OLUO MONGO OLONGIA 21:7 - KITABI HABARI MOPIOHE

⁷ Hitua-hituawua debo odelo tuoto li Dewi Asyera dilutulio todelomo Bele lo Eeya, lebe-lebe pomao̒ tomimbihu tambati boito Eeya malo tahuda mai odelei Dauda wau Salomo walai̒o talolai̒ odie, “Bele-U̒ wau kota lo Yerusalemu botie, umaat ilulaotu-U̒ mai towolota lomadala opulaa dulo suku lo Isirai̒lu, deu̒yito-yito tambati u tilantu-U̒ odelo tambati poi̒baadatiala to ola-U̒.

OLUO MONGO OLONGIA 21:7 ပူးပေါင်းရင်းမြစ်များ

BOHULO MONGO OLONGIA 8:29

Pohileaala dua̒ hui wau dulahu Eeya moduo̒lai bele botie u matilulaoto Eeya odelo tambati poi̒baadatiala ode Eeya. Pohileaala dua̒ monto tambati potibiluloa̒ lo Eeya tosologa Eeya modungohei wau mongambungu watotia wau umati lo Eeya wonu bolo mongowatotia motitalu mai ode bele botie wau modua̒ mola ode Eeya.

BOHULO MONGO OLONGIA 8:44

Wonu bolo Eeya momalentao̒ umati lo Eeya u mopaatea moluwali musu, lapatao̒ penu boli tou̒toonu timongolio woluo, timongolio motitalu mai ode kota tilulaoto Eeya botie wau modua̒ mola ode mantahu bele botie u mabilongu lowatotia ode Eeya,

BOHULO MONGO OLONGIA 9:3

Eeya lotahuda mai olio, “Dua̒amu madilungohe-U̒, wau woleeto bele u bilongumu botie poi̒laalo-U̒ mai mowali tambati tolomodu u poi̒baadatialo ode Olau̒ ohiheo-hiheolo mao̒. Wau̒ malaito mopoo̒tuoto wau modaha tambati botie.

BOHULO MONGO OLONGIA 9:7

yi Wau̒ mamopo hinggi umati-U̒ Isirai̒lu monto lipu u mailohiu̒ mai ode limongolio. Wau̒ olo mamololaa bele botie u matilantu mao̒ lowali tambati poi̒baadatialo ode ola-U̒. To utoonulalo mao̒ taulo Isirai̒lu mahinaalio wau poi̒ii̒yalio.

OLUO MONGO OLONGIA 16:11

Yi tei Uria lopo tihulao̒ mesba lutuuu̒de wolo obaaya wau tuuu̒du u tilolimolio boito, wau helo poo̒lapato tou̒ tei Ahas diipo lohualingai.

OLUO MONGO OLONGIA 21:4

Eeya malo tahuda mai deu̒ Yerusalemu yito tambati owoluo lo Eeya wau tambati poi̒baadatiala to o-Lio, bo mola teto to Bele lo Eeya, tei Manasye malo mongu memees-bawaalo ode dedee-waalo.

OLUO MONGO OLONGIA 23:27

Eeya lotahuda mai, “Wolo u mapilohutu-U̒ ode Isirai̒lu, mapo hutuwo-U̒ ode Yehuda. Taulo Yehuda matapilo-U̒ monto lipu uilohi-U̒ mai ode limongolio. Wau̒ madiilalo mololimo Yerusalemu, kota u tilulaotu-U̒, wau olo bele-U̒ botie, umodudua̒ tahudaa-U̒ mamowali tambati poi̒baadatiala ola-U̒.”

OLUO MONGO OLONGIA 23:4

Lapatao̒ uito ti olongia helo malentao̒ oli Iimamu Daa̒ Hilkia, mongo iimamu tamoo-mantua wau tahi pokawalia tao̒ tuugasi tohuhebu Bele lo Eeya, alihu mopolualao̒ monto Bele boito ngoa̒amila pakaakasi u pilomake hepo lubowalo Baal, Dewi Asyera, wau popoo-liyamaalo. Ngoa̒amila balangi boito hepilobu li Olongia Yosia to bulemengo kota totili lo Lumbaya Kidron, tulusi wahulio dilelio ode Betel.

