OLUO MONGO OLONGIA 21:3 - KITABI HABARI MOPIOHE

³ Tataa-mbatiyalo u hepo lubowalo dewa mai̒laantulu lei Hiskia tiyamolio luli bilongulio. Tio helo mongu memees-bawaalo u poi̒baadatiala ode Baal, wau lohutu bui̒ lo Dewi Asyera, debo odelo u hepilohutu lei Ahab olongia lo Isirai̒lu. Tei Manasye olo helolubo popoo-liyamaalo.

OLUO MONGO OLONGIA 21:3 ပူးပေါင်းရင်းမြစ်များ

BOHULO MONGO OLONGIA 18:21

Lapatao̒ tei Elia lohimbide mota ode ulipu boito wau loloi̒ya mao̒, “Tunggula omolua timongoli motohilaa debo ohilao duluo? Wonu Eeya boito Allahu Taa̒ala, tubowalo Eeya! Wonu Baa̒l boito Allahu Taa̒ala, tubowalo Baal!” Ulipu tahi aambua teto malo tipoo̒oyo wambao̒.

BOHULO MONGO OLONGIA 18:26

Yi timongolio loluotao̒ sapi tuwau wau lopo dapato mao̒. Lapatao̒ uito timongolio malodua̒ ode Baa̒l tumulalo mao̒ dumodupo demola ngoputu lodulahu sambela hiwuwaatia̒, “Tameta mai ami, Baal!” Timongolio helohutu uito sambela tulusi hemongelu-ngelungo topalito mesba limongolio. Bo diaaluo totametio mai sama-samaata.

OLUO MONGO OLONGIA 13:6

Eleponu odito taulo Isirai̒lu diila lohuheli helohutu duduu-sawaalo u tilumula li Olongia Yerobeam. Timongolio hemohutu tulusi duduu-sawaalo boito, wau helo poluli bui̒ Dewi Asyera debo woluo to Samaria.

OLUO MONGO OLONGIA 17:16

Timongolio helo lambanga ngoa̒amila butoo̒ lo Eeya, Allahu Taa̒ala limongolio, wau lohutu sapi mohelu duluo lonto logamu u hetuboolo. Timongolio lohutu bui̒ lo Dewi Asyera, helolubo bibii-natangiyalo wau hipo ibaadatia ode Dewa Baal.

OLUO MONGO OLONGIA 18:22

Wumbutio mola polowila boito loloi̒ya mao̒, “Meaalo otanu timongoli moloi̒ya deu̒ timongoli hemo harapu to Eeya, Allahu Taa̒ala limongoli? Tou̒ tei Hiskia helo malentao̒ alihu taulo Yehuda wau Yerusalemu bo moi̒baadati mao̒ totalu lomesba to Yerusalemu, diila maa uitoolo mesba u hepilo binasaalio boito wau tataa-mbatiyalo polubowalo ode Eeya lohihilao?

OLUO MONGO OLONGIA 18:4

Tio helo ngantulu tataa-mbatiyalo u polubowalo dewa, wau lopo lohubeo̒ tutuugulio wau helo ngantulu bubuu-iyaalo Dewi Asyera. Tio olo longantulu mao̒ tulidee lo polonggu huhutuulio lei Musa u ilunte Nehustan. Sababu, tunggula tou̒ boito taulo Isirai̒lu donggo hipomobua dupa u mohurumati tulidee polonggu boito.

OLUO MONGO OLONGIA 8:18

Tio lonika wolo walae̒e Ahab, wau debo odelo u hepilohutu longaalaa̒ lei Ahab, yi tio olo heilodusa to Eeya debo odelo mongo olongia lo Isirai̒lu.

OLUO MONGO OLONGIA 8:27

Sababu ninikaalio boito, tei Ahasia o aaita ngaalaa̒ wolo ngaalaa̒ li Olongia Ahab. Tei Ahasia ilodusa to Eeya tutuuwauwa debo odelo u hepilohutu lo ngaalaa̒ lei Ahab.

OLUO TAWARI 32:12

Tioolo tahe longantulu tataa-mbatiyalo poi̒baadatialo wau memees-bawaalo ode Eeya, lapatao̒ helo poa̒hu taulo Yehuda wau Yerusalemu loi̒baadati wau helomobu dupa tomesba tuwau wambai̒o.

OLUO TAWARI 34:3

Lapatao̒ walu lotaunu mola lowali olongia, to umulu humula daa̒, tei Yosia lolumula loi̒baadati to Allahu Taa̒ala tahe tuboo li Olongia Dauda loluuhurulio. Wopato taunu mola lapatio mao̒ tio helo ngantulu tambati polubowalo balaahala, bubuu-iyaalo Dewi Asyera, wau babaa-laahalaalo wewolio.

AYUBA 31:26

Diila pee̒enta mao̒ wau̒ helolubo mato lodulahu u tinetinela mobaanga daa̒ meaalo hulalo u tinetinela gaagadaa̒.

YESAYA 65:11

Bo diila odito paladu lotau-tauwalo tamololaa ola-U̒, tadiila momandungi Sion, huludu-U̒ u mantali, tahe lopodewo pohinta ode Gad wau Meni, dedeewaalo moo̒ uuntungi wau dewa lopaladu.

YEREMIA 7:30

Taulo Yehuda malohutu u moleeto. Babaa-laahalaalo limongolio u yilonuu̒u-U̒ boito mapilopo tambati limongolio todelomo Bele-U̒, tilinggula loponajisi mao̒.

MIKHA 6:16

Ngoa̒amila boito motoduo sababu timongoli helo dudua̒ huhuu-hutuwaalo u moleeto li Olongia Omri wau walai̒o, deu̒yito-yito ti Olongia Ahab. Timongoli helo dudua̒ duduu-delowaalo limongolio. Sababu uito Wau̒ mamo ngantulu olimongoli, wau timongoli mahenteo̒ wau hinaa lo totoonulalo bangusa.”

TINGULI 16:21

Wonu timongoli mohutu mao̒ mesba ode Eeya Allahu Taa̒ala limongoli, diila mao̒ dutui bui̒ balaahala monto ayu bayahu Asyera to ngotualiilio,

TINGULI 17:2

Wonu bolo timongoli moo̒dungohe deu̒ to talatuwau lokota limongoli woluo taa u odusa to Eeya Allahu Taa̒ala, sababu helo lambanga daantia

TINGULI 17:3

wau palentaa-Lio wolo lolubo wau lotiwato to ila-ila wewo meaalo ode mato lodulahu, hulalo meaalo popoo-liyamaalo,

TINGULI 20:18

Pateyaalo timongolio mate-mateelo mao̒, alihu timongolio diila moo̒ hutu olimongoli odusa to Eeya Allahu Taa̒ala limongoli wolo mongaajali olimongoli mohutu totoonulalo huhutu umoo̒ jijio̒ duo̒lo ila-ila limongolio.

TINGULI 4:19

Diila mao̒ pohutu dusa sababu molubo wau motiwato tou̒ wolo u oontonga limongoli tohulungo: mato lodulahu, hulalo wau bibii-natangiyalo. Eeya Allahu Taa̒ala limongoli lopoluli mao̒ babaa-ngusawalo wewo helolubo uu̒u-pangowalo boito.