li olongia woli Iimamu Daa̒ tonggonao̒ mai moyia̒apa doi boito, tulusi momolu mao̒.

OLUO MONGO OLONGIA 23:23

Bo totaunu opulaa walu pamalenta lei Yosia boito deu̒ito Paska luli hepilopo ramelio to Yerusalemu u mohurumati to Eeya.

YEREMIA 1:2

Eeya lotahuda mai odelei Yeremia to taunu opulaa tolulio pamalenta lei Yosia walae̒e Amon olongia lo Yehuda.

YEREMIA 36:10

Lapatao̒ tei Barukh lopobaca mao̒ lonto lilibu buku boito totoonulalo u hitua-tuawua u mailoi̒ya lowatia, wau ngoa̒amila tau lodungoheo̒. Pilobacalio uito todelomo Bele lo Eeya to kaantori lei Gemarya, walae̒e Sepan dulutuli lolipu. Kaantori boito dudutuulio to palepelo ambahu yitaato, totili lo dalalo u tumuwoto ode Huhebu Hulubangi Bohu to Bele lo Eeya.

YEREMIA 36:11

Tei Mikhaya walae̒e Gemarya wau wombu lei Sapan loo̒dungohe deu̒ tei Barukh helo pobaca tahuda lo Eeya lonto lilibu buku boito.

YEREMIA 36:12

Lapatao̒ tio lonao̒ mota ode bele biluloa̒ saaha li olongia, ode kaantori dulutuli lolipu. Mota teto ngoa̒amila tahidihuma pantungo donggo hemosiidangi. Tei Delaya walae̒e Semaya, tei Elnatan walae̒e Akhbor, tei Gemarya walae̒e Sapan, tei Jedekia walae̒e Hananya, tei Elisama ngotaalio lo dulutuli, wau tahidihuma pantungo wewolio woluo teto.