OLUO MONGO OLONGIA 22:2 - KITABI HABARI MOPIOHE

² Tei Yosia helohutu uloo̒ sanangi hilaa lo Eeya. Tio loo̒baaya oli Olongia Dauda loluuhurulio, wau helo dungoheo̒ ngoa̒amila butoo̒ Allahu Taa̒ala wolo lealeaatu lohilao.

OLUO MONGO OLONGIA 22:2 ပူးပေါင်းရင်းမြစ်များ

BOHULO MONGO OLONGIA 11:38

Wonu yio̒, debo odelo wato-U̒ tei Dauda, modungohe wolo lealeaatu lohilao to ola-U̒ boli tumumulo modudua̒ ngoa̒amila butoo̒o-U̒ butoo̒-U̒, wau moo̒sanangi hilaa-U̒ lou̒ moponao̒ ngoa̒amila upilo malentaa-U̒ mai olemu, yi Wau̒ mawolemu laito. Wau̒ mamo powali mai olemu olongia to Isirai̒lu. Wau̒ mamomanta deu̒ waliimu mola mamowali olongia lo Isirai̒lu mobuulota wolemu, tutuuwauwa debo odelo u mapilohutu-U̒ odelei Dauda.

BOHULO MONGO OLONGIA 15:11

Debo odelo tei Dauda, nenemoyaalio, tei Asa helopoo̒ sanangi hilaa lo Eeya.

BOHULO MONGO OLONGIA 15:5

Eeya helohutu mai sua̒li boito sababu tei Dauda maloo̒ sanangi hilaa-Lio. Tei Dauda diila pee̒enta mao̒ lomalonga palenta lo Eeya, ngopohia todelomo sua̒li lei Uria taulo Het boito.

BOHULO MONGO OLONGIA 3:6

Tei Salomo malo lameto, “Yaa Eeya, Eeya malo pobilohei batanga deu̒ Eeya momonu daa̒ tiyamo lo watotia, Dauda, wato lo Eeya boito. Tio mopiohe, juujulu wau tatapu molotolo hilao to Eeya. Wau odelo pongakuwalo u wumbutio mola Eeya debo momonu olio. Eeya longohi mai olio walao̒ talolai̒ ngota u masaatia hemomalenta lobuulota wolio.

OLUO MONGO OLONGIA 12:3

Bo atio̒olo, tambati hepo lubuwalo dewa diila pilopo binasaalio, tilinggula ulipu donggo hemo podewo bake wau hemolapo alama mota teto.

OLUO MONGO OLONGIA 14:3

Tei Amasia helohutu u loo̒sanangi hilaa lo Eeya, bo tio diila debo odelo tei Dauda, loluuhurulio. Debo odelo tiyamolio,

OLUO MONGO OLONGIA 16:2

Tou̒ boito tio o umulu dulopulu lotaunu wau tio helo malenta to Yerusalemu mopulaa wolomo taunu mola hiheolio. Tio diila loo̒ dudua̒a u mopiohe lonto oli Olongia Dauda, loluuhurulio, bo helohutu udiila moo̒sanangi hilaa lo Eeya, Allahu Taa̒alaalio.

OLUO MONGO OLONGIA 18:3

Tei Hiskia helohutu u loo̒sanangi hilaa lo Eeya debo odelo ti Olongia Dauda loluuhurulio.

OLUO TAWARI 17:3

Eeya lobalakati mai olei Yosapat sababu tio heloo̒ dudua̒ oliyamolio; tio diila helolubo Baal,

OLUO TAWARI 29:2

Tei Hiskia helohutu uloo̒ sanangi hilaa lo Eeya debo odelo tei Olongia Dauda loluuhurulio.

OLUO TAWARI 31:20

To ngoilanggubu Yehuda, ti Olongia Hiskia helo ponao̒ u aadili, helo tijuujuru, wau helo posanangi hilaa lo Eeya Allahu Taa̒alaalio.

OLUO TAWARI 34:1

Tei Yosia o umulu walu lotaunu tou̒ lowali olongia lo Yehuda, wau tio helo malenta to Yerusalemu tolo pulaa tuwau lotaunu mola hiheolio.

POHUMAYA 20:11

Monto huhutu lowalao̒ mowali otaawa wolo watadelio mopiohu wau motulidu.

POHUMAYA 4:27

Walahi mao̒ u moleeto, wau tumoloolo mola wolo juujulu. Diila mao̒ pohei sama-samaata monto dalalo u otutu.

JEPANYA 1:1

Tei Jepanya yito walae̒e Kusyi. Toyunuto losila-silaalio monto walungo ode yitaato yito tei Kusyi, Gadalya, Amajia wau ti Olongia Hiskia. Uti-utieelo tahuli lo Eeya odelei Jepanya tou̒ ti Olongia Yosia walae̒e Amon lomalenta to Yehuda.

TINGULI 5:32

Mongo wutato, dungohi mao̒ wolo tatapu wau molotolo hilao totoonulalo upilo malentai lo Eeya Allahu Taa̒ala limongoli ode limongoli. Diila mao̒ lambanga penu boli tuwau mao̒ monto papaa-lentawalo boito.

YOSUA 1:7

Bo, mamusi yio̒ tio̒otutua yakini wau buheli. Yio̒ musi modaha mao̒ alihu yio̒ modungohe ngoa̒amila butoo̒ uilohi odelei Musa wato-U̒ boito olemu, wau diila mao̒ palongamu penu boli ngoi̒di mao̒, yi yio̒ maa otilapulo.