OLUO MONGO OLONGIA 23:6

Bui̒ lo Dewi Asyera yiluwalio lonto Bele lo Eeya, wau dilelio ode bulemengo kota ode Lumbaya Kidron. Mola teto bui̒ boito pilobulio, lapatao̒ dui̒itio heilobui̒o loa̒aluti, daa̒ wau wahulio hepilo mua̒yadu toitaato kuubulu lotaa dadaata.

OLUO TAWARI 33:15

Tio helohinggi bubuu-i̒yaala dewa bangusa wewo wau babaa-laahalaalo u maa pilo dutulio to Bele lo Eeya. Tio helo monggali memees-bawaalo balaahala uwoluo tohuludu Bele lo Eeya, wau tataa-mbatiyalo wewo to Yerusalemu. Ngoa̒amilalo boito dilelolio ode bulmengo kota tulusi tilapilio.

OLUO TAWARI 33:7

Bui̒ balaahala dilutulio todelomo Bele lo Eeya, lebe lebe pomao̒ tomimbihu tambati boito Allahu Taa̒ala malo tahuda mai odelei Dauda wolei Salomo walai̒o talolai̒, “Bele-U̒ to Yerusalemu botie, umaa tilulaotu-U̒ towolota lo mopulaa duluo madala lo suku Isirai̒lu, deu̒yito-yito tambati u tilantu-U̒ mai odelo tambati poi̒baadatiala ola-U̒ u ohiheo-hiheolo mao̒.

OLUO TAWARI 7:12

Eeya luli lopopoi̒laalo batanga olio tou̒ hui. Eeya lotahuda mai olio, “Dua̒amu madilungohe-U̒ wau Wau̒ mamololimo bele botie odelo tambati tolomodu u podewowalo bake ola-U̒.

OLUO TAWARI 7:16

Ngoa̒amilalo boito mapohutuo-U̒ mai sababu tambati botie matilulaotu-U̒ wau pilopo tolomodu-U̒ mai lowali tambati poi̒baadatiala ola-U̒ u ohiheo-hiheolo mao̒. Wau̒ mamo poo̒tuotao̒ wau moduo̒lai mololaalaaita.

OLUO TAWARI 7:20

yi Wau̒ mamopo lualao̒ olimongoli monto lipu u mailohi-U̒ mai olemu. Wau̒ olo mamololaa mao̒ bele botie u matilantu-U̒ mai lowali tambati poi̒baadatialo ola-U̒. To utoonulalo mao̒ bele botie hinaalio wau poi̒ii̒yalio.

NEHEMIA 1:9

Bo wonu mongowatotia muli mohualinga ode Eeya wau modungohe totoonulalo palenta lo Eeya yi mongowatotia tamalo bubuua̒lawa boito mamuli ambuo lo Eeya, penu boli mongowatotia woluo to huhuudio lo dunia. Lapatao̒ mongowatotia mamuli powalingo lo Eeya ode tambati umaa tilulaotao̒ lo Eeya u mowali tambati poi̒baadatialo ode Eeya.

JABURU 74:2

Eelailo mai umati lo Eeya tatilulaoto Eeya tumulalo muloololio mai, bangusa tailopato lo Eeya alihu mowali miliki lo Eeya. Eelailo Huludu Sion, u poliwali lo Eeya tambati biluloa̒ lo Eeya.

JABURU 78:58

Timongolio helo teehengi Allahu Taa̒ala wolo tambati polubowalo balaahala, wau helohutu to Eeya lohiihia wolo bubuu-iyaalo limongolio.

YEREMIA 32:34

Tumbao̒ bele u bilongu ode tambati potabiyaalo ode Olau̒ mapilo najisi limongolio wolo lopodutu babaa-laahalaalo limongolio u moo̒olonuo̒ to tambati boito.

YEREMIA 7:30

Taulo Yehuda malohutu u moleeto. Babaa-laahalaalo limongolio u yilonuu̒u-U̒ boito mapilopo tambati limongolio todelomo Bele-U̒, tilinggula loponajisi mao̒.

YEHESKIEL 23:38

Wau diila bo uito wambai̒o. Timongolio olo helo ponajisi Belee-U̒ wau dulahu Saabati u matilantu-U̒ mai boito.

TINGULI 16:21

Wonu timongoli mohutu mao̒ mesba ode Eeya Allahu Taa̒ala limongoli, diila mao̒ dutui bui̒ balaahala monto ayu bayahu Asyera to ngotualiilio,